أرجووووكم أنا حااائر

[عشريني متمرد]

السلام عليكم

انا انتقلت للسنة الثانية ولاحوني هندسة مدنية

وراني حاب نروح علوم
نحوس على كامل المعلومات عليها

علما انا متوسط في المعدل يعني من 11 الى 13

ارجوووكم عاونيني ولواكن بمعلومة واحدة

[hiba regalo]

لكان انت حاب علوم تجريبية لازم اولا العلوم راك تعرف التانية معاملها 6 والباك كيف كيف

العلوم تجريبية مبيحة فيها خيارات بزاف بعد الباك مي لازم تكون في المواد العلمية مليح

اصلا معدلك ياهلك انك تكون سيونتيفيك عادي

ربي يوفقك

^^

[عشريني متمرد]

واش هوما الحوايج اللي نركز عليهم والله راني حاير وخوفوني وقالولي بلي مالازملكش تروح

[hiba regalo]

لالالالالالا مايخوفوكش

عندك العلوم تركز على الخلايا والاعصاب تحتاجهم باك
المات ننصحك ماتفوت حتى كلمة وتحل التمارين كاااااااااااامل هي نفسها تلقاها في الباك
الفيزيك الميكانيك والكيمياء في زوج مهمين خاصة الكيمياء العضوية تركز على التسميات

المواد الادبية اغتنم الفرصة انو يكون عندك اكبر رصيد من اللغة
الانجليزية والفرنسية مثلا رزم تعرف تحرير الفقرات والقواعد الاساسة
العربية القواعد هادوك تاع المحسنات و.... لازم تعرفهم مليح

السنة التانية تحتاج منك تركز على المواد العلمية بالدرجة الاولى لكان رح تروح علوم تجريبية
اي حاجة اخرى انا هنا نساعدك بلي عندي كامل
موفق
^^

[أَحمــد]

الهندسة المدنية خير لك

[عشريني متمرد]

شكون مليحة يالنسبة ليا طرائق ولا علوووم ؟

[hiba regalo]

خويا من الافضل توجه السؤال لنفسك

هادي اراء

انت واش حبيت اول وتشوف روحك قادر فيه توكل على ربي فيه

[متفوقة بامتياز]

السلام عليكم
اخي بالنسبة لشعبة العلوم الجميع يريد التحويل من اجل منشور الاولوية ولكن لا احد يعلم ربما تخر ج حاجة جديدة وتتبدل الاولوية
الشيء الثاني الافضل انك تستخير الله فيختار لك الاحسن
الشيء الثالث بعد الاختيار اذا اخترت العلوم حاول تركز وتلتحق بدورس خصوصية وتتعلم لنتهجية وما الى ذلك
نتمنى يفيدوك العلميين اكثر بالتوفيق

[شمس الأمنيات]

اظن شعبة علوم افضل لك

تخصصاتها مفتوحة واحد ميخوفك

العلوم سهلة تركز على المعلومات تدي النقاط

الافضل انك تصلي صلاة استخارة ولي فيها الخير ربي يقدمها لك ان شااء الله بالتوفيق

اي معلومة عن الشعبة

او ماادة العلوم انا هنا

[mehdi_mascara]

التخلاط بين الشعب لك كتلميذ متوسط شيئ ماشي مليح ، يعني الأولية للمعدلات العالية مش للشعب

أنا نعرف أشخاص قراو معايا في 2016 ربحو الباك ب13 فاصل حاجة شعبة رياضيات ، يعني عندهم الأولية على أصحاب العلمي بنقطة ، و في الأخير راحو st مثلهم مثل صحاب 10 ، يعني انت حاول تبحث عن المعدل و ليس عن الشعبة ، إذا راك حاب تربح ب10 أو 11 أو حتى 12 نقولهالك من ضرك ، توجهات الرياضي مثل توجهات الهندسة الميكانيكية مثل توجهات العلمي ، كلشي واحد

[radja1999achar]

السلام ورحمة الله
ما يخوفوك ما والو وأصلا السنة الأولى ماهيش مقيآس لتمكنك في مادة العلوم من عدمه فمثلا أنا في الاولى كنت نتمسخر برك ومستواي في المآدة كان متدني للغآية لكن سلكتها فالدوزيآم و فالتارمينآل يعني تبقى عليك انت . والعلوم كمآدة والله ماهي صعيبة فالدوزيام تقدر غير من الشرح تع الاستاد تجيب 14 facilement ... لكن فالتآرمينال تستحق شوي تعب

ومن الأحس تستخير الله سبحانه و تستشير والديك
تبقى هذه آرآؤنا -نحن- فقط ما تخليهاش تغلب على قرارك انت .

[عشريني متمرد]

شكـــــــــرا لكـــم جميعا إخوتــــــــــــــي

[بشرئ عاشقة العلم]

اخي حسام ممكن تقولي اسم الخط اللي تكتب بيه ي المنتدئ

[عشريني متمرد]

حسنـــــــا

مكاش مشكل اختي

إسم الخط : Amiri

أتمنى أن أكون قد أفدتك أخيتي

[Romaissa Msila]

بالتوفيـــــــــــٌق