فاطمة تسال عليك

[فاطمة شلف]

هذه الكلمات كتبتها في خاطر اخونا زفزافي الحاج عندو مدة غايب علينا
خويا الحاج راني نسال عليك
عيدك مبروك والعائلة ومافيها
الجماعة ناقصة بلا بيك
ماقلت نعيد لاختي ونهنيها
ماكلفت خاطرك واش لي بيك
ماقلت هذا عيد وبكلمة راضيها
مال خيي غيضان ولا حاجة بيك
من الحروف نسقي ماني راويها
اذا بيك الجاه نجيبوا وانجيك
بالحفى ماشية شلف وماليها
مول النشاط والحركة فيك
صاحب النيف والكلمة فيها
زينين الجماعة راهم يسالوا عليك
البدار ومحمد ومحمد قايدها
بالدمعة راني نبكي عليك
نسقي فالورق بالحبر مابان حروفها
ياوخيي طال غيابك واش لي بيك
حتى فاطمة تنوات والكلام ماعد يجيها
نتمنى رسالتي توصل ليك
وبحضورك تشرف عليها
اسمحلنا اذا غلطنا فيك
نعرفك بقلبك الكبير وبكلمة داويها
اذا ماجيت وماكلفك خاطرك
نحرق اوراقي اذا ماكنت انت فيها

هاكذا نختم الكلام بالصلاة والسلام على نبينا محمد عليه السلام

بقلم فاطمة شلف

[بوبكر بن علي]

حتى الرد لاحد رد عليك
وقال ذي الولية انا نواسيها
يافاطمة العلم راه عند المليك
ذي القلوب وحدو عالم مافيها
سوالك فالجنة ربي يجازيك
هداتك مايتعدو لو قداه نحصيها
لو غرضي نطير لك ونجيك
هموم قلبي ثم عندك نعريها
لاقلب دون قلبك دخلو التكتيك
سوال عن غيبتي محبة ناويها
سيلتي دمعة فارت من عينيك
وانا بالكف راني متلافيها
ثوب المحبة ياختي بالقد يجيك
قشوة خير تطبع اماليها
الله يرزقك الطيب ويهنيك
ولي في قلبك ربي يقضيها
سلامي ياختي والف شكر ليك
ودونك ذي الناس حق نباريها
تحياتي يافاضلة

[فاطمة شلف]

السلام عليكم ورحمة الله وبركاته
الله اكبر الله اكبر الله اكبر
ربي يحفظك ويبارك فيك
والله انا تنويت راني دايرتك اخ وربي شاهد
مايعلم فالقلوب غير الله
قررت لن اكتب الا بدخولك الى المنتدى
مشكور اخويا بوبكر
قالي وليدي صهيب
لا تتحيري ياميمتي لاتتنواي
نبحث على العنوان ونشرب انا وخالي شاي
الحمد لله دخول موفق ان شاء الله

[بوبكر بن علي]

المشاركة الأصلية كتبت بواسطة فاطمة شلف

السلام عليكم ورحمة الله وبركاته
الله اكبر الله اكبر الله اكبر
ربي يحفظك ويبارك فيك
والله انا تنويت راني دايرتك اخ وربي شاهد
مايعلم فالقلوب غير الله
قررت لن اكتب الا بدخولك الى المنتدى
مشكور اخويا بوبكر
قالي وليدي صهيب
لا تتحيري ياميمتي لاتتنواي
نبحث على العنوان ونشرب انا وخالي شاي
الحمد لله دخول موفق ان شاء الله

