موسكوتشو الشوكولا السهل و الرائع من مطبخي

[walido2011]

السلام عليكم
اليوم جبتلكم وصفة كنت عملتها من قبل فالمنتدى و حبيت نعاودها و لكن بشكل آخر، بما أنو اليوم عيد ميلاد أبي و هو يحب هاد القاطو فعملتهولو و انشالله يعجببكم



المقادير :
5 بيضات
2 كيسان سكر
كوب غيرربع زيت
ملعقة صغيرة خل
كوب حليب
ملعقة صغيرة بيكربونات
ملعقة كبيرة خميرة
نص كالس كاكاو
2 كيسان و نص فرينة
ملعقة صغيرة فاني

غلاصاج الشكولا:
طبلات شيكولا
2 علب دانيت شكولا

الطريقة :
ننخل الفرينة مع الكاكاو مع الخميرة و البيكربونات، نحط البيض السكر الخل و الفاني في الخلاط ونديرو على السرعة العالية و نخليه حتي يطلع و يبياض مليح، من بعد نضيف الزيت و بعدها الحليب و في الأخير نضيف خليط الفرينة و الكاكاو و الخميرة و البيكربونات بلعقل و نخلط بملعقة بلعقل، نحطها في مول م دهون مليحو مرشوش بالفرينة، و ندخلها تطيب على درجة 180، لمدة 35 حتى 40 دقيقة كل واحد و الفرن تاعو، المهم نتوما دخلو موس و شوفوها إدا طابت.
نخليها تبرد مليح، نذوب الشيكولا و نضيفلها 2 دانيت الشيكولا و نخلط مليح حتى تولي ليس و نطليها كامل، و في الأخير كل واحد واش يحب يزينها ممكن ديرولها جوز الهند أو الكاكو المحمص و المرحي خشين جي بنينة تاني.