#بطاقة #الاعفاء :
اكيد الكثير منا مايعرفوش بانو من حق كل مواطن جزائري الحصول على بطاقة الاعفاء الوطنية في حالة ما ادا كان مقيم خارج البلد ( يعني عندو بطاقة اقامة في اي دولة من دول العالم )
كي نقول هكا الجميع يقولك وي راحنا للاقامة في دولة ثانية و... والخرجة و..و. كون لقينا لخرجة علاه نحوسو على بطاقة الاعفاء
نعطيكم الخطة المتاحة و باقل اضرار من الناحية المادية
الكل حاب يفوت عطلة في تونس 😉 ماعليك غير تعطيها ل تونس منها تحويسة منها تتهنا من لاكارط الصفراء
صديقي كخطوة اولى روح ل تونس (اكيد باسبور وشوية تاع صوارد ماشي بزااف ) اعرف اي واحد لتما حتى وادا اقتضت الضرورة اعطيه مصروفة باه يديرلك بطاقة الايواء بلي راك ساكن عندو حاجة ساهلة خلاص وماعندو ماخاسر (يحتاج عنوان البيت و فاتورة تاع ثريسبثي وهو دارهالك )
كي تفوت الخطوة هادي روح على كاش معهد بريفي يقري بالصوارد (مبلغ معقول ماهمش غاللييين ) واكيد هنا يحتاجو شهادة الايواء لي خدمتها فالخطوة الاولى
استخرج من المعهد بعد التسجيل ( ماتقرا ماوالو ) شهادة مدرسية + بطاقة الحضور بانك تزاول قرايتك لتما (في العديد من المعاهد عارفة لحكاية هادي وراهي تسهل يعني سجل ويعطيك واش تحب)
ماننساوش اصبحو عندنا (بطاقة الاقامة + شهادة مدرسية + شهادة الحضور + السورسي ضروري لابغة منتهي الصلاحية )
كخطوة رابعة اتجه نحو سفارة الجزائر في تونس باه تخدم لاكارط كونصيلار
تروح لتما قولهم حاب ندفع الدوصي تاع لاكارط جون يوجهوك في 10 دقايق يوجدولك لاكارط كونصيلار وتتوجه تدفع الدوصي فالفرع تاع الخدمة العسكرية بالوثائق التالية
- السورسي حتى ولو منتهي الصلاحية
- نسخة من البطاقة القنصلية لي خدموهالك في 10 دقايق بالسفارة
- شهادة ميلاد s12
- شهادة الجنسية
- 03 صور شخصية
- شهادة مدرسية لي خرجتها من المعهد
- شهادة الحضور لي خرجتها من المعهد
- شهادة الايواء
- الباسبور
والله ولي التوفيق ربي معاكم ان شاء الله نكون فدتكم سلام
منقول للافادة خاوتي ما تبخلوش بعضاكم او موان بارتاجي بلاك تفيد غيرك 
( تقرير عن مشاركة سيئة )، و الموجودة أسفل كل مشاركة .
2017-08-10, 08:58
هل هذي حكاية كاين منها ؟!
العرض العادي
