كيف ادخل عالم المواقع الربحية

[شمس بريكة]

السلام عليكم اخواني/اخواتي


انا ماكثة بالبيت بدون مدخول او مصروف

وعندي النت وحبيت نستغلها ونستغل الفراغ

مع العلم عندي دبلوم اعلام الي وليسانس انجليزية

متمكنة من اللغة

وبما انو لا يوجد فرص عمل في الحياة الواقعية

حبيت نستغل خبرتي

ولقيت مواضيع بزاف حول المواقع الربحية ووووووو

وبما انو هذا المجال جديد عليا وحسيتو كبييييييييييروما فهمتوش مليح

و ما فهمتش حوايج بزاف

اولا ماهي المواقع الربحية المضمونة و تكون شرعية

يعني ربحها غير محرم

علابالي كل موقع وطريقة العمل تاعو وطريقة الربح

وانا حبيت موقع مضمون و يكون سهل عليا كمبتدأة ونربح منو

لقيت هذا الموقع ومع قليل من البحث فهمت شوي فقط

اذا ممكن لي عندو خبرة فيه يعلمني وله الاجر

اسم الموقع

up 4ever

واش رايكم فيه اذا هوا موقع نقدر نربح بيه او لا

واذا عندكم مواقع افصل

على الاقل مدخول كل شهر

المهم مصروفة كما نقولو


ثانيا ماهو البايبال و البايزا و البيتكوين ؟؟؟؟؟؟؟

هاذو مافهمتهمش خلاص مع انهم عندهم علاقة كبيرة بالمواقع



ثالثا اذا ربحت من الموقع مثلا 50 دولاركفاش نحولها الى العملة

تاعنا ولا كفاش نخليهم يرسلوها ل ccp تاعي

لاني حابة نهزهم دراهم بالعامية تاعنا مش حابة نستغلهم عن

طريق النت


راني مبتدأة وحابة نبدا بطريقة صحيحة ونفهم كلش

مش حابة نبدا في حاجة و لا كشما نغلط ولا نشارك في كاش موقع و نندم وما نربح ما نخسر

اذا تقدرو تفهموني في كل شي من ال0 ال 100


وبارك الله فيكم ولكم الاجر

اذا ساعدتوني راح يكونلكم اجر كبير عن ربي
وراح تخليو الدنيا تفرج عليا






املي فيكم كبير