بسرعة من فضلـــــــــكم لي فاهم متتاليات يدخل

[modest girl]

السلام عليكم
شكون يقدر يفصل هاذا الملخص و يدير كل حاجا وحدها لقيتو فالفايسبوك عييت نفهمو هكا و اذا قدر يفهمني اكثر و شكرا

كيف تحصلو على 4/4 في المتاليات ^^ ساهلة تماما
اول حاجة يمدلك عبارة Un+1 ويمدلك Uo=
اول حاجة يقولك احسب U1 . U2....
شوف واش دير ساهلة خلاص عند U0 صحا نحسبو U1 نروحو نجيبو عبارة تاعنا Un+1 وين نلقاو n نعوضوها بصفر 0 تولي U0+1=A#U0+B# وتكمل تقوم بتعويض برك U0 عدنا وتحسب وهاكذا تزيد تحسب U2 تعوض U1 .مباعد تحسب U3 تعوض U2 ......... ديما عوض بلي قبلها .
صحا نروحو سوال الثاني ودائةا يجي 100% هل المتتالية متزايدة ام متناقصة ؟ والله ساهل يا خاوتي عندك قانون طبقو برك هاذا Un+1 - Un= في هاذي لحالة عندك عبارة Un+1 عوضها بلي عطهالك و Un خليها مجهولها باش تخرج عامل مشترك وتحسب عادي خلاص اكد على قانون برك ةتعويض ساهل
سوال 3 يقولك برهن بتراجع ههه كي يمدلك مثال Un>1 اسهل حاجة روح دير هاذي الجملة الاول عليها 0.5 في باك قول : المرحلة الابتدائية نثبت صحة P(0 : نروح نعوض في لعبارة لي قالنا عليها هيا Un>1 روخ عوض وين تلقى n عوضوها ب 0 بررررررك واحسب
مرحلة ثانية : تكتبها تدي 0.5 قول : نفرض ان P(n ونبرهن صحة Pn+1 نفس العملية للاولى ^^ تعويض وين تلقى n عوضها ب n+1 ..... من لاخر تلقى نتيجة صحيحة ^^
سؤال الرابع :
بين ان المتتالية هندسية نحسب q نطبق القانون Vn+1 /Vn = q ولي ماشي قادر يجبدو يروح ديراكت يجيبو من عيبارة Un+1 اي رقم افهمني مليح اي رقم لاصق في Un هو الاساس q اوكي مثال : Un+1= 4Un+3 هنا الاساس هو مباشرتا 4 ^^ خلاص
حساب
حساب الحد الاول يعطيلك عبارة Vn =Un+3 والحد الاول للحدود إو 0 اذن نحسب V0 ونعوض تولي V0=U0+3 ونحسب عااادي ^^
سوال الخامس : يقولك اثبت عبارة الحد العام n بدلالة Vn ساهلة يا خاوتي اكتب هاذا القانون تدي 0.5 Vn=Vo*qn وعوض Vo اك حسبتها واساس عندك حطهم وهاكذا تكون كملت و استنتج Un تروح لعبارة Vn تجبد Un هيا المجهولة وتغير الاشارة وتعوض عاااادي حساب النهايا ت دئيماا +مالانهاية lim
حساب المجموع Sn = Vo * 1-qn\1-q وانشالله تكون فهمتوني برك عاودو حلو في ورقة واي سوجي متتالية انشالله

[pérah tova]

شوفي تاع الاستاذ نوردين فيه 47 دقيقة تفهمي مليييح
اكتبي في اليوتيوب
المتتاليات و الاجابة على الاسئلة الاكثر شيوعا في البكالوريا(2008،9،13،14،15،16)

و يخرجلك شوفيه تفهمي خيرمن تاع الفيس متضيععيش وقتك