غراتان بالبطاطا والفلفل الاخضر ماتراطيوش

[أم فاطمه]

بسم الله الرحمان الرحيم
السلام عليكم اخواتي

اليوم مع وصفة اخرى من وصفاتي اللذيذة وهي غراتان بالباطاطا والفلفل الاخضر اممممممممممممممم

المقادير:

- كيلو بطاطا مقطعة دوائر
- زوج حبات بصل مفرومين
- زوج فلفلات مقطعين قطع صغيرة
- اربع فصوص ثوم ممقطعين
- زوج حبات طماطم مرحيين
- ملعقة طمامطم مصبرة التي صنعتها ووضعت لكم وصفتها في هذا القسم
- ملعقة صغيرة هريسة حارة
- 5 معالق زيت زيتون
- ملح ، مغرفة صغيرة فلفل اسود، فلفل احمر، 3 معالق معدنوس مقطع




طريقة التحضير:

نحضرو لاصوص حيث ناخذ الطماطم المرحية نزيدولها الطماطم المصبرة ثم المعدنوس ثم الثوم والزيت وكاس شاي من الماء ونضيف التوابل هذي لاصوص ماتطيبش على النار فقط نخلط هذه المقادير

من جهة اخرى نملح البطاطا ونقليها قليلا ثم نقلي البصل هي الاخرى .

ناخذ صحن الفرن ندهنه بالزبدة و نفرش فيه البطاطا وفوقها الفلفل ثم البصل ثم لاصوص ثم طبقة اخيرة من الباطاطا وندخلها للفرن على درجة حرارة 150 تنضج لمدة 5 دقائق ثم نخرجها و نزيد عليها البيض المخفوق ونرجعها مرة اخرى للفرن حتى تكمل النضج و تاخذ اللون الاحمر ثم نقطعها ونقدمها .


















وشهية طيبة

جربوها وعطيوني رايكم