شكون تحكيلنا على جو العيد الكبير في دارهم وتجهيزاتو

modest girl · 2016-09-05, 01:42

أهلا بيكم

شكون تحكيلنا على العيد كفاه يفوت في دارهم وكفاه يوجدولو باه نهزو كامل افكار ونستفادو خاصة المتزوجات جدد

modest girl · 2016-09-05, 09:30

80 مشاهدة ومكان حتا رد ؟؟

modest girl · 2016-09-05, 11:57

.....................

ساجده 82 · 2016-09-05, 13:22

سلام اختي انا عندي اليوم 11عام زواج نسيت ههههه
في دارنا كنا نجيبو الكبش نهار عرفه او صبيحه العيد .الصباح توضو يالحنه الله الله .نفطرو بمقروط ماما وكروكي لانه عيد اللحم هههنوكي يجيو من الصلاه يذبحو ونعاونهم في السليخ وطبعا التصوار هههه خاوتي ربي يحميهم ومن بعد واحده توجد لغدا طبعا الكبده والقلب واحده تشوط الراس والرجلين نغسلو الكرشه ووو ودايما تبقى الكبده في قلبي يوجد غدانا بكري .و يحتها وهي مشرمله امممم يجيو ولاد عمامي ووو يتغداو وحنا نغسلو المقله .هههه
ومن بعد التنظيف ووو المساء بكري كنا نديرو الراس ومؤخرا ولينا قليان بعد العشاء ماما ربي يبارك في عمرها .تقطع الطبش ويعاونها واحد من خاوتي وتصنب البرمه تاع الغداء اليوم الثاني باش اللحم يشرب الدواوات .تدير حتان ربعين قطعه لانهم يجيو الناس .وراكي تعرفي .وطبعا تنحي كتف لجدتي الله يرحمها يعني عجوزتها هههه تخبيهلها .
وانا ضرك مغتربه ومع وليداتي وزوجي يروح يذبح على برا .وكي يجي نكون طيب المطلوع وندير ملفوف الكبده على الشوايه .ومن بعد نخدم الراس ومن بعد نحطو الجزره ونبقاو نخطبو فيها ههههه وا ء سمينه وا ش مشحمه ونخلوها تنشف على فكره الجزره لازم تتحط على قطعه قماش مش بلاستيك .ونقطعو منها واش نديرو بروشات الشواء ونخليوه ساعات باش يجي بنين .وفي الليل نقطعو اللحم اللي نديرو منو للغداء طعام .
واذا تقصدي تحضيرات اخرى .الحنه طبعا ونغسلو الدار .تنظيف عميق .ونوجدو التوابل جدد
نمضيو لماس .ونكسيو لولاد والقاطو حاجه قليله ونسال الله ان يتقبل منا .امين

الزوجة البارة · 2016-09-05, 18:14

كان الاولى تبداي انتي ههه باش حنا نتنشطو
شوفي في دار بابا الجو احسن بكثير من دار شيخي مع اننا في غربة هنا المهم الصباح يروحو يصليو و كي يرجعو يتلمو باش يشهدو النحر الا انا ههههه لان قلبي الصغير لا يتحمل
المهم مامكا تكون وجدت الكسرة رخسيس حنا نحبو الرخسيس يذبحو بابا و خاوتي و يغسلو الغسلة اللولة في الحوش و يجيبولي نعاود انا و اختي الكبيرة معاهم في الميدان المهم كي نكملو كلش الله يبارك المعونة تغلب الصيد في سع نكملو كلش
يحط بابا طاجين الحديد و نتجملو اكل على الطابونة و يقطع الفتاوش و الكبدة و القل و يقلي و حنا ناكلو بالهريسة و القازوز اممم
في اليل يقطعلنا الكوطليط و نتفرجو مسرحية هذي ديمااا و نخبيو اللحم ثاني عيد نروحو لبلادنا و نكملو العيد مع الفاميلية
العام الي فات عيدت في دار شيخي برودة نوعا ما قعدنا نغسلو و تغداو مرقة هذي مدخلتليش راسي خلاااص و دارو بولفاف بالكبدة العشية روحت مرجعتلهم حتى 3 ايام بعد العيد لاني نروح مع اهلي لبلادنا
صح عيدكم مسبقا

marambest · 2016-09-05, 19:58

والله حنا قبل العيد نظفو الداار ملييح و ونرحو لماس وقبل العيد بيم نجيبو لخرووف ونديرولو الحنة في راسو هههه ونتصورو معااه المهم غدوة من داك نوضو دايما بكري انا راني نعدل في الدار ونسقم الطابلة ونحط القاطو نوع واحد تقريبا لانو عيد اللحم كيما يقولو ومبعد يروحو خاوتي في زوج وبابا للجامع يصلو وانا نحب نسمع التكبيرات الله اكبر الله اكبر............ المهم وكي يروحو نسلم ونعيدو على بعض ومبعد يلبسو حوايجهم تاع الضبيحة ويذبحو خروفنا ومبعد خروف خويا بصح انا مانقدمش مانحبش نشوف الدم ...... المهم كي يذبحو ويسيقو هداك الدم انا نجي ونهز لفتاوش كرشة وكبدة وقلب ...... نمدهم لماما واختي ومرة خويا انا الحق مانخسلش يااسر انا عليا المينااج برك هههه المهم ومبعد تشوينا ماما الكرشة والكبدة والقلب وهدوك لفتاوش ومبعد تطيب البكبوكة مممممممممممم ومبعد تعود الدار مقلبة برجليهم والوسخ نعود نتوي شوية ومبعد يبداو يجو خوالي وعمامي ..... المهم وياكلو بكبوكة ماما ربي يحفظها يموووت عليها بنييينة ومبعد في الgايلة نشوطو الراس والرجلين ومبعد فليل تبقى البكبوكة لخاطر ماما ديير يااسر واصلالالا نعودو شبعانين وغدوة من داااك نرووحو لداار جدي في بااتنة رووووعة
بصح السنة اختي زوجت وقعدت وحدي سيما كلشي عليا ههههههههههههه
صح عيدكم مسبقاااااا

soumia bougaa · 2016-09-07, 18:26

تقريبا نفس الشي عندنا كامل ..

حنا على سبيل المثال تبدا التحضيرات ايام قبل العيد : نفرغو الكونجيلاتور ونمسحوه ونمضيو لمواس ونقيو الدار ..

ليلة العيد يجيبو الكبش ونحنيولو ونهار العيد مع صباح ربي يروحو بابا وخويا يصليو وحنا نوجدو الدار مع يجي بابا وخويا يبداو الدبيحة ...

الحاجة الي يوجدوها يبعثوهالنا ... في الوقت الي هوما يكملو حنا نكملو معاهم لانو عندنا غير غسيل الدوارة ... الراس نشوطو مع بابا بالشاليمو ههههه في وقت القايلة ..

نقليو الكبدة والقلب .. ونعلقو الجزرة تاعنا ..لعشا نطيبو الراس فوروه وساعات ماندوروش بيه طول لانو تقربيا غير بابا الي ياكلو ..

اليوم الثاني نروحو لدار جدي .. ولعشية طول يجو يما وبابا يقطعو الكبش يقسموه ونفرزوه .. ونديرو عشانا شوا ...

وتوتة توتة خلصت الحتوتة ..