وليت انا هي الغالطة ؟؟؟ سبحان الله

[مشكلتي]

السلام
راو سعات ندير الخير ونندم ..
كنت عند اختي كي غير ما ولدت وزوجها يخدم رحت نعاونها ونوقف معاها خاصة
ان والدتي وخواتي راحو لي جنازة خارج الولاية ونساب اختي من ولاية اخرى ,,
يعني عيب هي وحدها وهي طريحة الفراش ا مكانش انثى معاها رحت نوقف معاها
المهم
رحت كاش مانشري ليها -وبنتها الاولى جاعت - كاش مقويات ,, ولا ياغوورت ,,الخ
رحت شريت من عند حانوت ... كي رجعت لقيت المواد الغذائية لي شريتها ميتة ( تاريخ انتهاء الصلاحية في جويلية 2016 ؟؟؟؟؟؟؟؟ )
مانحبش نكون هايشة يكلحوني الناس .. رجعت للبائع قتلو تبيعلي في البريمي ... قتلو مالا بدلي هاذي المواد باخرى مازالت جديدة
قالي لا ,,,.. صايي شريت ومانرجعش ...
وزاد قال ( ماعجبكش الحال ماتبكيش)
هو كي قالي الجملة هاذي ,, قتلو عندك الحق
خرجت ببساطة رحت لمديرية التجارة - حماية المستهلك -...
لقيت الطفلة تاع الاستقبال وريت ليها المواد الغذائية ( ياغوورت ميتة ...عصير فيها تخثر لا واش ... ؟؟)
تشوكت قتلي من عند شكون شريتيهم قلت ليها تبعيني ... جت هي معاه زوج رجالة ...
راحو لنفس البائع
لقو الياغوورت ميتة ,, العصير ميت .,, الفورماج روج طروف زرقاء ... ماينونيز ريحتو كي شغل جيفة ,,,,
قالوا هذا سوء استخدام التخزين,,وجابو كدادنا وقفلولوا الحانوت ... وقالولي بارك الله فيك لانك نبهتينا ,, ولقيت فم ام تاع تلميدة في الابتدائي ( هذا الحانوت قريب من الابتدائية ) قاتلي يرحم والديك راو ديما وليدها يشري من هناك ... وديما عنوا القي والتسمم الغذائي ماعرفتش منين ... ( وهو راهو يشري في البريمي )

المهم
كي قفلولو الحانوت جاء ... قالي ماشو حرام قفلت عليا رزقي ,,, قتلو
( ماعجبكش الحال ماتبكيش )
وروحت الى المنزل

بعد اسبوع كي جو دارنا ووالدي وسمعوا بالحكاية دارو عليا ,,,,,,,,,, حتى اختي طريحة الفراش( اللي انا خفت عليها كاش ماياثر عليها البريمي )
قالو كيفاه تقفل الحانوت للراجل ,, وعيب عليك ,, راهو جارنا ...وجو خوات البائع ,,, وتحلفو فيا ... قالولي عندوا ولاد صغار وزوجة باش تجي انتي تقفلي في الحانوت ,, والكارثة حتى عائلتي ضدي ...

شكون الغالط ,,, انا ولا هو ....
راو يبيع في البريمي وحوايج ميتة للشعب وخاصة لاطفال الابتدائي
يعني نشوف العوج ونسكت ,,,

لكم التعليق
وتحياتي

[ritel dz]

يعطيك الصحة وهو ماخافش يقتل ولاد الناس كون جات الناس كامل كيما نتي كون هاذ التجار راهم يخافو ربي

[جنى الجنتين]

السلام عليكم تحية كبيرة اختي الكريمة ولو كنت مكانك لفعلت تفس الشيء العرب تاوعنا يستنو حتى يموت الانسان باش يديرو تحقيق عن التسمم قمة الغباء وخاصة حال قدام

المدرسة يا يما راكي سلكتي شحال من روح الله يعطيك الصحة واذا بيك على الاهل ما ديريش عليهم هاذا البائع قليل فيه غلق المحل يستاهل السجن قاعد يرهج في عباد الله

الله يجعل ربي يخلص وانت ربي يجازيك على قد نيتك

[سهام1]

لالا مراكيش غالطا حاب يقتل ولاد ناس مايخافش من ربي

[نورسين.داية]

ههههه. ......نورمال عندك الحق شخصيا لي خبرة في هدا المجال اذا حبيتي حتى نوريلك الطعون و التظلمات كيف تكتبينها
ارشيفي فيه شكوى. بصلحة الضمان الاجتماعي و البريد و المواصلات
و تبليغ عن حالة اعتداء زوج على زوجته لكن في هادي الزوجة دارت عليا ههههه. في اخر المطاف تفرقت معاه..........اه

