مشكلتي الخجل في الرياضة

[مشكلتي]

السلام عليكم

مشكلتي هي بالنسبة لي مشكل عويص

انا فتاة اعاني من الخجل الزائد في حصة الرياضة مثلا اذا عملنا سباق السرعة منربحش مع انو انا نعرف نجري ولكن قدام الناس نحشم و تتلفلي الجرية حتى

نولي نبان انورمال

اظن اني وصلتلكم المعلومة يعني كل حاجة فيها جري نحشم منها قدام لي يقراو معايا

ارجوكم ارجوكم من فضلكم عاونوني باه نتخلص من هاد المشكلة لي راهي مقلقتني بزاف خاصة انو عندنا القفز الطويل السمانة الجاية و راني مقلقة بزااف

[kacimo.samy]

لازم تجري فقط

الحل انك تبلوكي هذا تخمام لي معقدك

[•°o.O ســــــــــــــــــــــآم O.o°•]

يـــاك لابســـــة الطابــــلـــيـــة ؟~~~
شـــوفي هـــادي استـــــاذ قالـــــهالـــنا لي جاست تــــاع الحـــشـــمة (راكي عارفتهم ) هوما لي يخلـــوهم ينتبهولنا يعني اجري نورمال و ماتـــكــــبريهـــاش برك ~~~
و ادا الاســـتاذ تاعـــــكم مـــتــــفهم اهدري مع الــــبنات يـــروحــــو معاك يـــقـــولولو يـــــفــــوت الولاد قبل ممبعد نـــتـــــوما ~~~

[قدور بن عاشور]

بعد فرض الإختلاط بالقوة، الآن يفرضون الرياضة على الفتيات بالقوة
و الهدف معروف: إشاعة الفاحشة بإثارة الغريزة عند الشباب

المهم، تصرفك عادي جدا من فتاة متربية مازالت على الفطرة التي فطرها الله عليها،
حاولي تلبسي حاجة واسعة تستري بها نفسك و وكلي ربي على من كان السبب في
فرض الرياضة على الفتيات المسلمات في حضور الأولاد.

[مداوم]

يا للعجب العجاب في هذا الزمن: زمن أصبحت فيه الأصالة والحياء والعفة والطهارة والفطرة مشكلة ومشاكل!!!!!!!!!
يقول الله عز وجل في سورة القصص: (فَجَاءَتْهُ إِحْدَاهُمَا تَمْشِي عَلَى اسْتِحْيَاءٍ) الآية 25
يا أختي تلك أتت تمشي وعلى استحياء والآن يجرون من دون حياء للأسف
المشكلة ليست فيك: لو كان هناك مكان مأمون تكن فيه إناث وحدكن لا يطلع عليكن الذكور ولا سبيل للاطلاع هنا صدقيني ستكونين مرتاحة
إذن المشكلة فيمن جعل هذا الأمر على تلك الصورة.
صدقيني حتى ولو كن الإناث وحدهن ولا يطلع عليهن الذكور لكانت أجمل فتاة فيهن تلك التي تستحي أمام أخواتها
فحافظي على جمالك يا أختي ولست هنا لأقول لك كيف تحافظين على حيائك فالرب موجود فاسأليه الفرج
والعلماء موجودون.
ترى هل يمكن للطبيب أن يرخص لشخص معين بعدم الجري؟ وترى هل صيانة دين المرء يجيز للطبيب أن يرخص؟
لا أدري ولكنها صيانة الدين وصيانة الحياء
ومخالفة القوانين لا تعني دائما مخالفة الشرع
تقبلي مروري.

[سَامِيَة]

ذكرتني في أيام كنت أكره فيها يوما إسمه الثلاثاء والسبب طبعا حصة الرياضة وإن كانت الأسباب تختلف قليلا عن ما ذكرت أختي.

-قدمي شهادة طبية إذا كان ممكن.
-اطلبي من الأستاذ أن يقسم التلاميذ على فوجين الذكور لوحدهم والإناث لوحدهن

....إن لم يساعدك هذا لم يتبقى لك إلا هذا:

عفسي على قلبك وجري ليس باليد حيلة،الله غالب. ...علابالي بلي حرموك من الاستمتاع بيومك لأنك ماللي تنوضي ونتي تخممي فالسبور....خاصة كي يصطفو كامل التلاميذ ويديرولك 30 سكانيير أو اكثر،معندك ما ديري.

-قبل ما تجري ذكري ربي وقراي أدعية
وتفكري بلي المؤمن القوي خير من المؤمن الضعيف.

-إذا راكي ميتة بالحشمة حاولي ماتبينيش كاين بزاف بنات يحشمو ولكن والله ما تبان عليهم...خاطر كي تبيني نقطة الضعف تاعك يتحلو عليك بيبان التعليقات خاصة إذا بديتي تحماري وتتلفلك الهدرة والجرية. ...نتي علاه تحشمي؟الواحد يحشم بالحاجة اللي عندو دخل فيها إنتي هاذا السبور مفروض عليك فرض. ...متبينيش الحشمة نتاعك إذا بينتي تولي المشكلة مشكلتين...راكي عارفة الناس ما تامن تلقى حاجة تعلق عليها....يولو يستناو في دالتك بالثواني باه يضحكو شوية.

-كي تلعبي السبور لعبي بثقة في النفس ياك ماكيش غالطة...لعبي بشخصية قوية. ...لعبي بجدية. ...ما تسمحي حتى لواحد يقلل الإحترام

-نساي زملاءك وقيسيهم فالثقيل ولا كأنهم موجودين مع الوقت كي يحسو بلي ماكيش مطلعالهم الحساب ينساوك

-قبل ما تجي دالتك...متقعديش تستناي فيها وتحسبيلها بالثواني وقلبك يخفق ونتي تخفقي معاه لالا...هدري مع صاحبتك فكري في حاجة مليحة استغفري ربي هاكا مديريش ضغط نفسي على روحك

-علقي وضحكي كيما يضحكو ويعلقو باه تحسي بلي هذيك الجياحة متزيد متنقص علاه ديريلها الحساب.

-شوفي ختي ديها من عندي متضيعيش هاذ اليامات الشابين فالتخمام السلبي التزمي حدودك وما تلعبيش الرياضة بحركات مياعة وسفور وسعي لجلب انتباه ذكور وصراخ وقلة حيا،غير هاذا ضحكي مع صحاباتك واستمتعي بوقتك واستغلي كل ثانية...كي تنوضي الصباح ديري في بالك بلي هاد البلوة تاع السبور ما هي إلا تحدي لازم تفوزي فيه بدون أي خسائر على مستوى التحصيل العلمي او على مستوى الأخلاقيات.

الله غالب كون غير خلاونا على راحتنا وخلوه اختياري حتى لوكان حكمنا الصدأ وعظمة ما عادت تحكم عظمة ولا هاد السينما.

دعي ربي ما يجيبوش قانون يفرض الرياضة في الجامعة بحجة الرشاقة قبل كل شيء راه كل شي ممكن.
بالتوفيق

[sun shin]

ديري اعفاء وتهناي