قضية حساسة و مهمة محتاج مشورتكم فيها

[khaled-21]

عندي موضوع مهم جدا و حساس بالأحرى مشكلة كبيرة اود طرحها على خبراء المحاماة و رفع القضايا ..الخ.
أولا عندي صديق لي و شخص مقرب جدا و اعمل معه تقريبا ، المهم بالمختصر المفيد يعرف امرأة صديقة امه المهم قصدتو في مبلغ مالي يقدر 50 الف اورو تقريبا مليار سنتيم مقابل انه تدفعه له بالدينار
المهم كيما نقولو على وج امو بعثلها 50 الف اورو من حسابه في البنك الألماني لحسابها في البنك الفرنسي كما للعلم أنها غالبا ما تقطن في فرنسا و لديها محل كراء السيارات محل صغير نوعا ما لكن هي جزائرية و كثيرا ما تجي للجزائر
المهم بعد ما ارسل لها المبلغ و وصله swift الذي يأكد وصول الدفعة لها و كل معلومات الدفعة متواجدة في هذا السويفت ، المرأة أنكرت وصول المبلغ المهم بقيت تنكر و تقولو ما وصلني شيء إلى ان قالت له بالدارجة ( وصلوني و حشيتهولك ) يعني وصلوني و ما تدي والو بالمقابل
المشكلة الحكاية جاءت مع فترة عرسه و الآن فض العرس تاعو و مالقى واش يدير
البنك الألماني قالو حنا نقدرو نجمدو المبلغ 15 يوم فقط من بعدها ما عندنا ما نديرو لك و الحكاية مرت عليها الآن حوالي 10 ايام
لهذا يا أصحاب الخبرة في المجال واش تقترحو على السيد ؟
و هل رفع دعوة قضائية عليها لازم يكون في المانيا او في فرنسا و لا كيف ؟
اتمنى أن يأخد الموضوع بجدية و في نتظار ردودكم