الى الجميع

NeverGiveUp · 2017-05-18, 12:27

شرح مبسط لدروس الاجتماعيات

[COLOR="MediumTurquoise"]اول وحدة هي الحرب الباردة

اول حاجة لازم نفهموها هي معنى مصطلح الحرب الباردة اوك باختصار هي .......

الحرب الباردة هادي مجرد مصطلح طلقوه على وحد المداوسة ههههههه ولا صراع اديولوجي يعني توجه او نمط الفكر الي هو الراس مالي والاشتراكي
كان بين زوج معسكرين
معسكرين يعني تجمعات لبعض الدول
هادو زوج معسكرين هوما المعسكر الشرقي يعني دول الشرق برئاسة الاتحاد السفياتي مقرها موسكو
والمعسكر التاني هو المعسكر الغربي يعني دول الغرب برئاسة الو المتحدة الامريكية
دونك سماوها بالحرب الباردة باردة علاش بسكو مكانش فيها السلاح كانت سياسية اولا طبعا

واخييييييييييرا
كمصطلح
هي الصراع الاديولوجي الدي ظهر بعد نهاية الحرب العالمة 2 بين المعسكرين الشرقي الاشتراكي الاتحاد السفياتي والمعسكر الغربي الراسمالي الو المتحدة الامريكية استعمل فيه جل الوسائل عدا السلاح

وهكا تدي نقطة كامل

اليوم عندنا اسباب هدا الصراع الي بيناتهم.........

الور نبداو باول حاجة الي هي كانو مختالفيين في تفكريهم واحد يقلك لازم ننتاهجو الاشتراكية يعني الملكية الجماعية لوسائل الإنتاج وإشراف الدولة إشرافا مطلقا على جميع شؤون الحياة اقتصاديا واجتماعيا وتوجيه نشاط المجتمع والتاني يقلك لالا لازم ننتاهجو الراسمالية
وهو عكس الاشتراكية يعني ينادي بالملكية الفردية الخوصصة
وتلخيص لهدا عندك
1-- الاختلاف الاديولوجي بين الراس مالية والاشتراكية

ثانيا عندك قبيل فالحرب العالمة الثانية كان وحد الخطر يلازم الدول الي هو تاع هتلر النازية الخطر النازي دوكا باش يحاربوه كان لازم يتحلافو ويتعاونو مع بعض نقصد هنا الو م ا و الات س بيانسور مشي محبة بل مصلحة ولكن بعد نهاية الحرب الاعالمية الثانية زال هدا النازية ايا
الدول هادي عاودت تعادات مع بعض
واختصار لهده النقطة هو ........

2-- زوال مبررات التحالف القديم الي هو الخطر النازي

ثالثا عندك كانو في زوج عندهم نفس المصلحة يعني نفس الهدف كل واحد يحوس ينشر المبدا تاعو للدول الضعيفة

وباختصار.....
3 تصادم مصالح المعسكرين

ورابعا بيانسور كان هنا ضحية لهده الحرب العالمية وشكون هوما كانو دول العالم الثالث معضمها.......

وباختصار .....

4--- حدوث ازمات دولية خطيرة

معلومة استادنا قالنا ديرولهم غير 4 نقاط تدو علامة كاملة

1---الاختلاف الاديولوجي بين الراس مالية والاشتراكية
2---زوال مبررات التحالفالقديم
3---تصادم مصالح المعسكرين
4----حدوت ازمات دولية خطيرة

نبداو حبيت نديرهالكم على شكل قصة اوك

هدا تمهيد بلا منعاود شاقرينا العام الي فات نقول غير الصوالح الي نستحقوهم

دوك الاستعمار الفرنسي احتل الجزائر وحب يطمس ويمحي كل حضارتها ويرجعها جزء من فرنسا

بيانسور الجزائريين دمهم سخون هههههههه والي يدنا لبلادنا ينحيوه ههههههه

الور الجزائريين مع الول ومع الحقرة والضغط كانو يقولو بلي هدا قدر لا محال وماعندنا منديرو

ولكنننننننننننننن مع الوقت بدا يتبدل الراي تاعهم ولاسباب طبعا من اهمهم النخبة يعني الطبقة المثقفة الجزائرية امتال ميصالي الحاج

تابع..........

قلنا هادي النخبة كي جات بدات تثقف فالشعب وتبينلو بلي هدا الاستعمار ماهو والو وحنا قادريين نخرجوه نورمال
اولا بداو بالعمل السياسي بداو يشكلو في احزاب اللى غير دالك ..........