[المهاجرة لربها]

السلام عليكم و رحمة الله و بركاته

احييك اختي على شجاعتك و روحك الطيبة انك لم تفكري في نفسك فحسب بل انت قدمت مساعدة قيمة لاولئك الاطفال البريئين الذين هم ضحية لسوء تقديم الخدمة و لاحتكار التجار و افعالهم الغير شرعية لا تتذمري و لا تبالي و لا تحسي بالدنب ابدا لانك قمت بعمل خيري و فعلت الصواب فمن كان ان يحس بالذنب هو ذاك البقال الذي لم يشفق و لم يفكر في ما ينجم عن سلعه الرديئة التي قد تسبب التسمم و اضرابات جهاز الهضم و الحساسية كل هذا كان قد يهتك بالصغار الذين يرتادون المدرسة و في كل يوم يقتنون فيه من مواد غذائية سيتأزم الامر اكثر بصحتهم لذا اختي قبل ان تفكري انك سبب في طرد رزقه انت سبب في نجاة الكثيرين و لم يكن احد سبب في طرد الرزق من يده الا يده هو لانه قد جنا على نفسه بنفسه و كذلك حتى يتعلم درسا مفاده ان لا يغش في البيع و ان لا يحتكر

و كذلك من ناحية اخرى انت وفرت لزوجته و ابناءه دراهم من الحلال فلربما اذا تاب عن ذلك لانه بفعلته تلك ماله اختلط بالغش و هو مال حرام
اتمنى ان يتعلم هذا البقال من فعلته تلك و ان يغفر الله له
بالنسبة لك اختي لا تقلقي و لا تياسي انت على حق و على صواب و الله يعلم بنيتك انك فكرتي في مصلحة الزبائن المستهلكين و لم تكن هذا انتقاما منك له
على العموم هذه امور تحدث كل يوم مع الايام سينسى الجميع ما حدث
وفقك الله اختي و سدد خطاك بالتوفيق

[FELLA BIO]

لست أبدا مخطأة خصوصا أنه أصر على عدم الاعتذار إي أنه باعكي المواد و هو يعلم أنها منتهية الصلاحية ...ناس فعلا متخافش ربي ...بارك الله فيكي

[Om mimi]

خايفين على ولادهم و ولاد الناس يوكلوهم في المرض ربي يهدينا

[غربة أهل السنّة]

وعليكم السلام ورحمة الله وبركاته
بارك الله فيكِ أختي،، هذا يعتبر نهيا عن المنكر والذي ينهى عن المنكر لا ينفع نفسه فقط بل ينفع الجميع
أعجبني تصرّفكِ كثيرا لأنّك بذلك أنقذت النّاس من الهلاك
وهل لديك شكّ في أنّ مافعلته صحيح؟؟؟؟؟
تخيّلي فقط لو أنّك تستّرتِ على ما رأيتِ ومات تلميذ بسبب قطعة جبن قديمة
لن تستطيعي النّوم من شدّة تأنيب الضّمير
أنتِ لم تقترفي اي ذنب، على العكسِ تماما
فبعض التّجار هداهنّ الله يعتمدون على الحيلة ليصلون للرّزق
والله تعالى لن يبارك لهم فيما يفعلونه
أمّا لي دارو عليك، صدّقيني هم يتّبعون ما سيقوله عنهم المجتمع و نسوا عذاب الله ،،، تحيّاتي لكِ

[حياتي نبع امل]

بالعكس بارك الله فيك .والله عجبتيني واللي ماعجبوش الحال يجي نهار ويستعرف سيرتو ادا جاتو في جنبو

[طيور الجنان]

ياختي موقفك شجاع حقا ربي يكثر من امثالك صار هو يتلاعب بحياة الناس جاتهم عادي وانت كي درتي اللي لازم يندار ماعجبهمش الحال. راكي صائبة اختي ربي يحفظك.

[محمد جديدي التبسي]

ما فعلته صحيح تماما
ربما كان عليك ان تهدديه قبل الذهاب للاشتكاء عليه ربما هو مسؤول عن عائلة وغلق محله سيكلفه الكثير
على كل حال ربي يهديه ويهدي أمثالو وتحية لك .

[riheb razane]

يعطيك الصحة فحلة والسكوت عن الحق شيطان اخرس برافو حنونتي

[OjogBon Rània]

هههههههههههه عطيك صحة زينة يكثر امثالك ان شاء الله

[SELLAMI FATHI]

بارك لله فيك طبيعة شعب لجزائري عاطفي شخص يبيع المخدرات يتعطفون معه رئيس جمهوريةمعوق يتعطفون معه لهدا اقول لك لو ان كل شعب مثلك وكان رنا بخير علينا