طلب مساعدة

[MohammedHD]

السلام عليكم هل يمكن شراء هدا المنتوج من الأنترنات من موقع gearbest وهل يدخل الى الجزائر أم

يحجز من طرف الجمارك أم لا من فضلكم اريد أشخاص لهم تجربة في الامر لأنني في حاجة ماسة اليهم


رابط المنتوج

https://www.gearbest.com/walkie-talkies/pp_263298.html

[kenchi]

لا فكرة لدي اخي لكن مبدئيا الحجز لاعتباره خطرا على امن الدولة ووسيلة للاتصال غير مراقبة
و الله اعلم

[kuradox]

لا أنصحك 90% يتم حجزه

[الحاج انطوان]

لما يصلك الجهاز اعتبر نفسك من المفقودين
والله لو يكون جهاز لعبة اطفال ويتصل فقط بين غرفة واخري فسيتهمونك بان ستمون به جماعة...والعياذ بالله

[always1]

اخي ادا انت رياضي في الرياضة الشراعية او في الرماية و الصيد او التسلق او منظم لجمعية تاع الهوات و المشات المغامرون اتجه لمصلحة الدراغ فيالولاية و قدم طلب غير هادا يرفضون اعطائك التصريح لسبب بسيط لمادا تريده ؟؟
ادكر شخص في وهران يسكن في اسبانيا جا فيالصيف وجاب لوليد خوه ربما مثل هادا مداه الاقصى 50 متر اتهم و حجز وقيد للمحكمة بتهمة اجهزة حساسة و تجسس والجمارك فرحانين بالانجاز العضيم في الاخير الحكم 4 اشهر سورسي و غرامة ماية 20 مليون راح مزادش ولا خلاص ههه
احدر فان الدولة تخاف من التكنولوجيا و ضدها و هاد الانترنت و الهاتف الدي نستعمله و الكاميرات هي فقط فوق قلبهم باش ميحكيش عليهم العالم سينو راني فيالعصر الحجري
هادا التلكي وولكي تاعك تاع هوات هنا فيالشكوبيستان تاع اجهزة امن الدولة ههههه

[MohammedHD]

المشاركة الأصلية كتبت بواسطة always1

اخي ادا انت رياضي في الرياضة الشراعية او في الرماية و الصيد او التسلق او منظم لجمعية تاع الهوات و المشات المغامرون اتجه لمصلحة الدراغ فيالولاية و قدم طلب غير هادا يرفضون اعطائك التصريح لسبب بسيط لمادا تريده ؟؟
ادكر شخص في وهران يسكن في اسبانيا جا فيالصيف وجاب لوليد خوه ربما مثل هادا مداه الاقصى 50 متر اتهم و حجز وقيد للمحكمة بتهمة اجهزة حساسة و تجسس والجمارك فرحانين بالانجاز العضيم في الاخير الحكم 4 اشهر سورسي و غرامة ماية 20 مليون راح مزادش ولا خلاص ههه
احدر فان الدولة تخاف من التكنولوجيا و ضدها و هاد الانترنت و الهاتف الدي نستعمله و الكاميرات هي فقط فوق قلبهم باش ميحكيش عليهم العالم سينو راني فيالعصر الحجري
هادا التلكي وولكي تاعك تاع هوات هنا فيالشكوبيستان تاع اجهزة امن الدولة ههههه

هههههههههه شكرا اخي على النصحية وبارك الله فيك

أنا اود ان اشتريها لأنه عندي قروب نتاع طبوغراف نحتجو في أمان التي لا يكون فيها الريزو راك فاهم

أخي شكرا لك على النصيحة وبارك الله فيك

[nassim1]

يحجز 100%

هذه اذا لم يتم استدعائك و قد تتهم ايضا بحيازة سلاح خطير يهدد امن الدولة ههههه

رانا فى بلاد الكوباي خويا

باه يبينو للمريكان بلي رانا حاقريين الإرهاب ... مش بالتكنولوجيا و المخابرات و و و

هم يحرمون الشعب من اتفه الأمور بغية الأمن ... مثل ما عودونا الحلول السريعة و الترقيعية ...

بلادنا و الله لا المريكان و ما توصلها من ناحية الثروات و المناخ و المكان الإستراتيجي

لكن من يحكموننا قردة عليا للأسف ... البلاد هادي خصارة فيهم

اشتريت ألة تدليك ب 7 دولار يقتنيها الملايين عبر العالم ... كي وصلت للجزائر احجزوها و استدعوني لمكتب الضبط خخخخ

اسمحت فيها لأن مبلغ الحافلة للذهاب اليها مرتفع ...وجوه الشر