دفترالتوفير

[maiar]

السلام عليكم و رحمة الله و بركاته

ساعدوني بالاوراق اللازمة باه نفتح كارني لبنتي ووين نروح للابوسط و الا للبانكا او تع التوفير و الاحتياط

[softech]

يا بنت الناس اخطيك من صندوق التوفير و الاحتياط هذا راه صندوق ربوي ..
اعلاش تخبي لبنتك مال حرام لا بركة فيه و تاتي من وراءه الا المصائب.
اشتري لها ذهب او حاولي ان تدخيليهم في تجارة يكون ربحها حلال و مبارك.

[أم معاذ أم معاذ]

المشاركة الأصلية كتبت بواسطة softech

يا بنت الناس اخطيك من صندوق التوفير و الاحتياط هذا راه صندوق ربوي ..
اعلاش تخبي لبنتك مال حرام لا بركة فيه و تاتي من وراءه الا المصائب.
اشتري لها ذهب او حاولي ان تدخيليهم في تجارة يكون ربحها حلال و مبارك.

أنا مع الأخ أختي ميار

أنت في غنى عن المال الربوي اشريلها بيهم حاجة ذهب تقعدلها كي تكبر و الذهب راهو كل يوم يزيد

[أم ياسين69]

التوفير ماهوشربوي : اعمل لدنياك كأنك تعيش ابدا و اعمل لدينك كأنك تموت غدا. كل البنوك تقدم دفاترالتوفير بدون فائدة. يعني تخبي دراهمك في الحفظ و الصون. كيما يقولو. الان ادا كانت البنت mineur يلزم التصريح الابوي او الموكل القانوني عن البنت لانه سيكون لديه حق التصرف في الحساب المفتوح اما ادا كانت راشدة فقط صورة عن بطاقة التعريف و شهادة الاقامة. بعض البنوك تطلب شهادة الميلاد.

[maria-miss]

بالتوفيق لك

[maiar]

شكرا ليكم على الرد علبالي بلي فيها ربا بصح انا في نيتي نخبي برك صوارد و كي نجبد نجبد لي حطيت برك لي زايد مانديهش
ربي يبعد علينا اي حاجة حرام وينها نجيبها لبنتي بيدي حت فكرة الذهب جات في بالي نخمم و نشوف

[mrmilano1984]

من قال لكي انه بدون فائدة اي ربا غالطة اختي تحطي مالك وعندك نسبة كل عام تديها مثلا انا حاط في بنك خارجي حاط وفاتح دفتر توفير اوك وطبعا واحد النهار الموضف قال لي عندك نسبة كدا طبعا قتلو مانديهاش رغم انها جد بسيطة صدقوني يعني كلواحد ونيتو الا نيتها تخبي مش مشكل النية هي الصح

[أم ياسين69]

صحيح هدا كان من قبل. Bdl دخلت هدا التوفير بدون فائدة فقط مند شهر جوان الفارط. و للمواطنين حق الاختيار انا فتحت دفاتر لاولادي بدون فوائد. و لعلمك سالوني قبل دلك اي نوع اريد. و هو حساب التوفير بدون فائدة.اما cnep banque فزميلاتي هن من قلن لي عن القانون الجديد في التوفير لديهم و بطبيعة الحال طبقوه مند شهر ماي على ما اضن. باقي البنوك لا ادري. اما عن الربا نحاول الابتعاد عنه بكل الوسائل و الحمد لله. اما التوفير من اجل التوفير لايام الشدة و لوقت الحاجة ليس بحرام. ارجو اني افدت.

[ahmed5555]

المشاركة الأصلية كتبت بواسطة mrmilano1984

من قال لكي انه بدون فائدة اي ربا غالطة اختي تحطي مالك وعندك نسبة كل عام تديها مثلا انا حاط في بنك خارجي حاط وفاتح دفتر توفير اوك وطبعا واحد النهار الموضف قال لي عندك نسبة كدا طبعا قتلو مانديهاش رغم انها جد بسيطة صدقوني يعني كلواحد ونيتو الا نيتها تخبي مش مشكل النية هي الصح

لا يا اخي كاين بنك cnep عنده حساب التوفير بدوف فائدة وما يقطعولكش اي مبلغ يعني كيما تحط كيما تجبد ما ينقص مايزيد هذا العرض ان سجلت فيه اسمه عرض راسمالي تسلك 5000 دج حق فتح الحساب وثمن البطاقة ويعطوك بطاقة مغناطسية بدل الكارني القديم بطاقة حديثة ومتطورة تسهل العمليات الحسابية ......
لازم قبل ماتتكلم تسقسي اولا باه متغلطش الناس....

[سطايفية بكل فخر]

المشاركة الأصلية كتبت بواسطة ahmed5555

لا يا اخي كاين بنك cnep عنده حساب التوفير بدوف فائدة وما يقطعولكش اي مبلغ يعني كيما تحط كيما تجبد ما ينقص مايزيد هذا العرض ان سجلت فيه اسمه عرض راسمالي تسلك 5000 دج حق فتح الحساب وثمن البطاقة ويعطوك بطاقة مغناطسية بدل الكارني القديم بطاقة حديثة ومتطورة تسهل العمليات الحسابية ......
لازم قبل ماتتكلم تسقسي اولا باه متغلطش الناس....

ولي كان تابع للنظام القديم يقدر يتحول للجديد بلا فوائد او لا
يعني يرجع توفير راسمالي

[أم ياسين69]

أكيد تقدر تغلق الحساب القديم و تحولو للبديل او الراسمالي.

[maiar]

والله زدتو حيرتوني وين نروح زيدو فهموني

[ahmed5555]

المشاركة الأصلية كتبت بواسطة maiar

والله زدتو حيرتوني وين نروح زيدو فهموني

روحي لبنك كناب وقوليلهم نفتح حساب توفير راسمالي

[skynetwork2010]

اذهبي الى cnep واسئلي على حساب اسمه

"رأس مالي" بدون فوائد

[الواثقْ بالله]

افتحي دفتر توفير باحد مكاتب البريد

و لكن اخبريهم امك تريدين فتح الدفتر دون فوائد

هوما مدابيهم تفتحي جساب بدون فوائد

وهك المبلغ لي تحطيه تلقايه هو هو بدون فوائد