كيف اصنع طورطة لزوجي

chouchou.24 · 2014-02-02, 14:24

كيف اصنع طورطة لزوجي لان عيد ميلادة غدا فارجوا منكم موافاتي بالوصة وجزاكم الله خيرا.

fayza81 · 2014-02-02, 15:19

شوفي وصفات ام رامي

fayza81 · 2014-02-02, 15:44

هذي وصفة ام رامي
------------------------------------------------------
اليوم درت هذا الباتيسري وجبتلكم الطريقة لانه فعلا يستحق التجربة شكل وبنة ويحمر الوجه
نحضر سويسرول عادي يعني جينواز رقيقة شوفي المقادير والطريقة في هذا الرابط
والصينية اللي استعملتها 24 على 31 سم تتحصلي على 12 حبة

نسقيه بملعقتين مربى مخلوطين مع ملعقتين عصير برتقال

نقطع الموز شرائح ونرصهم فوق الكيكة

نحضر طبقة الفلان :

في طاوة نضع 3 كاس عصير برتقال + 1 فلان نوارة فاني + 5ملاعق سكر ...حسب الرغبة ...+ 3 ملاعق نشاء + فاني ونخلط جيدا ثم نضعه على النار لما يبدا يغلي ننزعه نصفيه ونسكبه فوق الكيك

ندخلها الثلاجة تبرد

نحضر الكرام شانتيي والفواكه المراد التزيين بها انا استعملت الكيوي والبرتقال

نخرج الكيكة من الثلاجة لاحظو طبقة الفلان شفافة وهي مثل الجولي

نقسمها مربعات قد حبة قلب اللوز بواسطة ساطور وبحذر
نزينها بالكريمة والفواكه
واليكن كل واحدة كيف زينتها

ملاحظة
يمكنك استعمال عصير الفراز مع فلان الفراز وزينيها بالفراز تتحصلي على لون وردي شفلف جميل
او عصير الليمون او الانانس مع فلان فاني وملون اصفر +اخضر تتحصلي على اخضر بيستاش هايل

fayza81 · 2014-02-02, 15:46

وصفة 2 ام رامي
---------------------

اقتباس:

المشاركة الأصلية كتبت بواسطة *ام رامي*

السلام عليكم ورحمة الله وبرماته
هذه تورتة بسيطة حضرتها في عيد ميلاد ابني اتمنى تعجبكم

نحضر جينواز ب 6 بيضات + كاس سكر + كاس فرينة + نص كاس نشاء + فاني وخميرة كيميائية + نص فنجان زيت
نخفق البياض مع نصف كمية السكر
ونخفق الصفار مع النص الثاني للسكر ونضيف الزيت ونواصل الخفق + الفاني
ثم نضيف النشاء ونخلط المزيج مليح الصفار + البياض
ثم نقسم الخليط على اثنين
الجزء الاول نضيف اليه 3 ملاعق كبيرة فرينة + نص كيس خميرة كيميائية ونطهيه
ولما يطيب نضيف للجزء الثاني ملعقتين كبيرتين فرينة + ملعقة كبيرة كاكاو + نص كيس خميرة كيميائية ونطهيه
نقسم كل جينواز على اثنين ونشربهم بمربى مخفف بعصير برتقال

ثم نحضر كريم شانتي وحدها ومربى + شكولا مذوبين وحدهم
نبدا كل قرصة بيضاء ندهنها بالشانتيي ونتاع الكاكاو ندهنها بالمربى والشكولا ونحطهم فوق بعضهم بالتناوب حتى نخلص
نخلط شكولا مع علبة ياورت ذوق شكولا ونغطي الكيكة ونزينها بالكريم شانتي والسيقار

fayza81 · 2014-02-02, 15:49

وصفة 3 ام رامي
----------------------

اقتباس:

المشاركة الأصلية كتبت بواسطة *ام رامي*

السلام عليكن ورحمة الله وبركاته

هذه تورتة عيد ميلاد ابني
حبيتكم تشوفوا طريقة التزيين

اتمنى تعجبكم

fayza81 · 2014-02-02, 15:51

وصفة اخرى
---------------

اقتباس:

المشاركة الأصلية كتبت بواسطة حفيظة42

طورطة عيد ميلاد أبي وجدتي ربي يطول في عمرهم أتأسف لعدم تمكني من تصوير كافة الخطوات وهذا لضيق الوقت

مقادير تحضير الجينواز:
10 حبات بيض
300غ سكر
300غ فرينة
خميرة كيميائية
فانيليا

مقادير تحضير كريمة الزبدة:
paquet de sucre glace
500غ مارغرين طرية
كاس ماء
كاس زيت
الفانيليا

مقادير تحضير السيرو:
2 كيسان ماء
كاس سكر

مقادير تحضير كريمة الليمون:
100غ مارغرين ذائبة
2صفار بيض
ربع كاس سكر
ربع كاس عصير الليمون

بالنسبة لتحضير الجينواز:

أنا عملت 2 كيكات جينواز يعني قسمت المقادير إلى 2 وطيبت كل واحدة وحدها
(اسمحولي طيبت الجينوازتين فالليل باش ما يفيقش بيا الوالد زعما عملتها مفاجأة ماكانش عندي وقت باش نصور)

نخلط الصفار والسكر وحدهم ونضرب بياض البيض حتى يتكاثف ثم نخلطهم مع بعض ونسير الفرينة من فوق مع الخلط حتى نتحصل على عجينة تشبع عجينة الموسكوتشو

طيبتهم مدة 15د

تحضير كريمة الزبدة:

نخلط السكر الناعم مع الفانيليا وكاس ماء بالخلاط الكهربائي

نضيف كاس زيت مع مواصلة الخلط

نضيف المارغرين مقطعة إلى قطع ونخلط جيدا حتى نكمل جميع قطع المارغرين فنتحصل على كريمة متماسكة

تحضير كريمة الليمون:

نضع في كسرونة: صفار البيض+سكر+عصير الليمون+مارغرين ذائبة

نضع الكاسرونة فوق النار وبعدما تعقد نطفي عليها الفرن

تحضير الكعكة:

نحط الجينوازية فوق قالب ونشربوها بالسيرو ونطليها بكريمة الزبدة

نطلي أطراف الجينوازية بكريمة الزبدة

نحط الجينوازية الثانية فوق الأولى ونشربها بالسيرو مثلما عملنا فالمرة الأولى ونطليها بكريمة الزبدة

نرش أطراف الجينوازية باللوز المرحي يمكنك تزيينها أيضا بالفارميسال أو الحاشية التي تباع

نزين الكعكة بكريمة الزبدة

راهي شابة بلا مانزيدو نزينوها والا واش رايكم

نفرغ كريمة الليمون فوق الكعكة

زينتها بحبيبات الشكلاطة كل واحدة ولمستها في التزيين

وفي الأخير نكتب بالشكلاطة عيد ميلاد سعيد

العائلة كامل عمبالهم مشرية وكامل عجبتهم ما خلا فيها والو في دقيقة كانت ترفدت

رأيكم حبيباتي مع العلم أن هذه أول مرة ليا مع la patisserie

مقياس القالب اللي طيبت فيه الجينوازيتين وعملت فوقو الحلوى "لي راه مبين فالصور"
25سم على 32سم