لي رايح لمدرسة تقنيات المعتمدية البليدة

[Lamine Law]

السلام عليكم خاوتي
وصلني أمر استدعاء الأسبوع الفارط للالتحاق يوم 15/01/2017 بمدرسة تقنيات المعتمدية بالبليدة ، و أرى أن العديد من الأعضاء ذكروا أن هذه المدرسة كارثية ، ليس لدي أي ملف طبي و رايح متوكل على ربي و انشاءالله فيها خير لأني كرهت حياتي مع الخدمة و التوظيف مكاين والو .. لي عندو معلومات أكثر و يقدر يفيدنا بحوايج أخرى غيرها المذكورة في المواضيع الأخرى ما يبخلناش...
لي رايح لهدي المدرسة في هذا التاريخ يقلنا ، نتلاقاو و نروحو مع بعض ، للعلم أنا من الشرق ولاية عنابة ، متخرج ليسانس حقوق ، طالب ضابط احتياطي

[Lamine Law]

واش يا الخاوة ماكانش لي مستدعي في هادي المدرسة ؟؟ واقيل راح نعقبها وحدي تماك ! سير راح نلبس

[أنور]

انا بعتولي ليها اخي
ولكن واش نقولك يبانلي رانا رايحين للجحيم برجلينا

[Nabil_Soft]

هههههه أنا أيضا أخي راني رايح تما أو زيد راني من ولاية عنابة
ربي يجيب الخير برك
كل واحد وش يقول علاها

[Lamine Law]

كشما كاين طريقة باش منعقبهاش و يخرجوني ؟ مورال 0

[aliaala_92]

انا ايضا ارسلت لهذه المدرسة 20/01/1027

[amiroba]

المشاركة الأصلية كتبت بواسطة aliaala_92

انا ايضا ارسلت لهذه المدرسة 20/01/1027

[sie="5"]سلام اخي وقتاش معول تدخل ؟؟؟؟[/size]

[aliaala_92]

المشاركة الأصلية كتبت بواسطة amiroba

[sie="5"]سلام اخي وقتاش معول تدخل ؟؟؟؟[/size]

23 ولا 24 خويا

[adoula89]

خوتي دير الروطار المدرسة دائما فيها الفائض روح في 25ولا 26 وعلى ربي كاين السورسي
ان في الدفعة تاعي لي جاو لخرين استفادو اكثر من الفائض

[أنور]

انا نروح في 23 واللا 24

[kacimo.samy]

,عليكم السلام انا كنت فيها
فوت ستاج

ههههههه
وكملت
واش راه يستنا فيكم
والله تهبلو
في كهف كاين شالي ترقدو فيها اسمو الكهف المهم
ربي يكون في عونكم وكلش بالمكتوب
ولي حاب اي استفسار يقولي
المهم ما تدوش معاكوم قاتو تاع دار راهم ينحوه اوكي و اشري لقاطو تاع البر لانو يقتلكم الشر داخل وادي معاك بليغة و كادنة اك تحتاجها الا حاكموك وادي معاك دوا راس و دوا تاع لا دياري هههه اي دوا اديه راك تحتاجو و بوراطبل ما ينحوش عليكم بصح لازم سمبل موش تاع كاميرا المهم كاين واحد سمبل تاع سامسونغ فيه فايسبوك حوسو عليه باه تفيسبوكو وتجيبو الوقت بيه اوكي

لي عندو دراهم كون يقدر يشري طونطوز صغيرة غير تاع لحية بويسك راك تكره ونتا تنح في لحية بالجوطابل هههه
بصح ميتاسيون تاعها مليحة والله
شغل نتم غير تاع ادراة فهمتو المهم

[Dalkousat]

نورمال عقبت فيها ايامات ديت معايا كيلو قاطو تاع الدار تيليفون نبات نحكي المتعاقدين فور خلاص تقولو جيبلي نشرب يجيبلك اشريلي من فوايي يشريلك

مشكلة برك في المرحاض أعزكم الله شغل لازم تغمض عينيك ههه مي نورمال

كاين مشكل في التدريب نهار كنت تم الجماعة ترقد ساعتين برك من أصل 24 ساعة

المهم فيها الفائض بزاف والطبيب كي توصل ليه كون راجل واشبح روحك خطراكش كون تبدا تلعبها باه تغيضو راك تفوت رسمي

[aliaala_92]

الليلة الطلعة ليها ان شاء الله

هل من نصائح بارك الله فيكم

[22bilal bilal]

فوتت فيها سنة 2014 .
ايام الاولى صعيبة 45يوم .ومن بعد عادي
كل واحد وخدمة .وتلقا رجالة وتلقا منكملكش خير
ونتا كون راجل
ومتخلى حتى واحد يلحقك .
باسكوا كاين ناس بلا اخلاق راك تعرف .
واذكر ربي واكتر من التسبيح والاستغفار .
وربي يجيبهالك زينة.

[aliaala_92]

المشاركة الأصلية كتبت بواسطة 22bilal bilal

فوتت فيها سنة 2014 .
ايام الاولى صعيبة 45يوم .ومن بعد عادي
كل واحد وخدمة .وتلقا رجالة وتلقا منكملكش خير
ونتا كون راجل
ومتخلى حتى واحد يلحقك .
باسكوا كاين ناس بلا اخلاق راك تعرف .
واذكر ربي واكتر من التسبيح والاستغفار .
وربي يجيبهالك زينة.

بارك الله فيك اخي وربي يجيب لي فيها خيير