مشكلتي مع زوجي

[مشكلتي]

السلام عليكم،
أريد ان تنصحوني كيف اتصرف بخصوص مشكلة مع زوجي،
بديت حياتي الزوجيه و انا في بالي كوني له أمة يكن لك عبدا.
للاسف مالقيتش الشي هذا بعد عام و نص زواج و عندنا طفل، راجلي مايعجبوش الحال كي يسمع التطياح في القهوه و ماعندوش مانع انو يطيحلي على ماكان والو، مثلا كان ولدي يبكي خليتو عندو شوية حتى نوجدلو حوايجو و نديه نرقدو، ديراكت و هو فاحم بالبكى علقو من رجليه في الهوا زعمة باه يسكتو، قتلو ماديرلوش هكا غضب ولى يهدد فيا بالضرب و يطيحلي الهدرة كون نزيد نديرلو ملاحظة كيما هك، و راح رقد فشمبرة و صابح زعفان. أنا ثاني راني مقاطعاتو قايمة بواجبو و خلاص.
حرت كيفاه ندير معاه، عام و نص عمرو ما مد ايدو عليا لاني ديما نسكت و نفوت.
مليت العيشة هاذي، صح ما ننكرش خيرو بصح عندو مواقف سلبية قعدت في بالي، مثلا كي زيدت سيزاريان و كنت فدار والديا هو ماكانش، جات يماه و خوه و عاركونا ف الكلينيك كيفاه ندير العملية في البريفي، و مانحكمش لاشين في السبيطار مالغري حكمتها ثلاث سوايع و نص حتى خفت على ولدي لايموت في كرشي، و استأذنت من راجلي قبل ما نروح مع بابا و يمة لكلينيك و العملية نصها رومبوسابل،
و غيرو و غيرو و غيرو، و الله ما دافع عليا بكلمة و ضرك خوه ساكن عند نسيبو ناسي اللي قيم علينا الدنيا كي بيبي دخل لدار جدو لا حشمة لا حياء.
كرهت مالسلبية هاذي تاع راجلي. مانيش حابة نوصل المشكل لدارنا و ما نيش حابة نبقى ساكتة باه ما يتماداش.
من فضلكم تنصحوني.

[المهاجرة لربها]

السلام عليكم و رحمة الله و بركاته

مشكلتك اختي ليست بالمشاكل الزوجية الصعبة و التي لا حل لها مشكلتك باذن الله ستكون بسيطة ان انت بادرت و غيرت بعض الامور سيكون عليك سهلا ان تواصلي حياتك بكل طمأنينة

برايي لا يوجد تفاهم و لا انسجام بين زوجين من دون الحوار و المناقشة و صراحة الطرفين و الثقة المتبادلة ان كنت غير مرتاحة من تصرفات زوجك لما لا تفتحي مجالا في نقاش حميمي مع زوجك كأن على سبيل المثال ان تسأليه عن تصرفاتك التي تزعجه و بالمقابل توجهي له نصائح قد تزعجك انت و توضحي له رايك من افعال لم تقصدي فيها ان تزعجيه و من افعال ان يتجنبها و ان يغير قليلا في معاملته معك و سلوكه

هذا ما ينجم اختي عن السكوت طيلة الوقت و عدم المواجهة او بالاحرى قلة التناقش و المحاورة مع الطرف الاخرانا لا انصحك ان تواصلي بالتفكير انك ملزمة دائما بالصمت كما يقال الصمت يولد الانفجار على حالك هذا سيتفاقم سكوتك الى امر لا يحمد عقباه و انا اتمنى ان لا يحدث هذا ابدا

لذا نصيحتي لك ان تحاوري زوجك بهدوء و تفاهم و ود ان تبيني ما لك و ما عليك
لكل منكما نقاط ايجابية و نقاط سلبية قد تكون انت محقة في امور و قد تكوني مخطئو و هو كذلك لذا اختي يلزم الحوار للتفاهم اكثر
وفقك الله اختي و سدد خطاك اتمنى ان تفهمي ما قلته بقية ايام طيبة

[riheb razane]

معليش ساعفي برك

[amina sel]

ربي يصلح الاحوال .عليك بدعوة في جوف الليل

[paloma.laila]

wah ma3andek maderi sa3fi rah dork yatbaddel

[afrimat]

اختاه ليست لديك مشكلة زوجك عنده بعض من عزة النفس و ما يسمى في علم النفس الاجتماعي حب التملك و بما انك نهرتيه بطريقة لاتروق له غضب و تصرف بحساسية اظن انك لا حظت انه يتصرف با التسامي معك
اختاه لا يهمك في اهله انت زوجته اكررلك انتي زوجته لا تتدخلي فيهم عندك ولدك و زوجك اطيعيه فوتي له كل صغيرة و كبيرة لا تتصرفي بعزة نفس فلو عاندت و تجراءت لكانت النتائج .....
....اتمنى ان اكون افدتك و لو قليلا لانني مريت بويلات في حياتي