تحية إكبار

[مولود حداد]

السلام عليكم ورحمة الله

هذه قصيدة كتبتها في سنة 2004 حلو العملة النادرة في هذا العصر، هي هدية إلى كل بنت ارتضت إلا ان يكون تاجها حجابها.

بسم الله مُول المنة **** و الصلاة على صاحب السنة
محمد بْذكرو نَتْهنَى **** جابنا الرسالة و الدين

ألف تحية و تحية إكبار **** ليك يا ذات الخمار
نْت الدُر و نْت الجوهار **** و الصدف الغالي الثمين

جْعَلتي تاجك **** حجابك مْغطية راسك
هو اللي صاينك **** من سْموم الثعابين

نْت الكريمة و الحرة **** تْحررت مالشهوة الآسرة
الحشمة فيك وْ مستورة **** مرضية رب العالمين

شْكون قال المتحجبة **** كي تحتشم ماشي شابة
نورها بنور الله يَرْبى ويْزيد وهي قرة العين

أنا شخصيا داير النية **** ندي وحدة حجوبية
نعيش معاها حياة هنية *** هنا وعند رب العالمين