رأيكم

[مشكلتي]

انا صاحب مشكلة
https://www.djelfa.info/vb/showthread.php?t=2024823

البارحة قمت بتكوين جماعة او مايسمى بالجاه انا وابي وشيخ كبير في السن والامام المدينة الخاص بي مع امام المدينة الخاص بيهم ذهبنا من اجل احضار زوجتي عندها تكلم الائمة ولكن رد اب زوجتي كان صادما قالهم انا خطيني الامر يعود للبنت ثم قالو الامام ماتقولش خطيني وماتهربش من المسؤولية قالو هذي بنتك وانت الي زوجتهالو المهم هدرو معاه الائمة من اجل الصلح معا انو مكانش مشكلة اصلا الي تستهال الصلح دخل الاب تاعها للبيت مدة 5 دقائق وقالنا ممبعد نفكرو ونردولكم الاجابة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟

[الرميصاءْ]

صلي صلاة الاستخارة وادعي ربي يفرج عليك وماتنساش الاستغفار
ربي يهدي الزوجة ان شاء الله وترجعلك بدون مشاكل

[ابو ارسلان]

اخي الكريم كان الله في عونك
هذه المشاكل عادة ما تكون عندما يكون الاب غير مسيطر و تكون الام هي صاحبة القرار
لذلك أخي نصيحتي خلي الامور تهدا و دير روحك كي شغل ما يهمكش لان بعض النساء عندما تظهر لهن الاهتمام الزائد يتمردن
و عادة الام تحب تجعل بنتها مثلها يعني اذا كانت هي مسيطرة على راجلها لازم بنتها تكون كذلك
و انت صراحة كبرت بيها بزاف..خلي بابك مفتوح اذا حبت تروح لبيتها مرحبا و اذا ما حبتش فاللوم عليها

وسبحان الله النساء عندما تكون زوجة لا تقبل بعجوزتها و تطلب بيتها وحدها و عندما هي تكبر و تزوج اولادها يغيضها الحال لما زوجات اولادها يطلبو نفس الشئ؟

[nouri.tg]

البنات كثير ذات المال و ذات الجمال و ذات الدين و ذات الحسب و الأصل إيه علي رماك على هكذا أشكال

[فاطمة شلف]

السلام عليكم ورحمة الله وبركاته
الله يجيب الخير ويصلح بينكما يارب

[hodayena]

اخي بارك الله فيك على مجهودك انت دير الي عليك ودير كل سبل الصلح
ادا ولات اهلا مولاتش قولها راح نتزوج وانتي اقعدي في داركم وكل شهر تلحقلك نفقتك مدام راكي تعصي فيا وخليها هددها وادا زادت خشنت راسها كثر وكثر اصبر تولد ابعث نفقتها عادي حتى يولد الطفل ومن بعدها حاول رجعاه محبتش ترجع قلها في يدك سمانه يا تولي يا اما طلاق

[salamsi]

ان شاء الله وترجعلك بدون مشاكل

[0ibtissam]

اخي لازم تصبر عليها حتى تزيد ان شاء الله اذا مرجعتش اعد الزواج وخليها تشبع بدار ببها
راه تندم بعد ما لا ينفع الندم

[rose de sable s]

طالت مشكلتك ايها اخ ربي يقدرك
لكن اصرارك لي خلي زوجتك تفعل هدا
راي الا تتصل بها اتركهم هم يتصلو ويقولولك ردهم
ادا لم ترجع لك اخرج اشاعة انك ستخطب هدا ممكن يخليها تغيير و تبدل رايها ادا كانت تريدك حقا
ان لم تغيير رايها خليها اين هي ادا ارادت طلاق خليها تطلب خلع زمن رايح يبينلها انها اخطات في حقك وربي يعوضك ويفرج عليك

[زبدة ذايبة]

راك تجبد فيها ليك بكل ما أوتيت من قوة

وهي ماعلابالهاش بيك وحتى أهلها

يا أخي المحبة من عند الله

لو كان جيت تعنيلها 1 غرام من المحبة كانت ماتمرمدكش هكذا

المودة والرحمة اللي قال عليها ربي في القرآن ماعندهاش

حبيت تجيبها بالسيف ولا كيفاش

وكي تولي لعندك هذا المرأة كيفاش تعيش معاها ؟؟؟؟؟؟؟

ياهل ترى رايح تكمل تعيش تحت الذل ؟؟؟؟؟؟

كل دقيقة تهددك بالهروب من البيت

ماتقولش ماديرهاش ،،،،،

راهي رايحة تعاودلك نفس السيناريو في كل مرة بما أن أهلها رايحين فيها

وش كانلك لهذا الحال

حكما من أهله وحكما من أهلها إذا حصل الخلاف بين الزوجين

هذي لاباس عليها وحبت تعفس على راسك

حاول توقف موقف الرجال وكون حازم

ماكاش حاجة تكرهها المرأة قد الرجل الضعيف

يا أخي كون حرش شوية معاها ومع دارهم

راك تواجه في عايلة كاملة مع أنهم هم الخاسرين لوكان طلقلهم بنتهم !!!!!!!!!!!!!!!!

لازم دير حد لنفسك واحد مايدوسلك على طرف

راهم رايحين يجيبوك في الرجلين لوكان تكمل هكذا

وش يبقالك من قيمة قدام أهلها وأهلك وقدام أولادك إذا رجعت

ربي يوفقك

[أم درين]

يا سبحان الله هاذي ماعارفاش النعمة اللي عطالها الله
أمك وأبوك وأختك برك وحابة تدير دارها وحدها؟ اصلا راهي وحدها!
ربي يهديها تطلب في المحال
وانت قاعد تجري وراها؟ كل هذا الخير في يدها... واش راهي حابا كثر؟
ربي يساهل عليها ماعندها حتى سبب يخليها تطلب دار وحدها
يا سبحان الله
صلي الاستخارة

وهذي والله اعلم ما تنفعش تكون ربة اسرة

نسا اخر زمان...

[aymen01]

انت باين فيك خاتم في صبعها لا رجله لا والو

كل يوم عندها تحاول فيها مالا تستاهل

[منى27]

أول شيء استخير و بعدها ربي يفرج مع انو المكتوب باين من عنوان و هذي كما يقولو عندنا بنت يماه متصلحش

[minina2601]

اطلب الاعانة من ربي واستخر الله وربي يسهل ان شاء الله

[sarl02]

لن ازيد على ما قاله الاعضاء سابقا الا نصيحة واحدة ديرها في بالك مليح...هناك من النساء من تحب التجاهل وتعشقه ...يعني كي تجاهلها اتولي اتموت عليك وكي تتودد لها تكره من جدك ...لذلك يجب عليك اتقان فن التجاهل مع هاته البنت وسترى النتيجة لاحقا ...اما بالنسبة للجاه والائمة الي لميتهم فقد تعبت روحك فالباطل...الرجال تديهم لبيت اكونو فيه الرجال ويحكمو فيه الرجال...اما هذا البقرة تاع باباها ما ينفع معاه والو لانه مشدود من اذنيه ......وفقك الله.