راني عارف صهيب بن اخـــــتي /// ماينسى ديما سوال عن خالــو
ولد البية عمــــــرو مايعتـــــــــي /// طايع اميمتو ربي يزين حالـــو
ويقولك اصبري لاتحيري ياميمتي /// غدوة ننده لبـــــرو نصفالــــو
من كلامك قلبي راه يكنـــــــــتي /// ودموع بغزارة عنجالي سالــــو
ماني ناسي مانعادي اختـــــــــي /// بوبكر ديما هادفة عن بالـــــــو
صهيب جاي في طرف كبدتـــي /// وعزيز مرسوم فالخاطر خيالو
حفظك ياخالقي تلاقى دعـــوتي /// هو واميمتو مـن خيراتك ينالـــو
تحياتي لك يا اختي الغالية وللابن البار صهيب حفظكما الله ورعاكما...شكرا جزيلا لكما
دمتما لي اخت وابن انشاءالله...مودتي

[فاطمة شلف]

شكرا اخي شكرا كلامك فرحني الله يخليك
بتوفيق ان شاء الله

[بوبكر بن علي]

المشاركة الأصلية كتبت بواسطة فاطمة شلف

شكرا اخي شكرا كلامك فرحني الله يخليك
بتوفيق ان شاء الله

العفو شقيقتي الغالية فاطمة....الله يفرحك طول ماحييت
ربي يوفقنا ان شاءالله فيما نقصد ...تحياتي للعزيز صهيب

[فاطمة شلف]

اعزك الله على قلوبنا دمت لنا اخ
بارك الله فيك
نسال الله ان يوفقنا الى مافيه الخير والرشاد
سلام

[بوبكر بن علي]

المشاركة الأصلية كتبت بواسطة فاطمة شلف

اعزك الله على قلوبنا دمت لنا اخ
بارك الله فيك
نسال الله ان يوفقنا الى مافيه الخير والرشاد
سلام

اللهم امين اجمعين
وفيك بركة اختي فاطمة
مودتي

[فاطمة شلف]

نهار العيد صبحت نبكي بالدموع
تجري كيف الواد على خدي
لاخو لاصديق لا والي لا حبيب
خويا بوبكر لمن نشكي لمن نحكي
الحمد لله لي رانا بخاوتنا من البطن ومن الوطن ونعمة اللاخوة مازالت الدنيا بخير مادام فيها ناس كما اخي بوبكر الطيب طيب الله ايامه
اللهم امين

[بوبكر بن علي]

المشاركة الأصلية كتبت بواسطة فاطمة شلف

نهار العيد صبحت نبكي بالدموع
تجري كيف الواد على خدي
لاخو لاصديق لا والي لا حبيب
خويا بوبكر لمن نشكي لمن نحكي
الحمد لله لي رانا بخاوتنا من البطن ومن الوطن ونعمة اللاخوة مازالت الدنيا بخير مادام فيها ناس كما اخي بوبكر الطيب طيب الله ايامه
اللهم امين

نحن هنا لنقتسم الهموم اختي فاطمة
ان شاءالله لا دموع بعد اليوم الا دموع الفرح
تحياتي شاعرتنا

[فاطمة شلف]

شكرا لك اخي بوبكر ربي يجازيك ويحسن اليك
اسمحو لنا ان اخطائنا معكم او قللنا من احترامكم
دايم ربي مول الحق وحنا قاع راحلين

[بوبكر بن علي]

المشاركة الأصلية كتبت بواسطة فاطمة شلف

شكرا لك اخي بوبكر ربي يجازيك ويحسن اليك
اسمحو لنا ان اخطائنا معكم او قللنا من احترامكم
دايم ربي مول الحق وحنا قاع راحلين

العفو اختي فاطمة
انت ديما مسامحة شاعرتنا....انسانة محترمة وتحترم الغير....ومن قال غير ذلك
اعرف مابك وما سبب اضطرابك....تعودت عليك رزينة وابقاي هاك
دمت اختا لنا ونعم الخصال انت
تحياتنا يافاضلة

[فاطمة شلف]

شكرا يااخي بوبكر ياشارب العقل
بارك الله فيك

[بوبكر بن علي]

المشاركة الأصلية كتبت بواسطة فاطمة شلف

شكرا يااخي بوبكر ياشارب العقل
بارك الله فيك

العفو اختي فاطمة
فيك بركة سيدتي