مشكلتي

[مشكلتي]

https://www.djelfa.info/vb/showthread.php?t=2016363

بعد شهر عدت اليه. قال لي لم استفسر عليك جيدا ان شاء الله ساتصل بك.
انتظرت مدة لم يكلمني . تكلمت مع البنت قالت لي انتظر قليلا
بعدة مدة . عدت اليها, قالت القرار النهائي ليس بعد و انا ليس بيدي حيلة . و العائلة هي التي تقرر و ان شاء الله فيها خير.
ثم بعد كل هذه المدة لم يتصل. استفسرت منها قالت ان الاهل رفظوا بسبب الدراسة . علما انني ليس لي مشكل مع اكمال الدراسة . قلت لها و انت ما رايك ؟ ردت و الله لا ادري و هم حاولوا اقناعي بالدراسة. انا ايضا استطيع ان اقنعك ان الدراسة ليست عائق و انت في السنة الثانية و العام القادم هو الاخير. اجابت انا اعلم ذلك جيدا . لم اشا ان اضغط على الفتاة اكثر.
استفسرت عن والدها من اشخاص مقربين له و العائلة . ليس من النوع المتكبر لكي يصدر منه هذا التصرف.
انا لم استطيع ان اعود اليه لاني ذهبت اليه مرتين.
لم استطيع ان احكم عليه بالسلب ولا بالايجاب.
كيف لاناس ان يتقدم اليهم شخص في مسائل هزلهن جد لا يردوا عليه اصلا. حاولت ان افهم تفكيرهم دوخوني.

[دفء المطر]

الخلاصة أن لديهم سببا لعدم الموافقة ..و عدم الرد أيضا
اختاروا الدراسة حجة لكن انقلبت عليهم و الان ربما لم تبق حجج لهم

و الخير دائما فيما اختاره الله

[Lommima]

في رايي انت درت اللي عليك لحد الان .. لا اعلم ان كنت قد استخرت الله من قبل ام لا .. لكن في كل الاحوال انصحك بالاستخارة والتوكل على الله ..اصبر وكل عطلة فيها خير
ربي يرزقك الزوجة والذرية الصالحة ويوفقك في أن تكون عبدا صالحا إن شاء الله

[ع.عيسى]

با اخي نتا ما فهمتش روحك برك ، المسالة في الاصل انهم ليكيداوك بطريقة حضارية ، شوف جهة اخرى وربي يرزقك بالزوجة الصالحة

[خالد عنابي2]

كما قال الاخ ع.عيسى

افهمها وابتعد ماحبوش يعكسوك في وجهك فقط

وربي يفتح من جهة اخرى

[noeddin]

انه اليكيداج ...........................خطيك منها

صراتلي قصة
:في احد الأيام كنت ماش لعرس انا والوالدة ، شفت وحدة جارت العريس ، عجبتني ، رسلت لها وحدة تخدم معايا تسقسيهم الكان مخطوبة ولالا، قالولها اقصد الوالدة نتاعها قوليلو يجي مرحبا بيه البنت ماهيش مخطوبة ، رسلت الأخت من بعدها ، قالتلي لقيت خواتها وهي ، قالولي بلي راني عاطية الكلمة مند مدة لواحد ؟؟؟؟؟يعني راه حاب يخطبها واحد منذ مدة طويلة وراهم متفاهمين معاه .
* رحمتك ياربي كي مارسلتش الوالدة
*رحمتك ياربي كي ماخسرتش الباتيسري هههههه
يا اخي العديد من العائلات راهم يتمسخروا بالرجال ، لا تصدق الأقول الجميلة والتي تداع في الشوارع ، عيش بلي قدامك ولي تشوفه وتعرفه بعينيك وودنيك ، ماكان لاعاقة ولا هبيلة ولا فاميلة عاقلة ولا العكس ، ما تعاشرهش مليح ما تقولش عليه مليح ولا قبيح.

محيها من خاطرك لي ما قيمكش فوته -------وشي لي راك ديره وتزيد فيه ذل
الراجل مايطيحش بين المرأة غير الى طيح بروحه قداش هي شابة كاين لي خير منها والشابة فيهم تكبر وتعيا ، وما تنساش بلي الجزائر فيها الخير والجمال

[زبدة ذايبة]

هذي حكاية انتظر قليلا

وليس بعد

ومازال شوية

اصبر

وماتتقلقش

وكاين الوقت

وعلاش راك مزروب


هذي كلها عبارة عن مقارنة بينك وبين خطابين اخرين

واضحة وضوح الشمس يا أخي

ماقدروش يفرطوا فيك حتى تبانلهم ملابسات الخاطب الثاني ولا الثالث ولا .......

