طلب مساعدة

قمر مرام · 2016-10-27, 21:47

السلام عليكم انا جديدة في الميدان ندرس السنة الثانية و عندي معيدين مشي داركين الحروف و ما يقروش و بعض التلاميذ الاخرين تقال في القراءة و مايعرفوش يجاوبو او يكتبو كلمات او جمل من عندهم و بالنسبة للصيغ و التراكيب كي ندير الدرس يفهمو و يعطوني امثلة شفوية صحيحة بصح كي نجي نديرلهم التمرين في دفتر الانشطة يبهدلوه و معظمهم يجاوب غلط الا الممتازين و لاحظت بلي كي نسالهم يجاوبوني صحيح بصح كي يكتبها في الدفتر يخليها كيما راهي مكتوبة من قبل يعني يجاوب غلط مفهمش كيفاش ندير معاهم و عندي هذا العام ترسام و راني خايفة نصحوني كيفاش نتعامل معاهم باش يدربو على الكتابة بانفسهم وشكرا

maramelmess · 2016-10-27, 23:05

المشكل ان البرنامج محشو و لا يمكن للتلاميذ استيعابه

دربيهم على كتابة كلمات منفردة

و ترتيب الجمل المشوشة

و اطلبي منهم اعادة كتابة نص القراءة في البيت

و شجعهم ببطاقات الاستحسان مثلا

و ربي يوفقك نتي دايما ركزي على الاهم الكتابة و القراءة و الرياضيات و الباقي سهل

sararawa · 2016-10-28, 11:47

سلام عليكم ورحمه الله وبركاته بارك الله فيك