مشكل في العمل و استدعاء من الشرطة

[مشكلتي]

سلام عليكم مشكلتنا تتمثل في ان شخص من مؤسستنا طلب من احد الزملاء امضاءتنا من اجل اعادة انتخاب اللجنة الخدمات الاجتماعية وقد قمنا بالامضاء لكن اتضح لنا انا دالك الشخص لم يوقع بل قدم امضاءتنا مع مقال يتهم أعضاء اللجنة بالسرقة دون علمنا والان المتضررين قدمو شكوى لشرطة ضدنا وتهمونا بالتشهير والان يتم التحقيق معنا ثم يتم تقديم الملف للعدالة فالزميلنا طلب منا عدم ذكر اسمه ولا يريد ذكر الشخص االدي قدم الورقة ونحن خاءفون هل نذهب لتحقيق ام لا وهل تأثر في صحيفة السوابق العدلية 1و2و3 وماهو حل المشكل وماهي وضعيتنا القانونية. الجميع خائف

[مراد سابقا]

لا يعذر الجاهل بجهل القانون

ولي يمشي بالنية والغباء يسلك هذه هي الحياة

اتثلوا بكاش محامي يفهموكم مليح

[ساجده 82]

مع اني مافهمتش المشكله مبهمه شويه ولكن أقول
لايعذر الجاهل بجهله .وكيما يقولوها ما تديري يايدي ماتخاف اقلبي
استغفرو وربك يفرجها.

[خالد عنابي2]

شوف اسيدي

دار فينقة وزيد حاب يجبد روحو وميتذكرش ؟؟؟؟

لازم تروحو للتحقيق طواعية ولازم تحكيو الحكاية بحذافيرها

والا راح تبات فيكم

القانون لا يحمي المغفلين المرة القادمة لا تمضو على بياض

[دنيا الامل 18]

قولوا الحقيقة كيما صرات

[حاملة المصحف]

القانون لا يحمي

[rose de sable s]

قل حقيقة
انت في اول ساعدتهم ونصب لك فخ كان اولي ان تعرف لما امضيت يعني الا تمقي علي ورقة بيضاء
وتريد ان تعيد نفس خطا بعدم دكرك للاشخاص ادن ما تريد ان تقول امضيت فقط سيسولوك لمادا امضيت علي ورقة
متزيدش تثق باي شحص ممكن راهم متفهمين عليك حبين يورطوك اطلب من زميلك ان يدكر اسم شحص لانكما عندكا تكونان اثنين احسن من ان تكون واحد

[ايمان نور الجزائر]

الحقيقة هي لي تسلك
زميلكم لي بدا بالخدع لازم يتحمل مسؤولياتو كاملة
ولازم تتفاهمو وتحكو الحقيقة ماشي غير باش تبرؤا ارواحكم
ولكن باش تصفو نيتكم قدام ربي
ومرة اخرى انتبهو

[mrmilano1984]

الله يهدي ماخلق ناس تلعب الخدع وعندها الفهامة الزايدة زعمة ويزيد يقلكم امضيو وطبعا هدا دئب بشري حاسب روحو فاهم بالزيادة فهامة زايدة طبعا