وصفة مجربة لعلاج أمراض الصدر والزكام والبلغم

[أم اسيل]

السلام عليكم ورحمة الله وبركاته
جبتلكم وصفة مجربة في علاج الزكام والبلغم والحلق وبعد تجربة هدى الوصفة نعرفها من مدة وماحطيتهاش حتى جربتها ليا وأولادي وعمال منها حتى لعائلتي والنتيجة مضمونة 100 / 100
المقادير
حطي فوق النار كأس ماء وكأس سكر وملعقة كبيرة عسل النحل وملعقتين كبيرتين عصير ليمون وملعقة صغيرة زنجبيل مرحي وربع معلقة صغيرة قرنفل مرحي وحركي على نار هادئة حتى يعقد الخليط ويصبح كيما الكرامال ثقيل حطي ورق الطبخ فوق صينية بواسطة ملعقة حطي دوائر دوائر صغار قد حبة الاسبرين فوق الورق كي ينشف شوي رشيد عليه السكر قلاصي وانزعي الدوائر من الورق وخبيهم في علبة كي يكون عندك مرض على غفلة سخني فنجان ماء وذوي فيه دائرتين من الدواء لي حضرتيه يذوبو تتحلى على أفضل تيزانة والنتيجة مضمونة