ساعدونى اخى يضيع منى

[مشكلتي]

السلام عليكم اخوانى الكرام ارجوا من الله ان يوفقكم لنصحى لانى عجزت عن ايجاد الحل لمشكلتى كنا انا واخى كالاضدقاء ولكن مند زواجى بدات صداقتنا تهتز ربما لانى تفرغت كليا لبيتى واولادى واهملت اخى المهم اكمل اخى دراسته وتوظف والحمد الله ولكنه فاجئنا برغبته فى الزواج وهو لا يملك شيئا حاول والدي اي ينصحانه بالثريت وبان الزواج مصاريفه ال تنتهى وانه لم يستمتع باستقلاليته المادية التى لطالما حلم بها ولكن عبثا فقد دهب وتكلم مع اخ احدى الفتيات قصد خطبتها واصر على ابي ان يدهب لطلبها ولكن حدث مالم يكن متوقع ولم يوافق اهل البنت لم يياس اخي رغم انه صارحنى بانه سيحزن كثيرا ان رفضته تلك الفتاة واد به ينساها بلمح البصر ويبدا فى رحلة البحت عن العروس المناسبة دون ان يدرى عما يبحت اراه يتخبط ومرجعه الوحيد اصحابه الملتزمون يستشيرهم ويسمع لهم اكثر منا نحن اهله من نخاف عليه ونحب له الخير دون ان اطيل عليكم لكثر فقد خطب اكثر من واحدة و مكتبش المكتوب كيما نقولو ولا زال يبحت خايفين عليه لا يطيح على راسو لانو ناس ملاح ياسر وبنات الفميلة قلوا وزاد خالط واحد الاخ كغير وين التزم اثر عليه بزاف وغيروا وعاد يسمعلو غير هو مع اننا حدرناه منو لانو انسان مش صافى تخيلو انى اخت صحيبو ومزوجة وبولاد وساعات نصيبو يخزر معاى والله حبيت نقول لخويا باه يفك من هدا الصحبة لغيراتو وراجعتو واحد اخر حاول بابا ينصحو وشوية عيط عليه مى زاد هلكلها مالقينا مانديرو شوروا عليا تعيشو

[نورسين.داية]

و إذا أراد الزواج أين المشكل فليتحمل مسؤوليته و لي عطاه بنتو لا يخفى عليه ..........
................... يا سيدي أنتي أخطبيلو

[خالد عنابي2]

ماعندو ما دخلك يا صاحبة المشكلة راكي تتدخلي فيما لا يعنيك

هو راجل وراشد ويعمل وربي يسهل عليه

هو المسؤول عليك وليس العكس

وديجا عندك راجلك وعايلتك

انتم عليكم واجب النصيحة فان ابى فهو حر

[Rima24k]

خليه يدبر راسو هو حر في حياتو انت تساعديه باخيار الزوجة المناسبة وديجا راه طالب لحلال نورمالمو تشجعوه مش لعكس

[دنيا الامل 18]

ليست هناك مشكلة اخوك كبر دعيه يعيش حياته

[randa3]

لازم عليكم تعاونوه بالنصح والارشاد
دبرولو بنت الحلال للزواج ومادام راهو حاب يتزوج راهو قادر على شقاه
وديجا راهو خدام وين راه المشكل خلوه يتحمل المسؤولية ويشوف حياته
ماتبقاوش تعرقلو فيه لأنه قادر يجي نهار انتوما تولو تترجاو فيه باش يتزوج ما يحبش

[rose de sable s]

اكيد هو احس بالوحدة واراد زواج
ممكن راك سعيدة بالزوج اراد ان يقلدك و يحصل علي امراة او غار منك واراد ام يفعل مثلك

[زبدة ذايبة]

وش حبيتي خوك يدير ؟؟؟؟؟

انت تزوجتي درتي دار واولاد

راجلك هو اللي يدبر عليك وهو اللي يتصرف كيما يحب

وكي حب خوك يختار الحياة تاعو ماحبيتيش

عاودي اقراي وش كتبتي

المشكلة راهي عندك

راكي تحوسي خوك يبقى تحت جناحك مايدير حتى حاجة حتى يرفد صبعوا وتعطيلو ok تاعك

وش هذ السيطرة ؟؟؟؟؟؟

راه راجل خلوه يقرر في حياتو مابقاش هذاك اللي كنتي تعرفيه قبل زواجك

ماكان مادخلك فيه راه راجل

التهاي بدارك وراجلك واولادك وهنا تحبسي ماتزيديش توسعي صلاحياتك لخوك

عندك حاجة وحدة ديريها هي :

إذا عرفتي الطفلة اللي رايح يتزوج بيها ماشي مليحة انصحيه

وادعيلو ربي يوفق ويسهل زواجو ويطيح في إمرأة صالحة

خوك لاباس عليه اخطيه انت برك

درتي دار خليه هو كذلك يدير دار واولاد كيما درتي انت وكيما راهم يديرو كامل الرجال

[ayad ahmed]

قال رسول الله(صلى الله عليه وسلم) /من ترك التزويج مخافة الفقر فقد اساء الظن بالله.
اذا كان يفكر هذا التفكير فهو على صواب حاولوا مساندته بدل الضغط عليه ،اعلم ان الزواج ومصاريفه هناك البعض من لا يستطيع حينما اصبح الحلال صعبا والحرام سهلا هناك بعض اعرفهم من عندما ارادوا الزواج لم يتوفروا على مبالغ مالية لتغطية كل ذلك لكن والله مع مساعدة الناس لهم والاصدقاء مرت بافضل الاحوال والحمد لله
ادعوا الله ان يوفق كل انسان يسعى الى الفعل الحسن
الله يسعدكم

[ع.عيسى]

الله يجيب الخير

[محمد جديدي التبسي]

هو يريد الزواج يعني يريد الحلال لو وقفتم ضده ربما سيتجه للحرام وهو كغيره من الشباب يريد تحصين نفسه بالحلال ففتنة النساء شديدة في وقتنا
قضية السكن والمهر أمور يمكن حلها مع الوقت المهر يجمعه من مرتبه في عام او عامين والسكن ان لم يتوفر له معكم سيضطر للكراء كما يفعل غالبية الشباب..المهم في الأمر أن أخوك له عمل وراتب وبالتالي يمكنه تأسيس بيت. ان أردت مساعدته شوفيلو فتاة مناسبة.

[Davidcena]

وين راه المشكل كي راه حاب يتزوج .نرمالمو تساعدوه

[حياتي نبع امل]

والله غير راكي تحيري .خوك حاب يتزوج وانت تقولي راح يضيع مني .ديجا لي يقرا مشكلتك ويعاود يقرا العنوان يفهم القصد تاعك .خلي خوك يعيش حياتو ويدبر راسو والتهاي انت في دارك وولادك .وماكالاه تشوهي صمعة الملتزمين .ديجا انت تشوفي ف صاحبو وهو مايشوفش ؟؟انت تان بزوجك وولادك وتخزري في رجل خاطيك
اتقي الله

[khiro07]

خلوه يتزوج مادامو خدام وقد المسؤولية