تجهيزات رمضان المبارك

[دين الاسلام]

السلام عليكم ورحمة الله تعالى وبركاته اخواتي
اليوم جيتكم بموضوع مميز حول تجهيزات رمضان المبارك اخواتي لي وجدت لرمضان تحط تجهيزاتها باش يستفادو منها جميع الاخوات
وشكرا
في انتظار تجهيزاتكم

[شمس بريكة]

والله لحد الان يعني عجوزتي ربي يحفضها لي جهزت و قسمتلنا حنا زوج عرايسها
وجدت الفلفل الاحمر يبساتو ورحاتو
الفريك
الكسبر
دوا الرقيق
وفتلت لبربوشة يعني يعطيها الصحة وربي يحفضها ويخليهالنا
اما امي وجدت الثوم رحاتو و كونجلاتو
كونجلات الفول و الجلبانة
وانا الخايبة ما درت والو لي نشريها ونعول نخبيها ناكلوها ههههههه
ربي يوصلنا رمضان ونصوموه بصحة وعافية

[سحابة باردة]

شموسة ربي يخليلك أمك وعجوزتك
حكمني الفضول على الدو الرقيق شا هو

[دين الاسلام]

بخصوص استفسارك ياسحابة باردة هذه طريقة دواء راس الحنوة او ما يسمى الفاح او الدواء الرقيق في بعض ولايات الجزائر.1 كلغ كروية.500غ كسبر .500غ حبة حلاوة .150غ فلفل اكحل .50غ مسكنجبير . 50غ عرق اصفر . 20غ قرفة. 10غ ورد جاف يابس. كاس تاي صغيرجوزة الرقيقة. 2 حبات زوزة الشرق. نصف كاس تاي صغير طيب او كما يسمى قرنفل. 20 قرام قنطس. حبة واحدة من نجمة الارض. قشرة حبو برتقال جافة. و كل ماهو مكتوب في المقادير موجود بالصورة.
طريقة التحضير

نقي كل المقادير جيدا. من الاعواد و الاحجار الصغيرة الكل يتنقى جيدا. ثم الكل يتغربل و هذا لتاكد من نضافتهم. و نرحيه ســـــــــؤاء مان عند الرحاي او ارحيه انت يا سيدتي و يا اخت الكريمة. و اذا انت من قام برحيه عليكي ان تغربليه بعد الرحي مباشرة و هذا بالغربال الخاص بسميد اضن هذا مقهوم. و كلما تستعملوه في اكلاتكم و وجباتكم الغذائية ادعولي بالخير. و الملاحظة هي يمكنكم ان تقسمو المقادير على اثنين او اربعة

[سحابة باردة]

شكرا اختي دين الإسلام
أكيد نعرف راس الحانوة الاسم فقط جاني مختلف علابيها حسبتو حاجة وحدة أخرى

[ام مسلم محمد]

اللهم بلغنا رمضان و بلغ رمضان الينا واعنا على صيامه و قيامه ووفقنا فيه لما تحب وترضى

[دين الاسلام]

المشاركة الأصلية كتبت بواسطة ام مسلم محمد

اللهم بلغنا رمضان و بلغ رمضان الينا واعنا على صيامه و قيامه ووفقنا فيه لما تحب وترضى

امين يارب العالمين

[دين الاسلام]

باقي 7 ايام لرمضان

[دين الاسلام]

ان شاء اله

[دين الاسلام]

يلي عندها تحضيرات توضعها حتى لو كانت بسيطة

[دين الاسلام]

رمضان كريم للجميع

[دين الاسلام]

كاش تجهيزات ولا والو

[فردوس الرحمان]

كملت جميع التحضيرات والحمدلله ،. نفضت الدار كامل بدلت les rideaux و الزرابي وووووو ،. شريت التوابل نقيتها غغسلتها ورحيتها ، شريت الفريك ،. وشربت الرافيطايما كامل ،. نسيت والثوم ايضا درت حالة معاه،. خدمت الحميس ودرتو في علب و درتو في المجمد لخطر نخدم. و شريت الدقيق و دشيشة تاع قلب اللوز ايضا ،. زدت اليوم خرجت شريت عين بقرة و الزبيب ،. كشما نتفكر نقولكم المهم راني عيانة ،. المهم الواحد في رمضان يلتفت للعبادة احسن