نزولا عند طلب العضوات الغاليات 💕💕💕... اليكن وصفة حلوة البابلي 🍫🍫🍫

ملاك ملاكي · 2018-09-08, 00:34

حبيباتي اعتذر عن التاخير في ادراج الوصفة
تفضلوا حبيباتي المقادير مع كيفية التحضير في نفس الوقت✍️✍️✍️
اولا شئ نذوب 60حبة من حلوة كابريس مع 4مغارف كبار حليب سائل على نار هادئة.... بعدها وبعيدا على النار وهو سخون نضيف 250غ زبدة نحرك حتى تذوب ونضيف 2 مغارف كبار كرامال سائلة لي نستعملها فوق المثلجات او لي نلقاوها مع الفلون.... وتقدري تستغناي عليه اذ لم يتوفر.... بعدها نضيفو 2 صفار بيض ونواصل التحريك بسباتيلا.... تم نضيف 3 مغارف مبار كاوكاو محمص ملييييح ومرحي رقيق نوعا ما ونحرك ونضيف 3 مغارف كبار نشاء منخول.... وفي الاخير نشيح بالفرينة كذلك منخولة حتى تتخصلي على عجينة طرية... حطيها في كيس بلاستيكي والى الثلاجه مباشرة لمدة 30د
بعدها اطرحي العجينة متوسطة السمك بطابع لي يتماشى مع مول الخاص بالبابلي.... وحطيها الطيب حتى تحمار خليها تبرد جيدا
اما شكل البابلي حضريها في المول الخاص باذابة الشوكولا بدون اي اضافات اكيد الطريقة متفق عليها هاهاها
الحشو حبيباتي....
كمية من الكاوكاو مخمص جيدا ومرحي رقيق مثل لي ستعملتيه في خليط العجينة.... وضيفيله بالتدريج كمية من الكرامال حتى تتخصلي عل حشو ماهو يابس ماهو سائل.... عمري حبات البابلي نتاعك
جيبي حبة الحلوة نتاعك وادهنيها كانل بنستلي كرامال او طوفيا او كمية من المعجون ممزوج مع كمية من حلوة الترك.... لك الاختيار او سوبر كرام كرامال.... وحطي حبة البابلز واضغطي قليلا باه تشد روحها.... والجوانب دوري عليهم كاوكاو محمص جيدا جيدا ومرحي خشبن شوي على لي ستعملتيه في الحشو.

نتمنى نكون واضخة وماقصرتش في التوضيح هاهاهاها
نتمنى تجربوها وتعجبكم خاصة خاصة نحولاتي لي طلبوا الوصفة... موفقين.... وشاركونا تطبيقكم أن شاء الله في قسم تطبيق العضوات 😘😘😘

هذه هي الصور لحلوتي😋😋😋😋

موفقييييين نحولاتي😘😘😘

fadila34 · 2018-09-08, 15:17

ياسلم ياسلم على حرة الحراير جاك يهبل يهبل يعطيك الصحة وعندي سؤال ههههه كي تخدمي البابلي يعني الشيكولة فى المول تحشيها فى المول ولا حتى تكملي كامل الكمية وامبعد تعمريهم بالحشو كامل يعني ماتذوبش الشيكولة ولا كما قتلك نحشيها فى المول ونلصقها على حبة القاطو ونزيد نخدم دفعة اخر بصح هكذا نطول هههههههه اسمحيلي نهدر بزاف ههههههه

ملاك ملاكي · 2018-09-08, 15:43

اقتباس:

المشاركة الأصلية كتبت بواسطة fadila34

ياسلم ياسلم على حرة الحراير جاك يهبل يهبل يعطيك الصحة وعندي سؤال ههههه كي تخدمي البابلي يعني الشيكولة فى المول تحشيها فى المول ولا حتى تكملي كامل الكمية وامبعد تعمريهم بالحشو كامل يعني ماتذوبش الشيكولة ولا كما قتلك نحشيها فى المول ونلصقها على حبة القاطو ونزيد نخدم دفعة اخر بصح هكذا نطول هههههههه اسمحيلي نهدر بزاف ههههههه

هاهاهاها رانا كيف كيف في الهدرة هاهاهاها
حبيبتي انا عن نفسي خدمت كل الكمية نتاع البابليز في المول..... وبعدها عمرتهم.... وهو بيناتنا صدقتي طولي مي اذا تحبي خدمة نظيفة ومتقونة ماكانش قد لي زيتاب هاهاهاها
هو مع الاولاد صح.... انا والله نخدم في الليل وساعات مثلا كي حلوى بحال هذي ندير خدمة التحضير المسبق.... مثلا كي شوكولا البابليز وجدتهم بليلة او ليلتين مسبقا حطيتهم في بورت مونجي وخليتهم في الثلاحة....

مشكوووورة حبيبتي لمرورك الطيب وتقييمك واطرائك وتشجيعك احممم احممم 💕💕💕