خطأ في عطلة الامومة

مواطنة جزائرية · 2016-08-13, 12:04

السلام عليكم

مشكلتي باختصار كنت في عطلة أمومة من 4 جوان 2015 و رجعت الى العمل في 10 أكتوبر 2015 يعني ديت 98 يوم عطلة و كملت 30 يوم بعد ما وافقتلي الاسيرونس و بدا الاقتطاع من الراتب و المردودية طبعا بالنسبة لاقتطاع المردودية كان عادي و لكن في الراتب ما سلكتش أكتوبر-نوفمبر- ديسمبر- جانفي و فيفري و أول مبلغ قبضتو كان في مارس فيه حق 20 يوم اللي خدمتهم من أكتوبر اذا لاحظنو أنا اقتاطعولي 5 أشهر بدل أربع و من ذاك الوقت لليوم و أنا نطالب بتسوية و ضعيتي و المقتصد يقلي راني درت رسالة ادارية و مازال ماجاتش التسوية هل هذا صحيح؟؟؟؟

واش تنصحوني كإجراءات نقدر نقوم بيها؟؟

للعلم اتصلت بمصلحة الاجور و قالولي الهدرة مع المسؤول المباشرعليك و هو المقتصد و المقتصد ماهوش مفهمني مليح

ساعدوني من فضلكم واش نقدر ندير؟؟؟؟؟؟

zineeddine721 · 2016-08-13, 13:34

نظن عندك نسخة من شهادة الاجر والعمل
التي ملاها المقتصد ......وقد كتب عليها تاريخ اخريوم عمل قبل الامومة
وكذلك تاريخ استءناف العمل .
مادام قضيتك في تماطل الجهات المسؤولة
بقي لك 1 -رفع تظلم الى مدير التربية
2- التوسط بالنقابة التي تنتمين اليها

وماكيش الاولى ولا الاخير قضايا هكذا بالمااات.
وربي يقدم اللي فيه خير

مواطنة جزائرية · 2016-08-13, 20:32

اقتباس:

المشاركة الأصلية كتبت بواسطة zineeddine721

نظن عندك نسخة من شهادة الاجر والعمل
التي ملاها المقتصد ......وقد كتب عليها تاريخ اخريوم عمل قبل الامومة
وكذلك تاريخ استءناف العمل .
مادام قضيتك في تماطل الجهات المسؤولة
بقي لك 1 -رفع تظلم الى مدير التربية
2- التوسط بالنقابة التي تنتمين اليها

وماكيش الاولى ولا الاخير قضايا هكذا بالمااات.
وربي يقدم اللي فيه خير

بارك الله فيك أخي الكريم على الرد

الوثيقة الأولى معنديش دفعتها لاسيرونس أما الوثيقة الثانية فهي بحوزتي هل هي كافبة

zineeddine721 · 2016-08-13, 21:55

بالفعل ...تعد كافية
الان اتوكلي على ربي واطرقي كل الابواب لافتكاك حقوقك
والله ظلم كبير ....يروح ضحيتو موظف..ة ...
نسمعو عليك الخير اختي ....سلام

بلقيس الهدى · 2016-08-13, 23:15

كان الله معكِ
لا أعرف بم أنصحك أكثر مما قاله الأخ الكريم zineeddine721

هديل527 · 2016-08-14, 08:29

السلام عليكم
اختي الكريمة حصل معي نفس المشكل مرتين الاولى الخطافي اقتطاع شهر كامل والثانية اقتطاع 20يوم
توجهت الى مصلحة الاجور عدة مرات حتى انهم طلبوامني عدم الحضور اي طردوني بطريقة مهذبة
المهم تكفل مدير المؤسسة بالمشكلة وتم تعويضي الحالة الاولى بعد مرور سنتين والثانية حوالي سنة
المهم لا تتسامحي معهم
وفقك الله

الطيب الشريف · 2016-08-14, 08:50

رسالة الى السيد مدير التربية مسندة بالوثائق سوف يحولها الى مصلحة الأجور لتسوية وضغيتك مصلحة الأجور لا تتعبي نفسك معهم فقد حدث لي مشكل ذات يوم سويته به الطريقة

kounouz45 · 2016-08-14, 10:21

انا خرجت عطلة امومة نوفمبر خلصت من مردودية نتاع ديسمبر 4000دج و مباعدها حبسولي خلصة خلصت حتى ماي 20 يوم لاننا نخلصو شهر قبل مانخدموه اي اذا خلصت شهر الي خرجت فيه يقتاطعو الايام الي ماخليصتيهاش و زيد الضمان يخلصك 4 اشهر و 10 ايام عاودي احسبي غادية تلقي نيشان

kounouz45 · 2016-08-14, 10:26

عاودي احسبي اذا خدمت نورمال شحال تخلصي وحسبي دراهم الضمان تلقيهم كيف كيف

cmonir · 2016-08-14, 18:55

خرجت يوم 04 جوان . هل تقاضيت مرتب جوان كاملا ام لا ؟

kounouz45 · 2016-08-14, 23:16

انت خرجت في بداية جوان اذا تقاضيت راتب في جوان غادي ياخدوه بعين الاعتبار لخطرش ماخدمتوش سقسي في خلية الرواتب تابعة للمديرية يعطوك حساب اذا راهم غالطين ولا لالا

مواطنة جزائرية · 2016-09-11, 19:58

سقسيت في الخلية اللي قلتي عليها و كان الحق معي يعني مخلصتش شهر و قالولي في مصلحة الأجور بأنو الى حوالي ديسمبر نسويو الوضع هل أصبر أم أرقع التظلم لمدير التربية كما نصحني الإخوة؟؟؟؟

جزاكم الله خيرا و بارك في كم على الردود و أسفة على التأخر في الرد لمشاكل قطعتني عن المنتدى

lamine777 · 2016-09-11, 23:23

ما سلكتش أكتوبر-نوفمبر- ديسمبر- جانفي و فيفري و أول مبلغ قبضتو كان في مارس فيه حق 20 يوم
أنا انقلك يالاخت لا انت راكي اصحيحة ولا المقتصد انتاع المأمن انتاعكم
العطلة انتاعك ابدات انهار 4 اكتوبر اذا كنت عاملة في قطاع التربية بولاية المسيلة فان الراتب راه يمشي من عند مصلحة الاجور انهار 02 اكتوبر معناها يتم اقتطاع نوفمبر + ديسمبر + جانفي + فيفري وتخلصي في شهر مارس هكذا الامر عادي أختاه عاودي ديري رولوفي كنت انتاع شهر اكتوبر تلقاي الشهرية مشاتلك عادي . المقتصد راه اصحيح وانت الي راك غالطة المعذرة عاودي احساباتك امليح

أبو حسام المنصف · 2016-09-12, 06:02

ربي يكون في العون .
و الله الشيء المحير لماذا عندما يتعلق الامر بالحسومات و الاقتطاعات تكون بسرعة رهيبة و لما يتعلق الامر بحقوق مهضومة .. أصبر زيد اصبر شوية برك ...... حسبنا الله و نعم الوكيل