ابي البيولوجي

مشكلتي · 2018-01-28, 08:22

السلام عليكم ورحمة الله وبركاته. ..
امي و ابي تطلقا عندما كنت في بطن امي خلقت و ترعرعت من مع امي والدي لا يسال و لا يبحث عني و لا يصرف عني امي بمثابة كل شيئ لي و لاخي...تزوج ابي و انجب 5 اولاد..الكارثة منعرفش خاوتي من بابا ابدا في حياتي لا تلاقيتهم حتى يوم عرسي عرضتهم و ما جاوش.عمومي ابي متقاطع معاهم خويا يروح ليهم و الان توفاو بقى واحد قلت لابي اديني ليه لخطرش سمعت مقاطعين بعضاهم محبش دارلي اسباب..الان نعيط لابي و هو و لا يسال و لا يطمن عليا والو راني في دار الناس ساعات يحقروني و نتظلم مكاش لي يوقف معايا (ااهل زوجي يحبو الرجال( المرا عندهم ملازمش تهدر)..
المهم دارت الايام و طلق مع مرتو و لا الاخ الاكبر من ابي شرا دار و اخد امو و اخوتو و بابا قعد في دارو مراحش معاهم...
اعندي ابي لكن و الله ما نعرف حنانتو و لا طيبتو و لا حتى رحمتو ليا والو يعرف غير يسب ماما لي جاهدت علينا و طلقت 25 سنة و قعدت علينا و رباتنا و تمحنت ربي يعطيها صحتهاامين.الان نعيطلو باش يشوفوه اولادي نهدرلهم عليه بصح غااااائب نعيطلوش يشوفهم يديرلي السبايب عندي كورصة راني بعييد...
حااليا راهو مبهدل بيا يمشي و يقول محبتش ترفدني و انا و الله ما رباتي و لا سال عليا طيلة 40 سنة لا راني حية و لا ميتة كي نروح ليه يقنبلني يمااااك فيها و فيها خوك ماشي راااجل و انا و الله امي رباتنا على الحشمة و الحيا و الله معرفت راجل من غير زوجي...قلبي معمر سمحولي هدرت بزاف.
الان يقول للناس مرفدتنيش و انا ساااكنة مع اهل زوجي عايلة كبيييرة كامل مع بعض خفت نجيبو يبهدل بيا و بماما لي اقسم بالذي خلقني بلي شريفة عفيفة و لا يهدر عليا و لا على خويا و يدمرلي حياتي نولي ندافع على ماما و خويا و على حتى روحي لانو يسب و يجبد حكاية عندها 20 سنة و يخلط حتى و هو الغااالط...
اعطوني رايكم وشندير معااه الله قد ما نحكي منوفيش تخيلو نهار الفاتحة محبش يحضر يفتحلي هو الولي المهم وجعني بزززاف و حقرني و ظلمني الله يسامحو..