حاولْ تفْهمْ قوْل منْ شاعرْ مصْقولْ
واللِّي حاسسْ بيهْ عنِّي لا تخْفيهْ
ماني طالبْ ودّْ عالْقوَّهْ محْمولْ
قلْبكْ عنْدهْ حقّْ يهْوى من يبْغيهْ
صارحني بَكْلام مافيه الْمجْهولْ
وا لوْ خَطّْ قْلام كلُّشْ واضح فيهْ
كيما جْوابكْ كان في نفسي مقبولْ
ما يزْعجْني قوْل لا لا والا إيهْ
ليلي بعد الْقصْر عنِّي صار يْطولْ
ماندري كيفاه وحْشي أَنْواسيه
بابكْ صار اليوْم يا شهْله مقْفولْ
حتّى عدْت نْقول خاوي عن أَهليهْ
ياريْت اللِّي صابني عنَّكَ منْزولْ
حتَّى تَدْري حجْم ما قلبي يْعانيهْ
ضامتني لَيَّام ماني لاقي حْلولْ
منَّكْ قلْبي كان خالي ولَّعْتيهْ
عنِّي غْرامكْ جارْ أُومنَّكْ معْذولْ
واللِّي لام الصّب ْ أَخْبارَهْ تاتيهْ
منْ ضحْكاتكْ خافقي أَبْحَرْ فلْهوْلْ
وسْهام الْعينِينْ زاد الْحَمْل عْليهْ
وطَيفْ خْيالكْ قَيْد صيَّرْني مكبولْ
يا لوّامهْ لِيه طيْفكْ مَتْلُو ميهْ
**شعر جزائري من تأليفي.شعر ملحون.**
شادي الصالح حمام الضلعة ولاية المسيلة
29
( تقرير عن مشاركة سيئة )، و الموجودة أسفل كل مشاركة .
2009-12-01, 11:21
شعر شعبي من تأليفي
العرض العادي
