استفسار بخصوص بعض الاموال !!؟؟

[asmar95]

سلام عليكم خاوتي
عندي اسفسار حبيتكم تحطوه فالصفحة و لا تجاوبوني
المهم انا من بكري نبحث عن طرق الربح من الانترنت حتى وحد النهار تلاقيت بواحد جابوني، نعتلي موقع نربح منو عن طريق الاستثمار
المهم قالي انا نعطيك مبلغ من المال تبدا بيه بشرط اني نمركي في الموقع تحته
و المبلغ اللي مدهولي منقدرش نستخرج يعني يبقى في الموقع و كل يوم نخرج منو قيمة 2%
و هداك المبلغ المستثمر كان كل يوم يزيد بنسبة معينة
المهم انا بقيت كل يوم نجبد من الموقع قيمة معينة حتى وصل نهار لي قفل فيه الموقع
في الاخير حصلت على مبلغ قيمته 350 دولار و هو في الاول عطاني 2000 دولار
كي سقسيت ناس على الدراهم هادو اللي خرجتهم (350) كل واحد وش يقولي
كاين لي يقول حرام و كاين لي يقول حلال بحجة اني كل يوم نسترجع فالمبلغ اللي سلفهولي يعني مارانيش نستثمر راني غير نخرج فال 2000 دولار
حبيت نزيد نعرف رأي البعض و رأيكم انتم
و شكرا