احتاج الى مساعدة انصحوني

ام احمد اياد · 2017-05-19, 15:55

السلام عليكم
ارجو منكم النصيحة انا في امس الحاجةاليها
هذه حكايتي عندي عام ونصف زواج .تزوجت عن حب زوجي كان استاذي احبني حبا كبيراالمهم في بداية زواجي كنت اسعد امرأه كان يدللني ويخاف علي وكان يحترمني ويقدرني وانا بادلته نفس الاحترام مانحب حتى حاجه تقيسو تجي فيا ولا فيه كنا عايشين في سعاده لاتوصف ولكن امه لم تتحمل انا تشوفنا متفاهمين ولات كل اليوم دير مشكل باه نتقابض معاها مي انا كنت ديما منردش عليها كي شافتني منردش عليها ولات نهار كامل وهي تعمر فيه عليا شوف مرتك واش دارت وهو يسمع ويسكت ساعات يحكمها هو وهي تسب فيا مي انا نقلو اسكت واش رايح دير هذه امك
ولا ديما يتقابض معاها على جالي يقولها يخي بنت الناس خاطياتك ولات ديما فارقتنا انا في دارنا وهو وحدو وهي يعجبها هكذا الحال وعجبتها كل مايصرا مشكل يوصلني لدارنا واثاء الحمل نتاعي دارت فيا الباطل وانا الحمل تاعي جا صعيب بزاف ولات كل يوم مشكل وليت كل مانوض من الرقاد نلقاها تستنا فيا قدام الدروج غير نهبط تبدا تسب وانا نسكت على جال راجلي والله العظيم تهدر واش تهدر عمري ما وصلتلو الهدره نقول مانزيدش عليه يكفيها هي تضغط عليه ولات تقولو ماتديها ما تشريلها ما تخرجها مثلا خطرا خرجنا نشريو حوايج البيبي كي روحنا قاتلو علاه ماديتنيش معك وقاتلي انت بلعقل عليك صدقوني غدوه دارت مشكل كبير رحت انا لدارنا وبقات في قلبها تحرق وعيطتلي في التليفون وقاتلي نطلقك نطلقك يالوكان تكوني بعشره اولاد مهما نحكيلكم عليها ما تتصوروش ما عندهاش خلاص الرحمه في قلبها مشكلتي انو بعد ولادتي بين نهار وليله زوجي ولا يقولي اني نكرهك ولا واش تقلو امو يدير حتى وانو يشوف فيها بلي راهي غالطه تمشي فيه كما تحب ودركا راني في دارنا ثاني بسبتها المشكل هي تقابضت معاه على مشكل اخر والضربه جات فيا دخلتي فيها
صدقوني زوجي ناس كل تشهدلو انو انسان متربي احسن تربيه
مي وليت انا ما نشوف فيه وهو كيف داري وليت كي نروحلها نقول واش جابني انا ندخلها نحب نهرب منها هذا عادي ولا كاينه حاجه انو ولينا مناش حاملين بعضانا ملغري هو جامي اذاني وانا كيف مشاكل كامل من عند امو وهي درك تقولو طلقها طلقها الحاجه الوحيده لي غاضتني منو انا قالي ان وليت نكرهك وانيش حامل نعيش معاك واله تشوف واش دار عليا باه داني مدة ثمن سنين وهو يحف فيا وحد ول انا معلاباليش وكان ديما يسقصي عليا ويحب يعرف اخباري ونهار ديت الباك لدرجه انو بكا عليا الحب من جيهتي كنت مهنياتو ومدلاتو في كلشي ساعات يقلي انا نحسد روحي كي ديتك والله كان يقولي غير بنت لحلالفي لحظه يروح هذا الحب قولوللي جاوبوني خاصة الرجال
والله ما نسمحلها لانها بعدتني عليه وحابه تيتملي ولدي اقسم بالله جامي اذيتها ولا قللت من احترامها بصح عواشر عواشر ربي هو لي يتولاها
اسمحولي اذا حكيت بالدارجه لانها اسهل باه نوصلكم واش صرالي وتفهموني وشكرا

kacimo.samy · 2017-05-19, 16:20

ربي يجيب الخير
واش هذا لي رانا نسمعو فيه و هو علاه ما سكنكش في دار وحدك
والله عجب العجيب
وامه واش دخلها فيك حسبي الله ونعم الوكيل
هذه أم ام ماذا؟؟
الام تحب الهنا لولدها موش المشاكل؟؟

حلك تسكني وحدك وخلاص

الا كان مازل يكُن حب لك ومن البداية كي يتجنب المشاكل
كون كريتو... تصبر مع الكرية ولا المشاكل المفتعلة

استخدمو عقولكم رتبوا اولوياتكم

ربي يهون عليك
واالله انفطر قلبي لك
حتى اني اصبحت أُخلط بين اللدارجة والفصحة

ام جبير · 2017-05-19, 16:22

ربي يكون في عونك أختي هوني على روحك وربي يديرلها حل كثري من الاستغفار و ديريش على راجلك هذاك الضغط خلاه يقول هاك و طلبي ربي يهديها باه تخطيك و الا غي مقدوركم تسكنو وحدكم و تبعدوها بلاك تخف المشاكل ربي يعينك أختي

ايمان4 · 2017-05-19, 16:27

الله يحسن عوونك ... ايلا كان صح انت غير ساكتة و هاد المشاكل كامل مشكلة ...
راجعي تصرفاتك و تصرفات زوجك مع امه مليح لان غالبا الانسان يشوف غير في حدبة خوه مين راكي تقولي متربي شكون رباه ؟؟
و اذا صح هي خاطرش كاين امهات ربما حسودات الله يهيها اكريو الكرية غالية مي الله غالب ...

*سندوسة* · 2017-05-19, 21:04

ربي يفرج عليك حبيبتي
ارقو انفسكم لانك ذكرتي على ما اظن اعراض سحر او عين وحسد
ربي يدوم هناكم ويرجعكم لبعضاكم