ومبعد كشغل مخرجتش عليهم هدا الشي وخاصة بعد مجازر 8 ماي ومن واش خلفت من خسائر بكل انواعها

بدا الشعب يتبلور الوعي تاعو يعني بدا يفهم بلي ما اخد بالقوة لا يسترجع الا بالقوة

وشافو بلي العمل السياسي وحدة ميدير والو اليد وحدها متصفقش ههههههههه

فهمو بلي لازملهم العمل المسلح يعني عسكريا
ايييييييييوا هنا بدا الصح

هدا مجرد تمهيد ................

نكملو قلنا بداو يفهمو بلي خصهم العمل المسلح

1 عندك استراتجيات الثورة ......... يعني وسائل الي عتامدت عليهم الجزائر او كيفاش حاربو وباي طريقة

اصبر هنا كاين عندك زوج صوالح عندك 1 على المستو الداخلي يعني داخليا فالجزائر واش دارو

وثانيا على المستوى الخارجي يعني خارج بلادنا

ايييييييه ركزو هنا بدينا فالصح .............
1 على المستوى الداخلي ...............نديرهالكم على شكل نقاط ونشرح في نفس الوقت .........

1 التعبئة الشعبية .......
هنا كيفاش....... هنا نشوفو الدور الحقاني تاع النخبة الي قلنا عليهم
هادو الناس المتثقفين بداو يوعو فالشعب بكل الوسائل باش يامنو بالثورة ويحتاضنوها ويلتفو حولها
حبو يزرعو في عقولهم الايمان بالثورة بيانسور لوكان انت متفهمنيش شتاهي الاسباب وعلاش والهدف من العمل الي مديتولي سيلوجيك منقبلش ادا واش دارو هنا..............
االتوعية الاعلامية بداو ينشرو في فضائح الفرنسيين اول وسيلة هي بيان 1 نوفمبر 1954وباش تفهمو مليح ديرو بيان وقراوه راهي عندكم لانتارنات ههههههه
2 مساندة الشعب ضد الاساليب والمخططات الارهابية الاستعمارية اممممممممممم طبعا انت ادا حبيت تكسب كاش واحد رطبلو ههههههه هدا الي داروه النخبة لشعبنا ...........

3 الاهتمام بالجانب الصحي والاجتماعي والتعليمي والتكفل بالبعثات الطلابية ............. هاد باينة نورمالمو داخلة فالترطاب

4 وهاد مهمة ..... تحميل الشعب مسؤولية تنفيد الثورة كيما قالها السي العربي بن مهيدي ....... ارم بالثورة الى الشارع يحتضنها الشعب........ فهموهم بلي انتوما لااااااااااااااااازم تحتاضنو الثورة

...........................................

كرهتو؟ ههههههههههه متكرهوش دوك نكملو

2 التنظيم العسكري .........

نكملو 2 التنظيم العسكري

يعني هنا واش دارو عسكريا .........
1 تقسيم الجزائر الى 5 مناطق عسكرية وانتوما شوفوهم راهم فالكراس يعني هنا الجزائر قسموها الى مناطق كل منطقة يحكمها واحد وتخدم خدمتها
2 انشاء جيش التحرير الوطني........اممممممم انت في رايك كيفاش يحاربو بلا جيش اه؟

3 انشاء قيادة الاركان .......... معنتها قلنا لكل منطقة دارو قائد لايموهم قاع وجمعوهم في ركن واحد يعني في مجمع واحد باش يتفاهمو مع بعض
4 تحديد الرتب ........ امممممممم هاد سقسو الشيخ منيش متاكدة منها

هادي بالنسبة عسكريا

نكمل وين حبسنا ادا راكم متفكرين عند الاستراتجيات الجزائرية على المستوى الداخلي بانسبة للتنظيم العسكري ايه؟
نكمل اهم نقطة داروها في التنظيم العسكري هي هجومات الشمال القسنطيني 20 اوت 1955 على فكرة هده النقطة مرشحة جدا للوقوع في الامتحان على هدا ركزو معايا فيها ...............

لازم نعرفو اولا ظروف هده الهجومات............. يعني شتاهم الاسباب ولا العوامل ولا علاش اصلا دارو هادو الهجومات الور من الظروف كاين .............
1 - الحصار المفروض على الاوراس ...... دونك منطقة الاوراس كانو فايقيين بيها بلي راه تملك الاسلحة لهدا الاستعمار ركز علييها وكتر الضغط عليها ايا باش ينقصو عليها دارو هادو الهجومات باش ينحو شوي انضار عليها كيما نقولو باش

يلهوها.......

