فاتورة موبليس وين

[ريم البادية]

السلام عليكم
كسبت بيس وين 1300
ثم اردت توقيفها . رحت لموبليس قلت لها نخلص هده الفاتورة وقصيها وماشي انا اللي درتها درتها لي اختي بوكاله
ولم تقرا انه لا يتم توقيفها عام كامل
قالت لي بري ما تخلصيش هده الفاتورة رايحين يقفلوها لك
من بعد مدة طليت على البيس نلقاهم قفلوها ما تهدرش بها لكن مازالت ليزنتي تلحق كاملة
معناها :
هل رايحة نخلص فاتورة ما هدرتهاش ؟
بلا القديمة ؟
وهل هناك حل لقفلها لانه لا يمكن التنازل عنها ايضا

[ريم البادية]

عاونوني بالاجابة يعاونكم ربي

زوجي خوفني قالي خلصي والا
موبليس بسهوله تلم لك الفواتير وتدخلك للشرع
معناها نا ديما تحت الحيط نهار ندخل للمحكمة تدخلني موبليس ؟

نسيت ما قلت لكم نحكي معاهم اليوم كامل من رقم اخر 888
دايما كل الخطوط مشغوله الان؟؟؟؟؟؟؟؟؟؟

[mina1333]

السلام عليكم و رحمة الله وبركاته
ربي يبعد علينا و عليك المحاكم أختي و الله حتى ضحكت
حسب علمي معلوماتك صحيحة والفاتورة تبقى تسجل حتى السنة على ما أظن فقد حدث نفس الشيء لأخي اقتنى واحدة لأمي لم تستعملها ووجد نفسه مضطرا لتسديد فاتورة ب6000 دج و هي لم تتحدث بها اطلاقا

[bazzeftv]

أنت أمضيت عقد لمدة 12 شهر، تخلصيهم كاملين يعني تخلصي الاشتراك سواء تكلمتي أو لاو الشريحة موقفة أو لا
و عندو الحق زوجك يمكن لموبيليس مقاضاة زبائنهم لعدم دفعهم مستحقاتها في العدالة
أقصى وش يقدرو يديرولك يقولولق خلصي بلاعقل حتى تكملي مستحقاتك

[samira19808]

عندك عقد لمة عام كامل

[mounir moon]

ما تفضل به الاخوة هو الحل يعني طولا او عرضا ستدفع فاتورة حتى نهاية 12 شهرا
يوجد حل افضل انك تكتب لاحد اقربائك او اصدقائك كفالة يمكنه من خلالها استعمال الشريحة بكل حرية و هو من يتكفل بدفع التكاليف بدلا عنك

[ريم البادية]

شكرا على الردود
رحت لموبليس خلصت ....شئ عجب
قديم وجديد اللي هدرت به وواللى ما هدرتش ...
قالت لي.....بلا القديم تزيدي +اشتراك 1990 دج كل شهرين مكان 2600 دج لاني ما هدرتش

وسلمت فيها لقريبتي... بلا اوراق ..موقتا.. تكمل معها العام

شكرا على تفاعلكم