تجي تفهم تحير / تحير باش تفهم

[ايت محمد]

سلام الله عليكم

كيف حالكم يا أعضاء الجلفة انفو

تجي تفهم تحير / تحير باش تفهم

رانا نشوفو في الحكاية زيادة غير تروح والشعب ساكت

اسعار المواد الغذائية زيادة غير تروح علينا ( تغلى )

الزيت > 15 الف

قهوة > 70 الف للكيلو

سكر > 10 الاف للكيلو

سميد > 95 الف للشكارة

وغيرها ,,,,

درك الزوالي كيفاش غادي يعيش ؟

لي ماعندو حتى خدمة او لي عندو مدخول قليل ؟

درك كاين شيء ناس ماتمنين يشربو كاس قهوة برك / راهم يشربو غير في تاي

ماهمش حاسين بالشعب ولا كيفاش ؟

درك حابين نعرفو واش هي اسباب زيادة الاسعار ؟

تقعد في بلاك ماتعيش / تروح لبلاد الناس ماتعيش

[le fugitif]

طبعا الامر كلو راجع لسوء التسيير وعدم الاهتمام بالشعب

[*جوداء*]

دوام الحال من المحال
هذي الدنيا تدور اللي يكون الفوق يرجع تحت ويجي نهار يحس بالفقير وواش كان يعاني
ما عند الله احسن وافضل

[الشهاب العربي]

السلام عليكم

ياأخي هذا راجع الى دعاوي الشر لي راهي

فالبلاد... الشعب صح راه يتمرمد

بصح ماكانش لي يفتح فمو وهاذي هي اقفز تعيش

لازم كل واحد يتكل على الله وعلى عمرو ما يتسنى من حتى بشر

أخر يدير فيه مزية وربي يقدر الخير انشاء الله على خاطر كاين اولاد الشعب

[*أنسام*الجنة*]

السلام عليكم ورحمة الله


درك الزوالي كيفاش غادي يعيش ؟
الزوالي معاه ربي والا ياكل لحجر
لي ماعندو حتى خدمة او لي عندو مدخول قليل ؟
والله ماهمهم فيك كليت والا ماكليت كيف كيف
درك كاين شيء ناس ماتمنين يشربو كاس قهوة برك / راهم يشربو غير في تاي

ماهمش حاسين بالشعب ولا كيفاش ؟
اكيد ماعندهم إحساس كون جا عندهم مايكون حال الشعب كيما هاك
درك حابين نعرفو واش هي اسباب زيادة الاسعار ؟
خايفين لا يولوا فقراء امالا يزيدو باه يسرقوا الشعب ويطلعوا على حسابوا
تقعد في بلاك ماتعيش / تروح لبلاد الناس ماتعيش

ماعليش المعيشة الوحيدة نهار الي ندخلو للجنة ان شاء الله


من فقد الله ماذا وجد ومن وجد الله ماذا فقد