زواج صديقدتي من باكستاني

[conductrice]

اسعد الله صباحطكمـ/مسائكمـ
صديقتيـ تريد الزواج من باكستانيـ فبماذا تنصحوها
علماً انـ الشرطة رفضتـ ملفهمـ
هلـ ذهابها معهـ للعقد فيـ بلادهـ قرار صائبـ؟
هلـ ذهابها الى تونسـ والعقد هناكـ حلـ سليمـ ؟
أرجوا انـ تجد عندكمـ الرأيـ الصائبـ

[ع.عيسى]

والرجال خلاصوا في الجزائر ؟؟؟؟

[OumaMeh]

اصلا في الجزائر الرجال لاتيين منهمكين مع وحدة تخدم و لا تقرا معاه يحكلحوهم يعشموهم وفي الاخير Next
و انتوما دايما المهر غالي والله كاين لي يتزوجو بقليل

ووين راه المشكل كي تزوج دزيرية ب باكيستاني ولا سينيغالي ولا من المريخ بعد الا راه مسلم وين راه الخطأ بغض النظر عن اختلاف الثقافات و العادات و و وو بصح هاذا بيناتهم ولا لا
و ديجا مادام وصلت للعقد معنتها والديها قابلين
قال صلى الله عليه وسلم: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره.
اي احسن باكستاني مسلم ولا فرنسي او اوروبي.....

ربي يسدد خطى صاحبتك

[هدآية]

ارى انها مغامرة كبيرة
انا ضد الفكرة
كيف تتزوج بشخص لا تعرف اصله و ثقافته
يعني كل شيء مختلف

[مصطفى_س]

انا ضد الفكرة

بجزائري احسن والله اعلم

[محارب الحمق]

السؤال المطروح: كيف عرفته؟ الكتاب باين من عنوانو

[karime amrs]

الباكستاني مسلم و هو اخ لكم في الاسلام
كيف تقولون انها مغامرة
اتقو الله

[ali.dje]

المشاركة الأصلية كتبت بواسطة OumaMeh

اصلا في الجزائر الرجال لاتيين منهمكين مع وحدة تخدم و لا تقرا معاه يحكلحوهم يعشموهم وفي الاخير Next
و انتوما دايما المهر غالي والله كاين لي يتزوجو بقليل

ووين راه المشكل كي تزوج دزيرية ب باكيستاني ولا سينيغالي ولا من المريخ بعد الا راه مسلم وين راه الخطأ بغض النظر عن اختلاف الثقافات و العادات و و وو بصح هاذا بيناتهم ولا لا
و ديجا مادام وصلت للعقد معنتها والديها قابلين
قال صلى الله عليه وسلم: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره.
اي احسن باكستاني مسلم ولا فرنسي او اوروبي.....

ربي يسدد خطى صاحبتك

" إذا جاءكم من ترضون دينه وخلقه''
kifach ta3rfo dinah w 5olo9ah kiafach ya3rfo waldih w tarbiya ta3o ... ana ndon ta3rfo m net bark

[نذير السحمادي]

إنها القنوات الفضائية والأنترنيت

[kacimo.samy]

السلام
خممي مليح

هذي حياتك
وراجل و مرا في خسارة موش كيف كيف
مجتمع يحاسب المرا اكثر
خممي مليح بعقلك ليس بقلبك

[قرويجة]

مادام وصلت القصة للشرطة الجزائرية معناتو هذا الإنسان مقيم في الجزائر وقدم طلب للشرطة الجزائرية للقيام بتحقيق بغرض الزواج ولو أن هذا الشخص جيد كان عطاولو الموافقة مباشرة ومرفضوش الطلب أنا عندي صديقات متزوجينمع سورين و عراقين و الحمد لله شرطة الأجانب عطاتهم تصريح بالزواج بسهولة لحسن سيرتهم وسلوكهم قولي لصحبتك ترد بالها مادام الشرطة رفضت معناتو هذا الشخص فيه مشكل و الذهاب خارج الجزائر للزواج مشي هو الحل

[ايمان4]

السيد مسلم انسان مليح متخلق الله يسخر ليه الجزتيري ما يحقرش؟ ههه خليو البير بغطاه ... الله يسخرلها اذا عجبتها عقليته و ناس ملاح و متخلق و مدين تديه و متشوفش موراها تصلي الاستخارة اذا ربي عطاها السراح و من فوق سبع سماوات كتبهولها شكون حنا باش نمنعوها

[dede2000]

هذي مغامرة نتاع الصح
يروحو غير يتلاحو ويطيحو بروسهم ومن بعد يولو يبكيو
شفت حتي وحدة كما هذي الاخت جات تفتي عند وحد الشيخ لقاتو بعد الزواج شيعي .
ونعرف وحدة والله تسكن قدامي زوجت بمصري سني بصح من بعدإكتشفت انو مزوج وعندو اولاد ،
نقول للاخ لقال ما فيها والو عادي
نعم الشرع يجييز هذا لانو مسلم لكن كيف نتاكد من اسلامو واخلاقو وخلفياتو الاديولوجية والعقائدية ؟؟؟؟؟؟؟؟
واذا تقبل المغامرة هذي لبنتك او اختك قول لهذي المخلوقة روحي ومبروك !!!!

[zokhrofa]

السلام اختي

الجواب عند الله سبحانه و تعالى فالتستخير و لي فيه الخير ربي يجيبو

[youyou19]

ياختي تقدر تروح تعقد في تونس عادي ومن الافضل تعقد في بلادو باه تتعرف علي اهلوا والشرطة الجزائرية عندهم قرابة عام او اكثر ترفض جميع ملفات الزواج من اجنبي قلها غير متتكليش علي موافقة الشرطة