طارتة الخضر روووعة ساهلة و بنينة تفضلوا

[أم فاطمه]

بسم الله الرحمان الرحيم



مرحبا بيكم خواتاتي كيف حالكم
جيتكم اليوم بحلة جديدة و وصفة جديدة كما عودتكم
طارتة الخضر هايلة خفيفة و ساهلة و بنييييينة

المقادير

5 حبات بطاطا مقطعين مربعات و مقلية
2 حبات فلفل احمر مقطع و مقلي
2 حبات بصل و فخد الدجاج (قطعيهم و قليهم مع بعض مع العلم الدجاج يكون طايب من قبل )
فرماج
معدنوس
و ثوابل (ملح . فلفل اسود . التوم )
4 حبات بيض





طريقة التحضير

خدي صحن خلطي فيه كل المقادير مع بعض جمعيهم بالبيض



ضعي في مقلات قليل من الزيت يسخن و فرغي فيه الخليط و خليه يتحمر من الجانبين

و شهية طيبة نتمنى تنال اعجابكم و تجربوها