في بعض المرات الأب يعرض الإبنة على اولاد أخوه

يقول يديها وليد خويا خير من البراني

ويبقى الأب يستنى وانت تستنى معاه

كي ردولوا لخبر

يردلك هو تانيك لخبر

لو كان ماشي قابلين لو كان قالوهالك مباشرة

لكن عندهم احتمالات ثانية من غيرك انت

كي مايلقاوش كامل ويتأكدوا يولوا ليك

راهم قالولك زيد اصبر

هذا كل مافي القصة

مادوخ ماوالو

يحوسوا على وحد يكون جيبوا خير من جيبك

ودارو خير من دارك

ولا طفرت كامل الشوية اللي عندك خير من اللي ماكاش كامل

من رأيي خير بدل عتبة بابك

ماكالاه تزيد تذل روحك أكثر من هكذا

خيرها في غيرها

كيان بزاف بنات صالحات

[ام رضوان]

السلام عليكم
يااخي لاه تقدمت للونجة بنت السلطان ولا؟
يااخي انا مراة وكلاني قلبي وحسيت بيها طيحة وذل هاذ الردود اللي راهم يقولولك فيهم وانت تبان تحاول فيهم. كيما قاتلك الاخت زبدة ذائبة
راهم يقارنو ويستناو في اللي حاسبينو خير منك
امالا خليهم يتشاورو ويتحاسبو وكي يخرجو بنتيجة ويقبلو بيك قلهم
اااااااه انا نسيت هاذا الموضوع ونحيتو من بالي
يعني رد الاعتبار لروحك ورجعلهم الصفعة
وكوز تعمل خير ابدا حوس على وحدة تناسبك
ربي يرزقك ببنت الحلال اللي تستاهلها ويجيك الخير منها
اميييييين.

[بربرية و أفتخر]

السلام عليكم و رحمة الله و بركاته
رأيي من رأي (ابنة الإسلام) ربما الفتاة موافقة و لكن أهلها غير و يرون انه من الأحسن لها أن تكمل دراستها
و الأهل يرون أشياء لا تراها الفتاة و لا تعقلها
و حين تقول أنو أنت ماعندكش مشكل في دراستها... أصلا المشكل ليس في موافقتك أو رفضك لإتمام دراستها
المشكل في قدرة الفتاة على الموازنة بين حقوقك كزوج و عائلتها و دراستها من جانب آخر
_________________________________________________

أنصحك بالتوجه للفتاة و طلب رأيها بشكل قطعي باش تتهنا من التفكير
و ربي يسهلك للذي فيه خير لك و لها

[☆دھَہّدۆھَہّة☆]

رغم أني لا أفقه في هذه الأمور إطلاقا لكني أرى أنه من الأفض أن تكلم الأب بكل صراحة ووضوح و تطلب منه الجواب النهائي الشافي و الكافي...و تتجنب إصدار الأحكام المسبقة التي قد تظلم بها الفتاة و حتى نفسك فإن بعض الظن إثم .
اعقلها و توكل و اذهب و اسأل الأب بنفسك و لا تشغل نفسك بكثرة التفكير فيما لا يقدم و لا يؤخر شيئا.
اسأل الله أن يكتب لك الخير في كل خطوة تخطوها و إن شاء الله تكتب موضوع تعرضنا فيه للعرس ههه.
بالتوفيق ^^

[mohamed ett]

خلاصة القول أخي ربما أخطأت أنك اقبلت على الامر لعائلة لا تعرفها و لا تعرفك دون وسائط تسمح بتذليل ذلك الخوف من المجهول الذي تشكل للعائلة فطبيعي ان تطول المدة لأنه سيزوجك ابنته.....
لكن فيما يبدو انه هناك تماطل في الرد ان استطعت ان تبحث عن وسيط يكلم البنت او والد النت حتى تفهم خلاصة الامر.........
و كتحليل للامر فبما ان البنت لازالت تدرس و ترى نفسها صغيرة تقول ربما لازالت فرص الزواج اخرى ممكن و لا تستعجل في اتخاد قرار مصيري و هي لازالت تدرس.........

عن نفسي احدثك لو وقع لي لانسحبت و حافظت على كرامتي و الترك خير و في الناس أبدال....فلقد وقعت لي قصص مماثلة فانسحبت بغير رجوع.والله اعلم

[قدور بن عاشور]

إسمع كلام النساء في المنتدى، هن أعلم بالكواليس، ڤالك راهم يخيرو بين الخطابة، و انت راك Roue de secours يا حبيبنا، غير شوف من جهة أخرى و احفظ كرامتك، و كيما ڤالت الأخت نهار مايلڤاوش و يرضاو بيك أرمي عليهم الماء و قل لهم أنا نسيت هذه الحكاية.

[عثمان الجزائري.]

أخي إنسى قصة هذه الفتاة، شوف بلاصة خلاف و أحفظ كرامتك، درت لي عليك و زيادة

[الطيب الجزائري34]

ان كان الرفض من طرف الاولياء فلا اظن ان لك حظوظ حتى و ان كانت البنت موافقة . . اما مسألة الرد نعم هو من حقك ان يرد لك الاجابة و احتراما لشخصه. . لكن ماعساك ان تفعل هي عقليات لا علاقة لها لا بالمنطق و لا بالشرع... اطوي عليك و ان شاء الله يعوضك خير منها.

[first first]

اقلب الصفحة يااخي وامسحها في المكتوب