أشيروا عليا جزاكم الله خيرا

[مشكلتي]

السلام عليكم
اعضاء هدا المنتدى العزيز اتمنى ان تكونو بخير
لدي استسفسار يراودني مند مدة و لم اجد الاجابة و لعلي اجدها هنا عندكم خاصة من دوي الخبرة و اقصد المتزوجين و المتزوجات

اولا انا مع الزواج التقليدي لا احب التحدث في الهاتف او مقابلات قبل الخطوبة او مطاعم او اي شيء من هذا

لنفرض ان امك ذهبت تبحث لك عن زوجة فأعجبتها بنت دهبت انت لرؤيتها و الحمد لله تعارفتو و تبادلتو الشروط و قبلتم ببعضكم البعض

و حصل زواج و الحمد لله

و لكن استفساري يبدأ من هنا :

كيف تصبح تحب الزوج و تخاف عليه و تضعه في عينها و تحبه كيما نقولو بجنون

و كيف يصبح الزوج يحب زوجته

و يبتعدا عن المشاكل و يعيشو في طمأنينة و سكينة و ود مع انهما لم يكونو يعرفو بعضهم قبل الزواج

سمحولي طولت عليكو

و شكرا لكم على حسن الاصغاء و المتابعة . اتمنى ان اجد اجوبة راقية

[نورسين.داية]

السلام عليكم

شوفي عزيزتي أولا الإنسان يجب ان يتعامل بمبدأ حسن النية كقاعدة عامة .
و ان يكون على دراية بمجموع الحقوق و الواجبات الزوجية يمعنى ما لك و ما عليك حتى لا تحيد الأمور عن ميزانها الأصلي و حتى لو ظهر إستثناء ما يجب ان يعرف الإنسان التكييف و البدائل هههههه

كما عليه أن يتعلم منطق المشورة .....مانعرفش نسول واش فيها ؟؟؟؟؟؟

مسألة الجنون ....الله أعلم ......و لو اني شخصيا لا أحبد فكرة الحب لدرجة العمى .....لأنه يؤدي الى المهالك ............... بالتوفيق

[ام ثينو]

كوني له انثى يكن لك رجلا
كوني الام والاخت والابنة والحبيبة والصديقة يكن لك مثلما تريدين
حافضي عليه يحافض عليك
حبيه يحبك
قيمي بيه حتى ولو هو ماش قايم بيك راح ديما تقعدي فالمرتبة الاولى بالنسبة له
شوفي الراجل يحب المرة الفحلة الشاطرة في كلش ماش نحكي على قضيان الدار لا هاديك بسيف عليك نحكي عليه هو على عايلتو حبيهم واحترميهم حتى ولو ما تحبيهمش لانو ماش بسيف لكن الاحترام بسيف عليك لانهم اهلو مهما حدث من خلاف بينكم احتارميهم
نزيدلك نقطة مهمة جدا جدا مكلاه اي حاجة تصر بينك وبينهم تروحي تصبيهالو لا خليها في قلبك صدقيني والله تقعدي عزيزة عندو عن تجربة
اعيد كوني له انثى
ما تقوليش واش دخل ماليه فالحب
نقلك الراجل ماش كيما المرة الراجل عمل صغير لاهلو يخليه يحبك ويحترمك وصدقيني الاحترام اقوى من الحب

[نورسين.داية]

قصدها الأخت أم ثينو .......الطاعة العمياء و كوني كالآلة ...........و عمرك ما تشكي على العامو أنتي نعم حاضر ....واش راك ناوي تقول يامولاي ...قبل ما يحكي ........و ناسك واش يخصهم راني هنا قلبا و قالبا ..........و الله يا مليحة هادي ......هادي عبد هاذي ماش إنسان ..................

[sokalitnin]

المشاركة الأصلية كتبت بواسطة نورسين.داية

قصدها الأخت أم ثينو .......الطاعة العمياء و كوني كالآلة ...........و عمرك ما تشكي على العامو أنتي نعم حاضر ....واش راك ناوي تقول يامولاي ...قبل ما يحكي ........و ناسك واش يخصهم راني هنا قلبا و قالبا ..........و الله يا مليحة هادي ......هادي عبد هاذي ماش إنسان ..................

