زوجي 2

[مشكلتي]

- زوجي-





اشكر كل من ساندني اما بالنسبة لناس لي نساة المشكل و راحو يقولو بلي خاطرش مغترب نقولكم رانا سألنا عليه و راه دخل البيت من بابو ماشي كيما أغلب الشباب لازم يتعرف و أيضا لي قالو انو ناقصو حاجه راني وريتلو الردود تاعكم و كان يضحك لانو ما يعتبرش روحو يخون و هدا الشي لي ماشي مليح و زدت عرفت معلومه عليه راه راح للكباري و رقص مع النساء و انا راني قررت نحكم عليه دليل و نواجهو قدام عايلتو لانو ما لقيت حتى حل آخر نصحوني يلا راني فطريق الصحيح و ادعولي ربي يفرج عليا لانو ضاقت بيا الدنيا

[غزلانْ]

السلام عليكم

على الأقل قولي ملهى
الزواج استقرار لا اهانة و مذلة فمثل هذا الشخص ما نفع العيش معه
زيّ نساء و كل ما يتحلى به من خلالك يعتبره شيء عادي
لا أدفعك لتطليقه فقط وجهة نظر
بالتوفيق

[ضآحكة مستبشرة]

الزواج شراكة بين اثنين الزواج مودة و حب و تعاون
دور الزوج هو الإمساك بيد زوجته نحو طاعة الله و رسوله
مدام خلاط و وصلت بيه لدرجة انو يرقص مع النساء في الملاهي هنا نقولك وآ أسفآه
لا طاعة لمخلوق في معصية الخالق
تطيعي زوج معندو حتى علاقة بربي سبحانوا غدوة متخافيش ولادك ميجوش متربيين و يخرجو كيفو بعيد الشر
ختي إذا قدرتي تصبري اصبري و حاولي مع زوجك و قربيه من الله عز وجل
و إذا متقدريش دار والديك كاينة
و إن شاء الله ربي يفرج عليك حبيبتي

[nihal159]

كيفاش تحكمي عليه الدليل؟؟؟؟؟ رايحة تمشي وراه و تذخلي للملهى و تصوريه؟؟؟؟؟؟؟؟؟؟؟؟؟ إنسان كيما هذا دمه بارد و يستهين بحدود الله ربي يعينك على العيش معاه.

[Saif al-Islam]

لا تستهيني بأثر القرآن الكريم و هو يُتلى في المنزل ، و لا تستهيني بوضع يدك اليمنى على جبينه و هو نائم و تقرئين عليه آيات من القرآن ، لا تستهيني باثر الصّبر و الدعاء له ، و لا تستهيني بتقديم هدايا له في كل فرصة تتاح ، فإن كانت اهواءه تقوده لمغازلة غيرك ، فانتي الأولى يا اختي أن تتحدي و تجتهدي للفت إنتباهه إليك

لا تستعملي أسلوب الترهيب و الوعيد معه ، لأنّ معظم الرجال يزدادون تشبّث فيما هم عليه عندما يجدون تهديد ومن زوجاتهم

لا تحسسيه أنك تراقبيه في كل كبيرة و صغيرة ، و إن إكتشف ذلك ستكون مشكلة أخرى و هي عدم الثقة

لا تتسرّعي يا أختي في مسألة فضحه أمام عائلته ، فإن كان يتستّر على معصيته ، فهناك أمل لإرجاعه لصوابه ، و هذا لسبب أنّه يعلم انّه مخطئ لهذا لا يجهر بمعاصيه

جاهدي فيه يا أختي و لا تتسرّعي في طلاقه ، جاهدي في سبيل اللّه لإعادته للصّواب ، فربّما عند تطليقه سيزداد شرًا على شر بعدما كان فيه بصيص من الأمل

[رندة.]

ربي يفرج عليك ويهدي زوجك للطريق المستقيم ان شاء الله