طاولات القسم مساحات للتعبير الحر عن المكبوتات

SANAA2007 · 2007-09-24, 14:21

السلام عليكم
طاولات القسم مساحات للتعبير الحر عن المكبوتات

عندما يكون الدخول المدرسي الجديد يتغير التلميد والطالب من قسم الى قسم اخر ويختار كل واحد طاولته المناسبة
طبعا اصحاب الطوايش باينين يتنا فسون عن الريادة في الخلف دائما

لكن ما يلفت الانتباه هو اثار تدل على ان هناك اناس مرو ا منهنا وتركوا بصماتهم على الطاولات الخشبية
ليست باثار التاسيلى ولا اثار الرمانيين
بل انها اثار جديدة العهد القريب لطلبة فنانين وكتاب وشعراء ومغرمين ورسامين وحتى النازيون الجدد بل حتى محبى الوطن والعلم الجزائري
كل يعبر حسب طريقته ولا يتركون المجال لمن بعدهم للتعبيررمما يضطرهم الى تقشير الطاولة بكامل اثارها وانشاء صفحة جديدة لفضاء جديد من التعبير الحر
وهناك حتى كتابات لدروس لم يستوعبها مخ التلميد -الكسول والنقال - او الطالب وضعت لعله يحتاجها يوماما في اى امتحان من الامتحانات المصيرية .

ادن
لمادا يلجؤ الكل الى الطاولة للتعبير عن ما بداخلهم
الا يوجد مدكرات لكتابة السير الداتية
هل الجزائريون فنانون ورسامون محترفون ولكن الضروف ادخلتهم الى المدارس

تحياتي

SANAA2007 · 2007-09-30, 12:07

وين راكم يا الطوايشيين

SANAA2007 · 2007-09-30, 12:11

راني وحدي ولا شولا هدا

SANAA2007 · 2007-09-30, 12:14

انا لما ينعسنا الاستاد نسلاو على الطاولة

مهدي الجزائري · 2007-10-24, 12:13

انا نجاوبك طابلة تاعي تاع ليسي كنت كل عام نحوس عليها ونجيبها بصح فيها ذكريات جبيها من الشعر تاع الجاهلية حتى النازية وزيدي mco .فكرتيني بيامات زمان

SANAA2007 · 2007-10-24, 17:11

مشكور مهدي وقيلا غير انا وانت لي نكتبو في الطاولات

مهدي الجزائري · 2007-10-24, 20:56

انا ما خليت والو قاع طوابل تاع ليسي كتبت فيهم وبيرووات كنت نكتب فيهم المعاير لشيوخة ربي يسمحنا برك عقل الصغر

SANAA2007 · 2007-10-26, 15:42

ايه والله وانا دوكا مكانش طاولة مش كاتبا فيها اسمي سناء كامل ليكول يعرفني معا كاين سناء وحدا في ليكول لي نقرا فيه وانا حتى الحيطان متركتهمش
تعرف العام لي فات غير شويا ويديرو فيا غابوغ على هدي الخدمة العوجة ههههههههههههههههههههههههههه