السلام عليكم
اختي الكريمة معظم البنات يفكروا كيما انت وغالبيتهم ما ينجحوش في حياتهم الزوجية اظن انك على خطا وان الاخت التي اقتبست منها على صواب مئة بالمئة

[طيور الجنان]

اختي ابكريمة تأكدي ان ربي سبحانو في الاية الكريمة " و جعلنا بينهما مودة و رحمة " ستجدينها حتما و هاذي المودة ليست قبل العلاقة الزوجية الحقيقة بل بعد الزواج و الحمد لله جل الزيجات التقليدية ناجحة اتكلم عن نفسي زواج تقليدي والحمد لله اكيد راح تخمي في زوجك و تتقلقي كي يطول مايدخلش للدار هاذي حكمة ربي سبحانو.

[النجمة القطبية]

شوفي يا اختى الحب قبل الزواج ماشي مقياس ابدا للحب بعده بمعنى يقدر يكون ويقدر لا
بمعنى تقدري تحبي الرجل قبل الزواج ولما تعاشريه تندمي وتكرهيه ويقدر يكون العكس
مقياس حب المراة للرجل انو يكون متدين وراجل صح وصاحب اخلاق ويحسن اليها وبالتعامل يقدر يخليها تحبو
وبالمقابل يقدر يكون مليح قبل الزواج ويتغير بعده
انا نشوف الزواج التقليدي احسن واضمن بشرط حسن الاختيار وتسقسي مليح على الرجل وسيرته ويكون رجل تع صح ماشي من وحدة لواحدة وتقولي يتبدل بعد الزواج
كيما قتلك ادا توكلتي على ربي راح تنجحي
وربي يوفقك

[محمد جديدي التبسي]

ما يسمونه الزواج التقليدي قي الحقيقة هو الزواج الاسلامي الصحيح
لأنه مهما تعارف الطرفان قبل الزواج تبقى هناك أشياء مفصلية عالقة لا يمكن معرفتها إلا بالعشرة وطول الصحبة.
الزواج مودة ورحمة يعني لابد لكل مقبل عليه أن يفهم هذه المعاني ويعمل على تطبيقها الرجل باحترامه لزوجته والمراة بطاعتها لزوجها.
في الزواج الذي تسبقه علاقة تعارف يغلب عليها الدبلوماسية والتمثيل والمثالية لذلك يتفأجأ غالبا الطرفان بحقيقة احدهم الصادمة بعد الزواج
كما ان المشاعر والعواطف تستنزف غالبا قبل الزفاف وتبدأ الحياة الزوجية مملة لا جديد فيها
أما ما يسمى زواج تقليدي فلا يكون هناك حرق للمراحل يعني خطبة وكلام محترم لا هاتف ولا مكالمات لاخر الليل فتجد الطرفان في شغف لفهم الطرف الاخر والتقرب منه بعد الزواج فتبدأ حياة زوجية مستقرة
المهم في الموضوع هو النأي بالنفس عن العلاقات المحرمة والنية الصادقة في تأسيس أسرة صالحة والله الموفق.

[نفحات روحانيه]

صح الزواج التقليدي مليح وبعيد عن علاقات وووو الخ
لكن الزمن تغير الان مبقاد كي قبل
باش تكون علاقة مليحة وتصلح صعيبة
لازم على الاقل تكون كاين محاورات وكلام وتحدث
لان الزوج عندو عقلية والزوجة كذالك والتفاهم صعيب
لان كل واحد واش يحب وواش يكره
رح يكون التفاهم بالاستغناء
لكن هو صعب سعات راجل يحوس على حاجات ويتمنى حاجات ومايلقاهاش في المراة
سعات مراة تشرط الخدمة والراجل ما يقبلش
بلاك تحب ماتحجبش وراجل حابها تحجب او العكس
هده كلها مفاهمة تصرى في الخطبة باش يعرفو بعضهم وادا راهم بعاد وما يتفاهموش رح يحبسو
احسن من الزواج ومباعد تصدم من هده الحاجة وتولي طلاق ومحكمة ومشاكل

[الطيب الجزائري34]

ان كان اعجاب و ميل من الوهلة الاولى ... سيدعمه الحب و المودة و الرحمة و الاهتمام

[خالد عنابي2]

اول عامل لنجاح هذا الزواج هو الابتعاد عن المسلسلات التركية والمفاهيم الغربية الدخيلة والخاطئة
هناك شيئ يسمى بالالفة والعشرة ومنها تاتي المودة
المودة + تقاسم الفراش الزوجية = الحب .

[riheb razane]

الحب تع الصح بعد الزواج

[riheb razane]

انا شخصيا اؤمن بالحب بعد الزواج

[riheb razane]

ربي يرزققك الزوج الصالح