شر البليه ما يضحك

[مشكلتي]

السلام عليكم بدايه راح نحكي بصراحه و بما انو موضوع طويل و معقد راح نحكي الشيئ الي نتذكره فقط لكن اشهد الله اني راح نحكي بصراحه و موضوعيه مطلقه

انا امراه في ال 21 من العمر متزوجه و ام لطفلين مشكلتي ام زوجي و اهلو عموما انا من النوع الي ما يضلمش و ما يحبش ينظلم المهم في بدايه زواجي كنت طيبه جدا و بما انني الاصغر غي العائله اي عائله الزوج كنت طايعتهم جميعا حتى كي نشوف واحد يمشي حفيان نجيبله الحذاء المهم كنت نغسل لإخوه زوجي و امه و ابوه و نحددلهم ملابسهم و ننظف الخ مع العلم ان اخوات زوجي متزوجات لكن كل يوم يجو لعندنا انا كنت نشقا في وجه الله لكن هم حسبوها خوفا مني او لا اعلم المهم كلمه شكرا مانسمعهاش منهم ثم جائت فتره حملي تخيلو عجوزتي تحط ماء جافيل في الارض و تعطيني الثقيل باش نهزو و كي ماصرالي والو ولات تخبي الاكل حتى وصلت وين مانقدرش نوقف من الجوع و بما انني خجووله جدا والله ماحكيت حتى ولدت و راكم تعرفو حالت النافس و مع الجوع و التعب مرضت بالزاف كنت شابه مي من المرض وليت مصفاره و سامحه في روحي و ابني و زوجي و هنا قلت لالا قلتلهم انا عجوزتي على راسي مي اخوته لالا قلت حابه داري قلت حابه نعيش متل اي امراه في هاد الدنيا و بعدها مرات نقول بالاك راني نضغط على زوجي ماعرفتش حقي من واجبي ارشدوني رجاءا كاين بالزاف احداث لكني متعبه و كرهت حتى نتذكرهم

[*أم كوثر*]

وعليكم السلام
بيت مستقل من حقك لكن لاتجعليه مطلب ينغص حياتك
كوني ذكية فقط

[خالد عنابي2]

انتي الغالطة طبعا واحد ماقالك كوني طيبة فوق اللازم وقدمي تنازلات مجانية بالجملة

والفتيهم والان راكي تخلصي ....

[Amouna.DZ]

إذا إستطاع زوجكي توفير منزل لكي صدقيني لايوجد أروع و أهنأ من ذلك لكن ماتخليش هذا الأنر أكبر همك حاولي زوجك بلين ولطف باش مايعندش

[ع.عيسى]

غريب ما تفعله ام زوجك ؟؟؟؟؟

[أم عروة]

يا اختي كاين عباد كي تكوني طيبة معاهم يحسبوك جايحة
تنازلتي وتنازلتي ونهار تهدري على ابسط حقوقك مايعجبهمش الحال

كيما قالولك يلزم تكوني ذكية وشاطرة ماتظلميش ولكن حقوقك استرجعيهم درجة بدرجة
و نقوللك بلي رايحة تصرى الحرب كي يلاحظوك تغيرتي ولكن اثبتي ورايحين يوالفوك كيما والفوك من قبل وشنو لازم تصبري

[دنيا الامل 18]

حاولي الحصول على طلبك بطريقة دكية

[أناييس الربيع]

أولا أحييك لإخلاقك الراقية وربي يثبتك ويكثر من أمثالك ياطيبة

التغافل سمة نفتقدها كثيرا في الوقت الراهن ،

أنت أمام خيارين أن تصبري مااستطعت وأكيد لن يتركك الله وسيجازيك تفاديا للاسوأ

أو تحاولي تبيني لزوجك ماتفعله أمه بطريقة ذكية حتى تتخلص من مكرها

وأسأل الله العظيم أن يألف بين قلوبكم

[حاملة المصحف]

اختي كوني صبورة و ذكية
اخدمي في الدار بالشيء اللي تقدري عليه متحمليش روحك فوق طاقتها الي قدرتي تديريها ديريها الي مقدرتيش الله غالب
بالنسبة لام زوجك مهما فعلت انت لا تنفعلي حاولي تبينيلها بلي راهي غالطة وهدي تصرفات لا تليق بمقامها
و ربي يفرج عليك اختاه

[طيور الجنان]

بيت مستقل هو الحل وهذا من حقك.

[ibtissembiti]

هل توجد ام تفعل هذا بزوجت ابنها التي تعتبر ابنتها هذي متخافش تخرج فبنتها
ومغايضهاش بنها يتغبن بالمشاكل هاذوا لمعندهم حتى معنى ربي يغفرلي مرانيش نحرض فيك
غير متعذبيش روحك كما تدين تدان هذي عجوزتك تزيد تشرب بنفس لكاس لشربتهولك وتشوفو فبناتها
ختي تقدري تدبري راسك كتخرجي اشري ماكلة ليك لمتفسدش وحطيها فخزانتك
ولا وصي داركم يديرولك حلوى وخبيها فخزانتك صعيبة باش تقعدي بالجوع فوقت نفاس والحمل
نتي صبرتي والصابر يختي ينال
دوقا علرفي كفاه تجبدي روحك اخدمي غير لراجلك وولادك وحماتك لبنات اوخرين كل وحدة تخدم لروحها !!
ربي يفتح عليك وخفف عليك ورزقك طول لبال وفرجها عليك بدار وحدك
ربي يسهلك ان شاء الله

[randa3]

ربي يكون معاك
اذا يقدر زوجك يوفر لك سكن مستقل هاذي حاجة مليحة ليك وليهم، واذا ما يقدرش اصبري واخدمي الي تقدري عليه ماتحمليش نفسك فوق طاقتها أولادك وزوجك أولى بيك وبصحتك

[Rima24k]

على قد ماتكوني عاقلة على قد مايركبو عليك صقصيتي انا جربت وشفت عندي سبع سنين زواج جامي قالوها فيا تصلح ،،،، كوني فايقة واستغلي كاش موقف يعملوهولك واقعدي مع راجلك وقوليلو بلي حابة تخرجي بدارك وحدك بشوية برك اعرفي كيفاه تعيشي

[أم سلوى]

21سنة صغيرة..جدا. على الشغل والظلم..
ديري راحة لنفسك واحد ميقول حاجة