تارت الشوكولا الرائعة لعيد ميلاد أمي

walido2011 · 2017-12-18, 23:27

السلام عليكم
بمناسبة عيد ميلاد أمي جبتلكم وصفة تارت الشوكولا الرائعة و البنينة و السهلة يعني لي يحب يفرح يماه بتارت فعيد الميلاد نضمنلكم أنها هاد الوصفة راه تعجبها بزااااف ة نتمنى تعجبكم انشالله .

أما الوصفة المكتوبة فنبدأ بالمقادير:
5 بيضات
كأس و نصف سكر
قرصة ملح
كأس غيرربع زيت
كأس حليب
ملعقة صغيرة خل
ملعقة صغيرة بيكربونات
كيس خميرة كيميائية
نص كأس كاكاو
2 كيسان و نص فرينة
ملعقة صغيرة فاني

الشاربات:
كأس سكر
2 كيسان ماء
ملعقة كبيرة شوكولا غبرة (اختياري)

غلاصاج الشكولا:
2 طبلات شيكولا
4 علب كريم ديسير شكولا

الطريقة :
ننخل الفرينة مع الكاكاو مع الخميرة و البيكربونات، نحط البيض السكر و قرصة ملح والفاني في الخلاط ونديرو على السرعة العالية و نخليه حتي يطلع و يبياض مليح، من بعد نضيف الزيت و بعدها الحليب و في الأخير نضيف خليط الفرينة و الكاكاو و الخميرة و البيكربونات و نخلط بملعقة، نحطها في مول مدهون مليح و مرشوش بالفرينة، و ندخلها تطيب على درجة 180، لمدة 35 حتى 40 دقيقة كل واحد و الفرن تاعو، المهم نتوما دخلو موس و شوفوها إدا طابت.
نحضر الشاربات بوضع كل المقادير على و نخليها غير تبدا تغلي نطفي عليها.
نخلي الحلوة تبرد مليح، نقطعها الى ثلاث قطع نسقيها بالشاربات سخونة، نذوب الشيكولا و نضيفلها 2 دانيت الشيكولا و نخلط مليح حتى تولي ليس و نطلي كامل الطبقات ونزيد نغطي كامل الحلوة، و في الأخير كل نزين الحواف بفارميسال الشوكولا و كل واحد وش يحب ممكن ديرو لوز أو كاوكاو محمص و مرحي، و نشالله تعجبكم الوصفة و تكتبولي تعليقات مليحة باش نزيدلكم وصفات أخرى

سميرة1 · 2017-12-20, 13:43

رب يجازيك ، جات في وقتها
كنت وعدت ولدي بحفلة نهاية الفصل الدراسي الأول
و كنت حايرة واش نصنع لاني كرهت من جينواز و كريمة الزبدة
نجربها بإذن الله

walido2011 · 2017-12-22, 16:05

اقتباس:

المشاركة الأصلية كتبت بواسطة سميرة1

رب يجازيك ، جات في وقتها
كنت وعدت ولدي بحفلة نهاية الفصل الدراسي الأول
و كنت حايرة واش نصنع لاني كرهت من جينواز و كريمة الزبدة
نجربها بإذن الله

الله يسلمك أختي انشالله تجربيها و تعجبك

walido2011 · 2017-12-22, 16:08

للعلم فقط وضعت رابط فيديو الوصفة عملتها على يوتوب و تم حذفه من طرف المشرفين ربما تم منع وضع الروابط مع أنه وضعت وصفة السنة الماضية و فيها رابط الفيديو و لم يتم حذفه

azertyguid · 2018-01-24, 17:02

ممم خرجتلك تحفة

deutsch.dz · 2018-01-30, 10:23

هايلة يعطيك الصحة