2*** اعلان حالة الطوارئ 3-4/افريل 1955 ...... هاد كيفاش معنتها الاستعمار وكل الجيش بكل شيئ والجيش الفرنسي كتر من جرائم تاوعو ايا دارو الهجومات باش ينقصو الجرائم
3-- استشهاد بعض القادة كديدوش مراد .
4--- مشروع جاك سوستال 15 جانفي 1955 ........هدا المشروع دارو جاك سوستال هو اغرائي باش زعما يكلخو للجزائر اممممممممم طبطبو هههه

الان رانا في اهداف هده الهجومات ؟؟؟ بيانسور الخاوة لا يوجد شيئ سوى واهدافه تصاحبه ادن ماهي اهدافه؟

1-- رانا دكرناها قبيل فك الحصار على منطقة الاوراس

2---الحصول على السلاح والرد على مجازر العدو ......... هنا كان هدفهم واضح مي كيفاش دوكا هوما كي يقتلو الرجال المستعمرين لبلدنا من المنطقي يكسبو اسلحة الاموات تاعفرونسا وفي نفس الوقت باش ينتاقمو للارواح الجزائرية الميتة في مجازر 8 ماي
3---- تفنيد اشاعات واداعات العدو حول الثورة... معنتها داروها باش يكذبو الي رهم يطلقو في الاشاعات على الثورة .
4--- تدويل القضية الجزائرية..... هنا باش يعرفو بالقضية تاعنا في المحافل الدولية قصد كسب الدعم من الدول الاخرى

نتابع والان ماهي نتائج هده الهجومات؟؟؟؟؟؟؟؟

1---فك الحصار على منطقة الاوراس وزيادة الالتفاف الشعبي بالثورة........ هنا خلاص قدرو يفكو الضغط على الاوراس وزيادة على ذلك كسبو احلاف تساند الثورة

2--- تاكيد قوة الثورة وتفنيد اداعات العدو.

3--انطلاق الثورة بالولاية الرابعة يعني الجزائر

4--نقل الثورة من الارياف الى المدن....

هادو معنديش واش نشرح فيهم وعلى كل نقدرو نستانتجوهم من الاهداف بمجرد مانعرفو بلي كانت النتيجة اجابية يعني حقو اهدافهم وبالتالي نخرجو النتائج

تابع....

[/الاااااان 3333333 التنظيم المؤسساتي ......... هنا غير يقلك ماهي استراتجية الجزائر في الثورة بالنسبة للتنظيم المؤسساتي يعني مؤتمر الصومام وحتى هدا مهممممممممممممممم لمادا مهم بسكو هوما قادر ميدلكش الااسئلة المباشرة ولا يديرلك هادو المخفية على هاديك ران نركز عليهم خاوتي

اهااااااا يعني واش دارو باش يطردو الاستعمار دارو مؤتمر الصومام 20 اوت 1955 .....الي عقدوه في الولاية الثالثة يعني القبائل بقرية ايفري
واختير هدا التاريخ 20 اوت احتفالا بالذكرى الاولى للهجومات 20 اوت 1955

صحا علاش اختارو المنطقة الثالثة بدات القبائل؟؟؟؟؟؟؟؟؟؟

نظرا ل...............
توسطها للولايات التاريخية يعني موقعها الاستراتيجي
توفر العامل الامني بسكو مهيش معروفة لدى العدو بزاف وتاني فيها غطاء نباتي كتيف

الان 1---- ماهي ظروف انعقاده؟ يعني شتاهي الصوالح الي ساعدت وساندت في انعقادو؟؟؟؟؟

قلنا ظروف انعقاده ......... هنا كاين زوج داخلية وخارجية .....

1 الداخلية ..............

**مضي عامين عن انطلاق الثورة وتوالي انتصاراتها.........عامين كامل وهي تنجح في كلشي ايا هدا زاد حفز الجزائريين

****انضمام اعداد كبيرة من مختلف شرائح الشعب للثورة ........ يعني النخبة هنا بانت نتائج خدمتها وتعبها قدرت تاثر في الشعب وتخليه يامن بالثورة ويلتاحقو بيها من كل انواع الناس شيوخ رجال نساء... وهدا ما ساعد بقوة في نجاح الثورة...
**** الحاجة الماسة للتقييم والتخطيط للمستقبل ... يعني قالو كيفاش دوكا حنا نقعدو هكا والناس تتطور ايا لازم نديرو الي علينا ونخرجو هادو الاعداء باش نصنعو بلاد كيف قاع البلدان ..........
****تزايد جرائم الجيش الفرنسي للقضاء على الثورة ........... ايا هنا الجيش الفرنسي صمطها بزاف قالو لازم نوقففوه عند حدووووووووووووو
الخارجية ....

