اصبر شوية خويا ........تفضلي اختي

[كمال الاسلام]

السلام عليكم

اليوم موضوعي بالدرجة على طريقة الاخت لبنى

خطرة كنت انا وصحبي نحوسو على شاريكة نجوز فيها ستاج براتيك تاع نهاية الدراسة

رحنا احد الشريكات قالونا معندناش اختصاص تاعكم

غدوة من ذاك

زوج بنات يقراو معانا في نفس الفوج راحو لنفس الشريكة قبلوهم وشدوهم عادي

من بعد رحنا نشفنا شريكة اخرى

دخلنا قالنا العساس اصبرو شوية خاوتي

معليش طول حياتنا وحنا صابيرن

و بعد ساعة او اكثر جات 4 شابات اظن طالبات

و بعد كلام قليل مع العساس اتضح انا سبب وجودهم نفس سبب وجودنا

واذا بذلك العساس الاحمق يشير الى مكتب و يقول تفضولو خياتي

ياااااااااااااااو عدنا ساعة وحنا نسناو

معليش حنا شعب يحترم المرأة

من غير المعقول 4 طالبات يبقاو يسناو ساعة ولا كثر في الغرفة تاع العساس

معليناش

قبل ايام فقط رحت للولاية

لمكبت تشغيل الشباب / تشغيلهم بالانتظار وبالاوراق

ماشي تشغيلهم في منصب عمل

المهم

دخلت نجدد بطاقة التشغيل

ماشي من عدتي نلقى الغاشي

هذاك نهار لقيت لغاشي قولت بلاك شي واش كاين جاو يسجلو

قعدت نتسنا

لقيتهم يجبو بطاقات من احد الاعوان و يدريو لاشان

انا محبتش نجيب لاني كنت مزروب ومكنتش راح نقعد

جاو يسقسوني ليجاو من بعد كيفاش يدخلو

قوتلهم جيبو بطاقات عند هذاك وديرو لشان

لكن واش شفت من ذلك العون الحمار حاشي لحمير

كان كي يجي شاب يقولو ا اصبر شوية خويا خلاصو البطاقات وكي جي شابة يمدلها ويقولها تفضلي اختي

لمفهمتوش انا هذا علبالي بيه بلي موجود في اغلب مؤسساتنا

بصح هذاك لحمار لدير هذا الشي واش ينتظر من تلك الفتاة ؟

ياك جات تقضي شغولها وتروح ومراحش يزيد يشوفها

سلام