للنقاش

[ام ياسو]

اليوم قررت نكتب بعد ماامتلا قلبي ماكنتش حابة ابدي راىي الا مابعد تكمل الدورة الاستثنائية ولكن ماقدرتش بعد ماشفت بنتي غير تبكي وماقدرتش تصبر وقتلها الانتظار
بعد مااعلن ان النتائج سوف تظهر في 25 جويلية اليوم الدموع لي طاحوا من عيون بنتي اصلا هي مريضه من عينيها ومالازمش تبكي غاضتني بزاف هل عدل ان نلعبوا بمشاعر تلاميد دنبهم الوحيد انهم انضبطوا وكانوا في وقت الامتحان هما الاوائل هل عدل انهم يستناو اكثر من شهر ونصف باش يعرفوا نتائجهم والمعاودين يقعدوا اسبوع برك وزاد الظروف مشي هي والامتحان كان اسهل من الاول

هل عدل ان ان نسبة النجاح رايح يطلعوها بالدورة الاستثنائية
هل عدل تعطى الفرصه للمتغيبين بعد ما اهملوا شيء اسمه البكالوريا وماعلابالهمسش كامل بيه وفي الخير يعطوهم فرصه ويعاودوا يتغيبوا
المهم مانزيدش نطول عليكم لاني بعد ماشفت الحزن والانتظار لي في عيني بنتي منيش عارفه واش نقول وواش نكتب الا كلمة برك واليوم الجمعه حسبي الله ونعم الوكيل في لي حقر اولادنا ولعب بقلوبهم وعقولهم مش كامل الناس عندها الشجاعه كاين اشخاص مرضى كيما بنتي ادعولها برك بالنجاح لانها فعلا تعبت

[radja1999achar]

ومــــــــــن منا لم يتعب يآ عمـ ّــــه :/
وفقنا الله جميعا
تعبنا محفوظ باذن الله تعالى
أسأل الله العظيم رب العرش العظيم أن يشفي ابنتك

[rafif.ra]

ما عسانا الا ان نقول حسبنا الله و نعم الوكيل
ربي ينجحها ان شاء الله و بالمعدل لي تتمناه
صبر جمييييييييييييييل...و الله المستعان

[Mimy Loulitita]

الله غالب اختي هذا ما حبلنا ربي
نصبروا ونقعدوا
ان الله مع الصابرييين

[تاج الايمان]

السلام عليكم ورحمة الله

عن أنس بن مالك رضي الله عنه خادم رسول الله صلى الله عليه وسلم أن النبي صلى الله عليه وسلم قال : ( لا يؤمن أحدكم حتى يحب لأخيه ما يحب لنفسه ) ، رواه البخاري ومسلم

[ام ياسو]

بنتي تاج الايمان شكرا على الحديث النبوي الشريف
انا تكلمت من منطلق معاناة ابنتي حاولي تتفهمي انا ام وانا لا اكره ولا احقد على احد بل على سوء البسيير وخاصة تكافؤ الفرص ولكن طول الانتظار مرضنا وزاد اذا قريتي وتمعتني قصدت بصورة خاصه المتغيببن

[شمس الأمنيات]

الشفاء العاجل لابتنك ان شااء الله

بالتوفيق

وان شااء الله تفرح وتفرحك بمعدل ممتاز

بالتوفيق

[mehdi_mascara]

تاج الايمان اسمحيلي نقولك بلي الادراج تاع الحديث تاعك في غير محله ،