اسمحولي كان لازم نعرف الى عجبتكم ولا لا ذكة كي عجبتكم تفضلو الوصفة
البطاطة
تجيبي ثلاث حبات بطاطة تغسليهم وتطبخيهم في الماء حتي يطيبو مليح قشريهم وارفسيهم عادي وزيدي صفار بيضة وملح وفلفل وكمشة فرماج مرابي اي نوع وفرشي في صينية مصطحة نيلو اليمونتاغ وحطي نصف خليط البطاطة بعد لي تكوني رشيتي النيلو بلفرينة طبعا باش ما تلصقش وديري شوي فرينة في يدك وملسي سطح البطاطة لازم يكون متساوي
نجي الان للفرماج باكي فرماج روج رابيها فوق البطاطة بشكل متساوي وزيدي طبقة الثانية من البطاطة فوق الفرماج وذري فوقها شوي فرينة وزيدي طبقة اخري من النيلو وارفعيها كيما هي الى المجمد كونجيلاتور وهنا السر لازم تكون قاسية تماما يعني انا خليتها ساعة
الصوص
تجيبي 2علب فقاع شونبينيو وتقطعيه طوليا رقيق وترابي حبة بصل ما ديريش ثوم علا خاطرش رانا رايحين نحمصو الفقاع وهنا الثوم راح يتحرق
نحطهم مع بعض ونزيد 2 مغارف زبدة ونغطي ومرة علي مرة نجي نحرك باش ما تلصقش وتكون النار ناقصة وكي تحسها نشفت زيدي نصف فنجال ماء حتي طيب وهنا البنة انتاع الفقاع ما تروحش في الماء الكثير تجي بنينة بزاف
كيفية التحضير
نرجعو للبطاطة نقطعها كيما نحبو انا قطعتها طويل وساعات نقطعها بمول انتاع القاطو يعني ازهار ولا ورود ولا فراشة انتي وذوقك
ونقليهم في زيت سخون علي الوجهين ونحطهم في البلا ونسقي بالصوص انتاعنا بلصحة والهنا
ملاحظة
لازم البطاطة كي تنحيها تكون جامدة شوي باش ما تنحلش في المقلا
جربوها وادعولي
( تقرير عن مشاركة سيئة )، و الموجودة أسفل كل مشاركة .
2013-06-01, 20:32
حمري وجهك قدام ضيافك
العرض المتطور
