العين او الحنفية

[toulay]

السلام عليكم
Hello hello واش احوالكم ان شاء الله لباس توحشتوني ولا لا على كل حتى لو توحشتوني انا متوحشتكمش هههههه قصدي قتلني الاشتياق هههه

اليوم راح نحكيلكم قصة واقعية صراتلي مين كنت صغيرة مدابيا تعجبكم ولا نقولكم بسيف عليها تعجبكم ولا هتلر هاذ الخطرة يستطيع

Let's goooooooooooooooooooo

كان يامكان في قديم الزمان كان هناك اربع صديقات انا وايمان وسارة وحياة
سارة كانت هي رئيسة العصابة بصح ديما الضربة تجي فيها مسكينة ههههه tellement كانت تحب تلعبها هي la patronne وتحقر علينا ايا تخرج فيها هههه
حياة او الحوتة كيما كنا نعيطولها عاقلة بزاااااااااااااااااف حسها متسمعوش
طبعا انا وايمان تاني عاقلات الله يبارك وماشاء الله

المهم كانت حدانا وين نسكنوا كيما الحفرة وفيها عين ومين تجي العين قاوية تنفجر وهاذيك الحفرة تولي بركة تاع ماء تقدر تعوم فيها نورمال والماء هذاك صافي يهبل ويبقى يسيل حتى لتحت خلاص ايا حنا لبنات واش نديروا نهبطوا لتحت خلاص ونبقوا نمشوا حتى نوصلوا للبركة هاذيك ايا مين وصلنا رئيسة العصابة ولهي سارة طاحت فيها حتى نلقاوها بلق وتعوم هههههه انا وايمان حكمتنا هستيريا الضحك مقدرناش نحبسوا من الضحك وحياة مسكينة تحوس على طريقة باش تمنع سارة
وسارة تعيط ارواحوا عاونوني واش قاعدين تضحكوا وحنا مشي سامعين بيها طول
وفالاخير على ما اتذكر خرجتها حياة

وتوتة خلصت الحدوتة

الى اللقاء مع حكاية اخرى ان شاء الله