قصيدة .. الموؤودة

[ج.مروان]

قصيدة من الشعر الشعبي للشاعرالعيد دبوسي ولاية المسيلة

يا بني عمي وقتنا ورى ما فيه ***** خرجت فيه الناس للعيب قبالة

ولي شاف العيب لا بد يوريه***** نستسمح لشياخ في ذي المقالة

يا ترضى لو كان خبير نسقسيه***** نتمناه يكون راجل عدالة

يعرف للقانون ولى يسمع بيه ***** ولى شايف من قبل كي ذي الحالة

ولى رجل دين بالحكمة فقيه***** نستفتيه يفيدنا في المسألة

حالة شيخ كبير من السبعين لهيه ***** وطفلة في العشرين تشبه الغزالة

غروا بيها أهلها باعوها ليه ***** هاذون يبيعوا السلعة جمالة

الرجل عاجز و الطرش حاكم وذنيه ***** يبات ينازع و السطر داير حالة

تتدحرج عكازتو ما بين يديه ***** اخر شيبو شيخنا شد الدالة

ضربة شمس تدوخو زفة تديه ***** القنور و زاد فوقو ظلالة

و اش يعافر شيخنا واش يرضيه ***** طول النهار يظل داير شقلالة


إنتظروا باقي أجزااااااااااااااااااااااااااااااااااااااااااااااا ااااااااااااء القصيدة