كيك رائع و بريزونتابل

[اولادي نور عيوني]

اليوم جبتلكم هذ الكيك كانت امي الله يحفطها ديرولنا دايما و الان انا راني نديرو في داري
يحمر الوجه قدام ضياف الغفلة تقدري ديريه و تخبيه فالكونجلاتور و ادا جاوك ضياف على غفلة اجبديه بالخف يديكونجلا
ديرو اي وصفة تاع كيك معتمدينها
انا عندي لي مول شوية صغار مالا درت كيكة تاع 3 حبات بيض و كاس صغير تاع السكر و كاس كيما هو تاع الزيت و طبعا نشفو بالفرينة و نديرو باكي خمارة الحلوى
اما اذا كان عندك مول تاع كيك كبير استعملي 4 بيضات و كاس عادي تاع 250مل سكر و بنفس الكاس ديري الزيت و طبعا الفرينة و الخميرة
ديرو كيكتين واحدة بيضاء عطروها بلافاني و الثانية سوداء يعني نضيفولها الكاكاو
هادو الكيكتين جاهزين باش يدخلو للفرن

في هاد الاثناء نوجد الكريم باتيسيير انا نديرها بدون بيض لاني نسحقها غير باش نلصق الكيكتين و بصراحة ندير عيني ميزاني شوية مايزينة و شوية سكر و شوية حليب و لافاني
[IMG][/IMG]
الان الكيكتين طابو


]
نخليهم يبردو و مبعد نقطعهم على الطول الى 4 قطع متساوية بهذا الشكل
حاولو تجيبهم قد قد انا كنت مزروبة شوية عوجتهم



و الان نجو للتركيب
نديرو قطعة بيضاء تاع الحاشية و نطلوها بالكريمة باتيسيير
و نحطو فوقها واحدة سوداء من تاع الوسط و نطلوها بالكريمة و هكذا حتى نرجعو نلصقو 4 قطع و لكن لون بلون و لازم نديرو القطع تاع الحاشية في الاطراف من ومن هكذا



رايحين يرجعو عندي كيكتين ملونين
نرجعهم فالمول باش يشدو رواحهم و يلصقو مليح ونديرهم في الثلاجة شوية


نذوب شكولا و نزيدها شوية حليب و نغطي بيها الكيكتين
كي تنشف نقطع الكيك تاعي





ان شاء الله يكون عجبكم هذ الكيك و تجربوه و تنجحو فيه
راني نستنا في تشجيعاتكم