جا خويا لشمبرتي بش يفيقني من النوم..😄
عيطلي ماجاوبتوش 😃 زااد عاود عيطلي ماجاوبتوش ??
بدا يحرك فيا 😊 و يعيطلي و يجبد فلغطاء و مافقتش.. ☺
طا بس راسو عليا و يستنا فالنفس تجي و تروح عليا .. 😉😐
بدا يقرص فيا و مافقتش.. 😁
بداا وجهو يصفار حتى عيط لماما ماماا أرواحي أرواحي.. 😔
جات ماما بدات تفيق فيا و كيف كيف جامد في فراشي.. 😳
جاا خويا حط يدو على قلبي يتحسس وبدا يعيط 👊
مات ماتت شدتني الضحكة 😂 بصح مضحكتش ..❌
ماعرفتش علاش مقدرتش نتحرك و لا نتكلم.. 👌
شويا هكا سمعت صوت الامبيلونص ❤ هزوني فيها و وغطولي وجهي.. 😰
في هديك الدقيقة عرفت بلي أنا مت..😭
مافيهاش لعب ❎
حرت. ماكانش في بالي هاد الشيئ. على أساس كنت ساهرةالبارح على الفيسبوك مبعد رقدت .. 💤💤
اليوم بش نغيب على صحابي ، كنت زعما راح نعيط ل مثنى على y200،،
رجعوني للدار 🏡 و دخلوني لبيت. دخلت عليا ماما شافتني 👩
حطوني فوق طابلة لوح كبيرة 🙈 عرفت بللي رااهم يغسلو فيا 🙊. آخر تدويشة ليا..
. مبعد حطوني في كفن أبيض.. دخلوني لصالة معمرة رجال.. 😮
حسيت بوجود خاوتي و عايلتي و دارنا و صحابي و جيراني. كل خايفين.. حايرين.. يبكو و مصدومين.. في نيفي ريحة الموت.. 😢
بداو يدورو عليا كل مرة واحد. اللي يبوسني 💋 و اللي يسامحني..✌
دخلو عليا كل كيما راهم.. في هديك الدقيقة دخلت عليا ماما تمسح على كفني بيدها و دموعها على وجهي 😣 تمنييت دقيقة وحدة ☝ نبوسها و نبوس جبينها و نطلب منها السماح و نطلب رضاها عليا..💘
المهم هزوها من فوقي بالسيف 💕 و جاا خويا و هزوني و حطوني فصندوق و حطوني على شحال من كتف و بدااو يعيطو الله أكبر.. الله أكبر... 👐👐
حطوني فطوموبيل نقل الاموات..🚑
ديمارات الطوموبيل و داوني للجامع
صللو العصر مبعد نسمع فالإمام يقلهم جنااازة رجل.. ناضو كامل بش يصلو عليا.. 😍
و فالصف لول بانولي عايلتي الكل جمعتهم اليوم بش يصلييو عليا.. 😨
المهم بعد الصلاة بداا الإمام يدعيلي بالرحمة و بالمغفرة.. 🙆
و مبعد هزوني و حطوني فالطوموبيل و مادييني للجبانة..😫
هبطوووني...😚
القبر محفووور!!! 😳 وش هاد الزربة بالخف حفروه!😌
هنت عليهم.. على صحابي.. على عايلتي.. على اللي يحبوني.. على خااوتي.. ! يبكوو عليا بالدموع و بش يحطوني فهاد الحفرة..💙 بصح ما عندي ماندير..
هزوو التابوت و نزلوني فهاديك الحفرة.. ماخللولي والو حتى بورطابلي مخللوهوليش..👿
كانت أول مرة نحسد صحابي فيها.. حسدتهم على الوقت لي بقالهم.. حسدتهم على الصلوات و الصيام لي راح يديروهم بعدي..🙏
حبيت نبكي فهديك الدقيقة حبيت نعيط و نكسر هاداك التابوت.. 😪
مش حاب نموت درك ❌ مازال مادرت والو فحياتي.. ❌ وش رااح نقول للملكين عند السؤال.❌ كي يوقفو و يسقسوني على حياتي❌ فواش و كيفاش ضيعتها.. ❌ حياتي فاتت❌. تمنيت هديك الدقيقة نرجع اللي فااات.. ✔ حطوا عليا التراب و راحو هكا كيشغل مايعرفوني ما عرفوني في حياتهم..
و بقيت وحدي...✅😣😣
" يا أيتها النفس المطمئنة. ارجعي الى ربك راضية مرضية و ادخلي في عبادي و ادخلي جنتي" 👐💝
قصة نعيشوها وكامل.. 😆
كون كل واحد فينا يتخيل هاذ الموقف والحكاية هاذي 😢
اللهم ثبت قلوبنا على الايمان واغفر لنا عن ما قد مضى وثبتنا عند السؤال وارزقنا جنة الفردوس وجاورنا باصحابة والصالحين
( تقرير عن مشاركة سيئة )، و الموجودة أسفل كل مشاركة .
2016-12-21, 15:11
فقط اقرا واوصف لي احساسك بعد القراءة
العرض العادي
