احلى وليمة لأعضاء منتدى الجلفة (طبق البزلاء (الجلبانة ) بكريات اللحم )وتحلية .

[hayla.star]

السلام عليكم ورحمة الله وبركاته
ايام قليلة ونتشرف بقدوم شهر رمضان المبارك .
شهر الرحمة والغفران .

كيف حالكم جميعا ؟؟؟؟؟
اليكم طبق الجلبانة مع كريات اللحم .
بطريقة رائعة وسهلة اتمنى تنال اعجابكم وتجربوها
في كيكوط حطي بصلة ثوم ملح فلفل اسود كسبر كركم ورقة رند ونصف فلفلة صغيرة وطرف دجاج وقليهم
مليح ومبعد مرقي وحطي الجلبانة
واغلقي الكيكوط مدة 20 دقيقة واطفي بعدها النار .

1. في هده المدة ارحي اللحم تحبي لحم خروف تحبي دجاج انا ستعملت دجاج داويه مليح وحطي فيه
   شويه فرماج خلطيه مع اللحم المفروم
   رح يطلق بنه هايلة وكوريهم او شكل سيقار واقليهم فالزيت .
2. واقلي الفطر في مغرف زبدة ومغرف زيت قليه برك مع ملح وثوم فلفل اسود وشويه دبشة .
3. ومبعد يجي دور التزيين
4. اليكم الصور .

وطبق السلاطة هي خضراوات مجمعة في طبق وفيها الكرم الموف وسلطة الارز ماسيدوان وزيتون سلاطة بطراف خيار..


التحلية
هي طبق البسبوسة انا نموت عليها ونحبها معسلة بزاف
ادا عجبتكم وتحبوا الوصفة درك نكتبها

وانا طلعت كرام شنتيي بالحليب بارد ومضفتلها والو حتى السكر لا يكفي البسبوسة حلوة
ولونتها خيرت 3 الوان
اخطر وردي موف
وزينتها بلابوش


وهادي هي الملونات الغذائية لي ستعملتها وتباع عند محلات الحلويات وهادي جاية غبرة تقدري تلقاي ملونات سائلة وتكون فيها نكهة كيما ل
خضرة لي ستعملتها فيها نكهة النعناع .

وهدا شكل البسبوسة النهائي