****دعم الكتلة الافرواسوية للثورة في مؤتمر باندونغ باندونيسيا 18-24 افريل 1955 هنا شكون الكتلة الي قاصدينها يعني الي اسسو حركة عدم الانحياز وشسكون هوما الدول المستقلة حديثا يعني دول العالم الثالث الي كانت هي ايضا تتعدب كيما الجزائر حسو بينا عاونونا.........

***تاميم جمال عبد الناصر لقناة السويس 26-7-1956 .... هنا الله اعلم كيفاش ساهمت في انعقاده سقسو الاستاد بسكو انا من الفصل الثاني مزدتش رحت قريت بيني وبين الشيخ ممدة ههههههه ومدابيكم الي يعرفها يقولهالي مرسي

خلاص هادي هي الظروف
تابع......

الان قراااارات مؤتمر الصومام هادو والله الشيخ قالنا باينة يحطوها باي طريقة كانت

يعني واش خرجو بقرارات و واش دارو في هدا المؤتمر؟

1- بيانسور ميثاق الصومام ..... يعني هي وثيقة سياسية مرجعية للمؤتمر

2--تاسيس المجلس الوطني للثورة ........ هدا المجلس هو بمثابة برلمان مشرع للثورة ويضم 34 عضوا يعني هو السلطان يقرر ويقلهم واش ديرو ...........
3---انشاء لجنة التنسيق والتنفيذ.........هاااادي هيئة الخدامة تاع المجلس الوطني للثورة هو يقرر وهي تنفذ

تقسيم الجزائر الى 6 ولايات عسكرية ........... كانو خمسة وزادو وحدة الي هي الصحراء

خلاص منكتر عليكم غير هادو يكفو بالنسبة للقرارات ........

امممممممممم عمبالكم كملنا معاه مزاااااااااااااال وانتوما في رايكم فرنسا رايحة تسمح في حقها احي احي فرنسا زعفت بزااااااااااافمن هدا المؤتمر وهي تاني خدمت خدمتها انتقاما للمؤتمر

ايا ما هو رد فعل فرنسا من هدا المؤتمر ؟؟؟

اوك نقولهالكم ملخصة بلا على شكل نقاط اوك؟

صب الاستعمار غضبه على البيت الدي انعقد فيه المؤتمر فتم تدمييييرة . زيادة على القيام بعملية تمشيط واسعة ببلاد القبائل تمشيط مشطو المنطقة صفااااااااوها قتلوهم قاع . والانتقام من سكان المنطقة بمختلف انواع التعديب وفرض الحصار وسياسة التجويع عليهم .....

يعني هنا دير واش راك فاهم حطولهم قاع الافعال الاجرامية الي دارتها فرنسا

اونفااااااااااا كملنا مع الاستراتجيات على المستوى الداخلي
تابع..........

اها 2 على المستوى الخارجي .............

هنا نقصد التمثيل الدبلوماسيييييييي .......... واش معنتها يعني سياسيا واش دارت الحبكة والفطنة والذكاء كامل يتطلبو فالدبلوماسية .... نبداو

1--دمج الجالية بفرنسا للثورة ....... يعني الجالية هوما الجائريين الي عايشين في فرنسا الجزائر عملت على دمجها معانا فالثورة هي تاني لازم تشارك بطريقتها ايا بداو تاني يزرعولهم افكار في ريوسهم باش يااامنو بالثورة وينقالبو عليهم في فرنسا يعني معندهم وين يهربو

2-- نقل الثورة الى فرنسا . هنا خلاص نجحو في زرع فكرة الثورة وديجا بداو يحاربو
3---العمل الدبلوماسي من اجل تدويل القضية الجزائرية ... هنا دارو جمعيات وقاع باش يورو للبلدان الاخرى بلي حنا رانا محقوريين وقاع هكدا باش يكسبو مساعدتهم
4---تاسيسي الحكومة المؤقتة الجزائرية 19-9-1958 ........ هناااااااااا فرنسا ماتت راحت فيها ههههه بصح في ميزكم هاد الحكومة داروها في جزائر؟ ياااااه والله كون فرنسا قتلتهم واحد بواحد لالااااااااااا داروها في مصر برئاسة فرحات عباس بعدوها عليهم باش معندهم مايديرو .......
5--- وتانيت اصدار الجرائد ... حضور مؤتمرات دولية الخ..... وزيدو انتوما منعندكم يا خاوتي

ودوكا كملناااااااااااااااااااااااا الاستراتجية الجزائرية في الثورة ..........

COLOR]