حكاية ماساة عقود ماقبل تشغيل

[ميشال كوم]

انا طالب جامعي متحصل على شهادة ليسانس اربع سنوات في تخصص علوم قانونية وادارية بطال توجهت لعمل في قطاع مقاولات تم تعيني في محضر تنصيب مكلف بدراسات في مكان اما في حقيقة فانا اعمل مكلف بالتنفيذ اي مستوى بكالوريا في مكان اخر ليس موجود في محضر تنصيب
فمكان الذي اعمل فيه حظيرة شاحنات قديمة في مكتب قديم جدا اي براكة قصديرة باضافة لانه مكتب غير نظيف وسخ ملئ بالغبار وبقايا سجائر في الارض ودخان شاحنات خردة
ملاحظة سجن انظف من ذالك مكان

فمكان الذي اعمل فيه يبعد 20كلم في منطقة معزولة من 8 صباحا الى 4مساء فلا يوجد محل تجاري فانا اعمل في منطقة بعيدة عن سكان حيث ابعد عن قرية ريفية بحوالي 6 كلم
لوكنت اعمل بعرض كلاسكي لما خدعت لان يتم اطلاعك على مكان عمل ويتم عرض عمل وفق شهادتك هناك من يحمل شهادة عون ادخال معلومات مستوي 1ثانوي ويحمل شهادة 6 اشهر في اعلام الي يعمل في مكتب فيه حاسوب مربوط بشبكة داخلية لمصنع وباضافة لشبكة انترنت فهة يعمل في مصنع مواد صناعية
وسبب تعيني في ذاك مكان لانني ذكر فذكور يتم تعينهم في اعمال شاقة مثل مساعد بناء مونفري .حارس.وهناك حتى موظف يعمل سائق شاحنة لحمل اثقال
اما اناث فيعملون في محاسبة وسكريتا وحتى كاتبة باعلام الي

وفي اخير ابتعدو عن عقود daip الا في حالة شخص تعرفونه مثل مقاول صديق او صاحب محل
وهناك من يعمل بائع لدى صدلية
وفي اخير ماذا نصحوني

[star_dz]

ياخي نظف المكان و اعمل

اما ان لم يتناسب العمل معك فلك الحق بتركه

بالتوفيق

[سالوني]

السلام عليكم

يا أخي الكريم المشكل اللي راك فيه راه معظم الشعب الجزايري يعاني منو متلقاش واحد حكم بلاصة نتاعو قليل اللي تلقاه خدم بشهادتو وأحيانا يندمو عليها. إمالا أخي الكريم أحمد ربي اللي راك عندك خدمة دخل منها مصروفك سيرتو اللي راك مسؤؤول على عايلة. راه كاين ناس ملقاتش خدمة وراهي تعاني وتقول نخدم أي حاجة المهم نصرف ونعيش على عايلتي خاصة ونحنا في زمن التقشف كما يقال. صحيح مهيش ساهلة الواحد جاب طول عمرو وهو يقرا ويكسر راسو وحاط آمال أنو يخدم ويحقق أحلامو. مي الأحلام متتحققش من أول ضربة لازملك تسوفري يا أخينا لأنو مكانش حاجة بالساهل. وزيد أنا مع الأخ اللي قبلي الل قالك نظف المكان اللي راك فيه وريقلوا باه يبان بلي بيرو نظيف ومحترم ولو بإمكانيات بسيطة. يمكن الكلام اللي راني نقول فيه يبان مثالي بعض الشيء مي أخي الكريم هذا هو المشوار ألف ميل يبدا بخطوة. متدري" لعل فيها خير" وعلى فكرة هذي حقيقة أنو ربي خبالك الخير من وراها راه يختبرك باه يشوف أتشكر أم تكفر.
راح نقولك قصة نتاع لعل فيها خير. يمكن تعرفها مي معليش فذكر إن نفعت الذكرى.

"هذا واحد الملك تقص واحد من أصابعو وحزن خلاه وكفاه وعلاه صرالي هكة. قالوا الوزير نتاعو لعل فيها خير. قالوا الملك كفاه فيها خير وصبعي دقص .هههه. قال للجنود حطوه في الحبس. خرج الملك مرة للصيد مع حاشيتو باه يصيدو شوي صيدوهم وحد لعباد من الهنود الحمر آكلي لحوم البشر. يحكمو كل واحد Virifiw فيه اسكو كامل مهوش ناقصاتو حاجة كي وصل عند الملك لقاو أنو صباعو مقصوص طلقوه لحل سبيلو لانهم ميكلوش واحد ناقص. وهنا تفكر كلام الوزير نتاعو "لعل فيها خير" ورجع للمملكة نتاعو ديراكت راح للسجن وحل الباب على الوزير قالوا عندك الحق كون ماش صباعي مقصوصة كنت اليوم راني ميت بصح قولي أنا منعت لهذا السبب من الموت ونتايا كفاه لعل فيها خير ونا حطيتك في الحبس . قالوا الوزير: أنا ظرك فهمت بلي كون محطتنيش في الحبس راني كنت معاك وداوني وكلاوني لاني لباس عليا. شفتي كفاه لعل فيها خير."

نتمنى تكون استمتعتي بالقصة الطريفة فهي مسلية وفيها عبرة لينا لكل. بلاك أخي الكريم تبدا قصة نجاحك من هاذ البرّاكة لقديمة تطلع درجة درجة حتان تولّي مقاول ولا رجل أعمال ووو. أنت أطلق العنان لمخيّلتك كما تشاء
لازم تكون عندك ارادة وقناعة ورضا بالشيء اللي عندك حاليا واعي ربي هو اللي يمد لعبادو اللي يشكروه ويحمدوه

علبالي كثرت عليك مي منحبش روح الإنهزام في شبابنا والملل من أول بداية في مشوار حياتهم.

آخر كلامي نقولك. "ليس المهم أن تفعل ما تحب بل المهم أن حب ما تفعل."

بالتوفيق أخي الكريم.

سلام.

[sat1000]

ألف وثمان مئة وسبعة وسبعون دينار جزائري

[أمير دي زاد]

اذا لم يساعدك الأمر يوجد الحل صديقي حاول تجد مكان أخر و دير تحويل اذا استطعت
الحل الثاني نظف المكان قدر المستطاع صحيح انا عملت في إدارة و في مكتب يتراكم الغبار و يتوسخ كون انا منظفش المكان واحد ما ينظف
ربي يكون في عونك ....... بالتوفيق

[amirgtu]

الى متى نبقى هكذا

[Rachisteur]

الله يفرج عليك
آميــــــــــــــــــــــــــــــــــــــــن