الكذب يمشيلو في الدم

[randa3]

الكذب يمشيلو في الدم

"الكذب يمشيلو في الدم" هي عبارة لطالما تكررت على ألسنتنا عن أناس قد أصبحوا لا يتوانون عن الكذب حتى وهم ليسوا مضطرين لذلك.

تجده(ها) يكذب في كل شيء لا يمكنه (ها) أن يكون صادقا في كل ما يقول.

أحيانا قد تكون تعرف بأنه يكذب عليك لكنك لا تستطيع أو بالأحرى تخجل من أن تواجهه أو تحرجه بالحقيقة.

يوجد البعض من هؤلاء الناس في حياتنا قد يكون (أخ. زوج. صديق. جار. زميل في العمل. قريب......)

هل سبق وأن تعرضت لموقف مع شخص كهذا؟

وما كان رد فعلك أمام كذبه غير المبرر؟

تحيـــــــــــاتي لكم

[كنزة88]

ههههه فكرتيني في بعض الناس الموجودين في حياتي وفي حياة اي واحد فيكم . صدقوني يكذبو باش يكذبو و خلاص يعني يحكيولك حكاية متهمكش وزيد مش مضطر يكذب فيها ويقعد يكذب فيها وزيد تافهة وحنا علابالنا بلي يكذبو ونديرو رواحنا مصدقين ونمشيولهم فالخط ناس مريضة الله يهديهم يحكيولك حرف صح والباقي كذب في كذب .

[طيور الجنان]

هاذو الناس كاين منهم بزاااااف نساءا و رجالا حياتهم كامل كذب و الادهى والامر انهم حاطين في بالهم بللي الناس مصدقينهم لكن راهم في الحقيقة مضحكة ربي يهديهم .

[mrmilano1984]

هههه كامال كدابين اصلا هدرتهم اليومية كدب في كدب خصوصا واحد الفئة لي حاسبة روحها طبقة مثقفة غر الكدب والفستي والخرطي والبلوف والتنوفيق وهو واش يقولو كامل كدب والحقيقة مايعطيهالكش كامل ومايحب واحد يكلخلو وهو يكلخ ويكدب دائما باش يقضي صوالحو فقط مجتمعنا كدابر من الدرجة الاولي شوف فقط المناصب العليا دائما الكدب والحقيقة ماتديهاش من فمهم ويحوسو الا مصالحهم الشخصية لدا تجد كل واحد جابد روحو علي الاخر لانو كلنا نحقظ عقلية الاخر وتفكيره

[randa3]

المشاركة الأصلية كتبت بواسطة كنزة88

ههههه فكرتيني في بعض الناس الموجودين في حياتي وفي حياة اي واحد فيكم . صدقوني يكذبو باش يكذبو و خلاص يعني يحكيولك حكاية متهمكش وزيد مش مضطر يكذب فيها ويقعد يكذب فيها وزيد تافهة وحنا علابالنا بلي يكذبو ونديرو رواحنا مصدقين ونمشيولهم فالخط ناس مريضة الله يهديهم يحكيولك حرف صح والباقي كذب في كذب .

عندك الحق كنزة
وهذا الشي الي خلاني نكتب هذا الموضوع . الادهى والامر انو مانقدروش نكذبوهم من خجلنا منهم
تقبلي تحياتي الاخت كنزة

[randa3]

المشاركة الأصلية كتبت بواسطة طيور الجنان

هاذو الناس كاين منهم بزاااااف نساءا و رجالا حياتهم كامل كذب و الادهى والامر انهم حاطين في بالهم بللي الناس مصدقينهم لكن راهم في الحقيقة مضحكة ربي يهديهم .

حقيقة ربي يهديهم
كاين الي والف يكذب مايقدرش يقول الصح وكاين الي هوايته يألف قصص عن نفسه او عن غيره من الخيال لمجرد انه حاب يكون مصدر اهتمام من الجميع
جزاكي الله خيرا اخت طيور الجنان

[متهور]

الكذب مشكلة كبيرة خصوصا لمن كان يكذب على الناس ليحسن صورته على حساب الاخرين في عوض أن يصلح نفسه ولكن ترى هل يأتي يوما يفضح فيه ذلك النوع من الناس؟ العقل يقبل هذا التوقع.

[فاصلة]

للأسف ظاهرة في مجتمعنا موجودة وبكثرة الله يهديهم. لكن هل هناك اسباب نفسية وراء هذا السلوك أم هو نقص الوازع الديني.

[Mostafa Archi]

تعرف بأنه يكذب عليك لكنك لا تستطيع أو بالأحرى تخجل من أن تواجهه أو تحرجه بالحقيقة.

[ثلجَة]

صدق أو لا أن أناس هذا الزمن أصبحوا يكذبون بكل صدق

[فاطمة شلف]

السلام عليكم ورحمة الله وبركاته
المعضم لا تجدهم يقلون الصدق بل يكذبون دون خجل رجال ونساء
والله ماراينا الا العجب
موضوع رائع اختي الكريم
بارك الله فيك

[mrmilano1984]

اصلا الناس تكدب ماراحش اصلا تاخد الصح منو كلامهم كلو كدب مايعطيكش حقيقتو يعني كدب دوما مبرمج في عقولهم ونفوسهم

[thorpe]

بخصوص الكذب راه ولا كيما الملح فالطعام
او ما بقاش المشكل فالعباد يكذبو على لعباد
راني شفت والله لي بالاولاد كثر من 50 سنة يكذب على رب العالمين ويعجن فالدين كيما يحب كل يوم بزي باه يخرجو على مقاسو
لحق لواحد وين يكذب على رب العالمين باه يمشي امور تافهة ما بقاتش في كذبة كيما المعروف

[randa3]

المشاركة الأصلية كتبت بواسطة متهور

الكذب مشكلة كبيرة خصوصا لمن كان يكذب على الناس ليحسن صورته على حساب الاخرين في عوض أن يصلح نفسه ولكن ترى هل يأتي يوما يفضح فيه ذلك النوع من الناس؟ العقل يقبل هذا التوقع.

يوجد الكثير من هذا النوع في زماننا ( ورأيتهم بكثرة في مجال العمل يلفق أكذوبات على زميله لكي يظفر هو بصورة الموظف الملتزم..... وغيرها)

بالتأكيد راه يجي النهار ويبان الحق ربي يمهل ولا يهمل

أشكر تفاعلك أخ متهور

[randa3]

المشاركة الأصلية كتبت بواسطة فاصلة

للأسف ظاهرة في مجتمعنا موجودة وبكثرة الله يهديهم. لكن هل هناك اسباب نفسية وراء هذا السلوك أم هو نقص الوازع الديني.

أمين يارب العالمين بالتأكيد الأسباب متعددة والهدف واحد هو الكذب لمجرد الكذب

ربي يهدي الجميع

جزاكي الله خيرا أخت فاصلة